1 PETER 4:1 - Bawm Common Language Bible Version

¹ Chun, Krist nih taksa hen a tuar rawh ruangah nannih khawm chu hâwi dawnruatnâk hen nanna chaktir ding asi. Âuzawng taksa ah tuartu nih chun sual a bângtâk rawh ruangah.

1 PETER 4:1 ပူးပေါင်းရင်းမြစ်များ

ISAI 1:16

Thiang ver hen a ṭâwl u. Thilsual nan ti mi ka muh mi tla hi bâng u.

EZEKIEL 16:41

Na in tla chu an duah lai le, rêp hen na um mi chu nunau rual nih a nan muh lai. A zuar mi nunau na sinâk kan bângtir lai le, na duh na mi tla sinah thilpêk khawm ka nan bângtir lai rawh.

MARK 3:3

Chun, anih nih kutkhêng sinah chun, “A lâi ah dîr rawh,” a ti.

ROM 6:11

Chu hâwi ber hen nannih khawm sual leikângah thi rawh ah a ruat ule, Pathian leikângah lam chun Krist Jisu ah nung hen a ruat u.

ROM 6:2

Si lo e; kannih sual leikângah thi rawh mi, sual hen zeitin me kan nung kho nget lai rih?

ROM 6:7

Âuzawng thi rawh mi chu sual ah mi a suak rawh asi.

GALATIA 2:20

Krist sinah khenhbêk hen ka um rawh, sikhawmsele ka nung; kei lam chu kasi lo rawh, Krist chu keimah lakah a nung dauh asi; chun tuah taksa ah ka nung mi hi lungnâk ah nung ka si– Pathian Fapa, hawng ka zângfah le, ka ruangrûl ah â pêk mi lungnâk ah chun.

GALATIA 5:24

Chun, Krist Jisu mi le nih chun taksa chu a sual dawnnâk leh a duhnâk tla hen an khenhbêk rawh.

EPHESI 6:13

Churuangah, ni ṭhalo ah chun nan do khonâk ding hen leh nan ti thluh ver nûn khawm ah nan dîr khonâk ding hen Pathian râlthuam rangtling lâk u.

DEUTERONOMY 27:10

churuangah a thu ngâi ule, tusûn ni ah a dân tla ka nan pêk na mi zawzawng kil u,” an ti.

PHILIPI 2:5

Hi thinlung, Krist Jisu khawm ah um mi kha nanmah lakah um seh:

HEBRAI 12:3

Nanna dâithlanh hen nan lungdawng lonâk ding hen Jisu chu misual amah huatu tla lakah â dawnhkho zia chu ruat u.

HEBRAI 4:10

Âuzawng lût hen Pathian sinah â dîn mi chu Pathian nih a rianṭuan a dinhtâk hâwi hen a rianṭuan a dinhtâk.

1 PETER 2:21

Hi hi asi, ti ding hen Pathian nih a nan kawh na mi chu: Krist nih nan rangah a tuar rawh ruangah a nehnûn nan zûl ding hen zûnzauh ding ah a nan mâk na asi.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.