1 PETER 4:11 - Bawm Common Language Bible Version

¹¹ Mi âuzawng nih thu a sim chun Pathian thu sim seh; mi âuzawng nih rian a ṭuan chun Pathian nih chaknâk a pêk hâwi vima hen ṭuan seh. Churawhchun, Jisu Krist zârah Pathian chu thil zeizawng ah chawnglawmh hen a um kho lai. Rokualnâk leh thiltikhonâk chu zungzâl hen amah tâ asi. Amen.

1 PETER 4:11 ပူးပေါင်းရင်းမြစ်များ

SAM 145:13

Na dân chu zungzâl asi le, nang khawm zungzâl lal na si. LALPA chu a thutiam ah zumh a kâi le, thil a ti mi zawng chu a ṭha.

ISAI 8:20

Nannih nih, “LALPA nih a nan sîntir na mi hi ngâi u! Mithi sawnh thiam thu ngâi lah, a nan simh na mi thu chu nan rangah zeikhawm a ṭhatnâk a um lai loh,” ti hen nan sâng ding asi.

JEREMIA 23:22

Ka dawn mi thil thup theih na mi sele chu ka thuchah zapi sinah an phuang lai le, an thilsual ti tla lêt hen an umdân diklo tla an bângtâk lai.

DANIAL 4:3

“Pathian nih thilchê hawng kan muhtir mi chu a rokaul châwk a! A thilchê ti tla chu a fâk a! Pathian chu lal asi kumza lai le, zeiliau zawng ah lâi a rêl kumza lai.”

DANIAL 4:34

Lal nih, “Kum sarih a hawng vei rawh chun, vân lei ka zauh le, ka thinlung ah theihnâk a hawng kîr nawlh. Pathian rokual chu ka sawr le, zungzâl um kumza mi sinah zahnâk leh rokualnâk ka pêk. “Anih nih lâi a rêl kumza lai le, a lalram chu zeiliau zawng ah a um kumza lai.

DANIAL 7:14

Phun zawzawng leh chi zawzawng leh hawlh zawzawng nih a rian an ṭuannâk ding hen a sinah thuneihnâk leh lal thiltikhonâk an pêk, a thuneihnâk leh a ram chu zungzâl tiang hen dawngh a nei lai lo.

MATHAI 6:13

Sual ding hen lêmnâk ah hawng kan ruai lah le, Misual lakah thawk hen ruang hawng kan suah rawh. Ram leh thiltikhonâk leh rokualnâk, zungzâl hen na tâ asi, Amen.

JOHAN 13:31

Chuvachun, a kal nûnah Jisu nih a sim le, “Tu ah chun Minung Fapa chawnglawmh hen a um rawh, amah ruangah Pathian khawm chawnglawmh hen a um asi.

THILTI 7:38

Chu minung chu ramkaro ah mi zapi lakah Sinai Tlângah a sawnhtu vânmifial sinah leh kan thlâktu tla sinah a um mi kha asi; chu minung chu hawng kan pêk singsuan ding hen thu nung tla lâktu kha asi.

ROM 11:36

Amah thawk hen leh amah ruangah leh amah sinah thil zawzawng a hawng um asi; amah sinah chun zungzâl hen rokualnâk um seh! Amen.

ROM 12:3

Pathian nih a ka pêk mi zângfahnâk ruangah hin nan lakah âukhawm mah umdân tâwk nûnlêm ah sung-û tir lo hen, Pathian nih mikip sinah lungnâk tâwk a pêk hâwi vima hen rep tak a ruat dauh ding hen ka nan ti chiam na.

ROM 16:27

Nannih an birhtir kho natu Pathian fing sinah cho Jisu Krist ruangah zungzâl hen rokualnâk um seh! Amen.

ROM 3:2

Zeizawng ah a ṭhavak thlo. Pathian thu chu Pathian nih Juda tla sinah a kiltir masa chem.

1 KORIN 10:31

Chun, nan ei khawm ah, nan din khawm ah, nan ti mi kip ah khawm Pathian rokualnâk ding ver hen ti u.

1 KORIN 12:4

Chun, thilpêk dang dang a um le, Thlarau lam chu munkhat asi.

1 KORIN 3:10

Pathian nih zângfahnâk hawng ka pêk mi mang hen in sak thiam mi rian ka ṭuan le, lungphûm ka phûm, midang nih a tlûnah in an sak. Sikhawmsele, mikip a tlûnah an sak zia ding mi lakah a thiamthih chiau na seh.

1 KORIN 6:20

Churuangah, nan taksa hen Pathian chawnglawmh u.

2 KORIN 2:17

Mi tam tak nih Pathian thu hi mi tla perpet hen sawlehnâk ah an mang hâwi hen kannih nih chun kan mang lêm lo; thungâi tak hen, Pathian fial hen, Pathian mitmuh hen Krist ah chun thu kan sim tâwn.

2 KORIN 9:13

Hi rianṭuannâk nih hin a nan nik na ruangah Krist Thâwngthâng Ṭha leikângah nan thinlung nan zâwt zia ruangah leh anmah tla rangah leh mi zawzawng rangah thawhlâwmnâk ah nan thil siang tla ruangah hin Pathian an rokualtir tâwn asi.

EPHESI 1:19

mithi lakah mi a thawh nawlh liau leh lalnâk, thuneihnâk, thiltikhonâk, lâirêlnâk zawzawng tla, hi laikulh ah cho silo hen laikulh hawng tlung ding khawm ah min sak zawzawng tla tlûn ving ah vân mun tla ah a vawrhlei ah a totir liauah Krist lakah a ṭuan mi, a thari chaknâk ṭuan zia hâwi vima hen khan kannih lungtu leikângah a thiltikhonâk a lianh zia tla zei hâwi asi nan theih kho lai.

EPHESI 4:29

Thu ṭhalo rerêng nan kâ ah suak lah seh, a herh zia hâwi vima a siamṭha ding hen thu ṭha vial suak dauh seh, a ngâitu tla rangah zângfahnâk asi khonâk ding hen.

EPHESI 5:20

Kan Lalpa Jisu Krist min hen, Pathian, Pa sinah zeizawng lakah lâwmthu sim kumza u.

EPHESI 6:10

A dawnghchemnâk ah Lalpa ah leh a chaknâk ah thiltikhonâk nei hen hawng um u.

PHILIPI 2:11

Pa Pathian rokualnâk ding hen, lei kip nih, “Jisu Krist chu Lalpa asi,” ti hen, an phuang lai.

KOLOSA 4:6

Mikip zei hâwi sâng chiau ding me asi ti nan theih khonâk ding hen nan kâ suak chu ngâi tlâk, zângfahnâk tel si kumza seh.

1 THESALONIKA 2:4

Thâwngthâng Ṭha kiltir ding hen Pathian nih ṭha hawng kan ti hâwi hen, minung lawmhtir ding hâwi si lo hen, kan thinlung niktu Pathian lawmhtir dauh hen thu kan sim dauh tâwn asi.

1 TIMOTHE 1:17

Lalchem, zungzâl hen um mi, râwk kho lo, muh kho lo, Pathian tak cho chu zungzâl chawnglawmh leh rokual hen um seh! Amen.

1 TIMOTHE 6:16

Amah cho nih thih kholonâk a nei, chêu naih kho lo rê ah a um le, amah chu âukhawm nih an muh dahlo, muh khawm an muh kho ber lo, amah sinah zungzâl chawnglawmhnâk leh thiltikhonâk um seh. Amen.

TITA 2:1

Nang lam nih chun sîntirnâk dik tak hen â êp mi thu sim rawh.

TITA 2:15

Thu nei tak hen chubang thu chu sim hen fawrh le, nunsimh rawh. Âukhawm nih a nan zauhnawmh lah seh.

HEBRAI 13:7

Nan hotu, Pathian thu an simh natu chu theihkumza ule, an umdân chu châwng ule, an lung dân chu ruat u.

HEBRAI 5:12

A tik thu ruat hen sîntirtu si rawh ding hen nan a dawh le, Pathian thu phûr dawmhtîrnâk sîntir nan herh nget rih. Buh rum silo hen nûk din herh nget mi hâwi nan si rih.

JEM 1:19

Unau duhtak tla, hi hi theih u, mikip nih thu ngâi ding a chuh sele, thusim chu a chuh lah sele, thin sâu seh.

JEM 1:26

Âuzawng phung thu sunhsaktu ah â ruat hen, a lei a veng kho ṭung lo chun amah â perpet mi asi, chu hâwi minung nih phung thu ah a sawnh dân chu zeikhawm asi lo.

1 PETER 2:12

Lunglotu tla lakah nan changh zia chu ṭha tak si seh; chun thilsual titu tla hâwi hen an simsiat na mi lakah chun nan thil ṭha ti tla an theihthiam tikah a hawng kalnâk Ni ah Pathian an chawnglawmh kho lai.

1 PETER 2:5

Lung nung tla hâwi hen amah sinah hawng u, chun thlarau lei in saknâk ah mang ding hen a pêk u. Jisu Krist zârah Pathian sinah thlarau lei bâwlnâk pawmtlâk ap ding hen chunah chun, bâwlpu thenhlimh nan si lai.

1 PETER 4:10

Mi kip nih thilpêk nan tawng mi chu Pathian zângfahnâk zauhkhenhtu tla hâwi hen, midang tla ṭhatnâk ding hen ti u.

1 PETER 4:16

Sikhawmsele, Kristian na si ruangah na tuar chun ningzak lah, Krist min hen na tuar ruangah chun Pathian sinah lâwmthu sim lehlam rawh.

1 PETER 5:11

Amah sinah chun thiltikhonâk chu zungzâl hen um seh: Amen.

JUD 1:25

kan Lalpa Jisu Krist zârah ruang hawng kan suahtu Pathian sinah cho chun, tik a lan rawh mi leh tuah leh zungzâl tiang hen, chawnglawmhnâk tla, rokualnâk tla, thuneihnâk tla a sinah um seh! Amen.