1 PETER 3:7 - Bawm Common Language Bible Version

⁷ Nannih pasal le tla khawm, nunau hi mi chaklo dauh mi an si ti theih hen chawnglawmh na u; Pathian khuaruatnâk thilthawtpêk, nungnâk, an tingpi natu an si ruangah. Hi hi ti ule; chun nan thlachamnâk tla kham hen a um lai loh.

1 PETER 3:7 ပူးပေါင်းရင်းမြစ်များ

JOB LASUIBU 42:8

Tuah nanmah rang ding ah chawchal pasarih leh dawrâ chal pasarih Job sinah kalpi ule, bâwlnâk rangah ap u. Job nih thla an cham piak na lai le, kei nih a thlachamnâk ka sâng lai le, nan ti mi hâwi hen nan rangah ningzak a kâi lai loh. Anih nih a ti mi hâwi hen ka thu hi dik hen nan sim lo,” a ti.

MATHAI 18:19

“Thungâi tak hen ka nan simh nawlh na, tual tlûnah hin nan lakah minung panih an thil deih leikâng ah thu anna rual chun, ka Pa vân ah mi nih ti piak hen an um lai.

1 KORIN 7:3

Pasal nih chun a nupi sinah a ting ding tâwk pêk seh; chu hâwi ber hen nupi khawm nih a pasal sinah a ting ding tâwk chu pêk bâk seh.

EPHESI 3:6

chu chu hi hi asi: Thâwngthâng Ṭha ruangah hin Krist Jisu ah Phundang tla hi Juda tla rotingtu, taksa pumkhat lakah ṭeng tla, thutiam tingpitu tla an si hi.

EPHESI 4:30

Chun, Pathian Thlarau Thenhlimh chu lungzûrtir lah u, tlanhnâk ni rang ding ah chu hen chun singsiah hen nan um kha.

EPHESI 5:33

Zeikhawm si sele, nan lakah mi khawm nih mah â zângfah hâwi ber hen mah nupi zângfah chiau seh; nupi khawm chu a pasal ṭih leh zah ding hen a thaimthih seh.

EPHESI 6:18

thlachamnâk leh deihnâk kip hen zeiliau zawng ah Thlarau a thlacham hen chu leikângah chun mi thenhlimh zawng rangah ṭhanemsemsê ngâi tak hen leh deih thlir hen a ringrâwn u.

KOLOSA 3:19

Pasal le tla, nan nupi le tla zângfah ule, an lakah râng lah u.

1 THESALONIKA 4:4

Pathian theihlo Phundang tla hâwi hen hur-khuang leikângah duh lo hen thenhlimh leh chawnglawmh hen mah nupi kil thiam chiau seh;

TITA 3:7

Chuvachun, a zângfahnâk ah mawhtir lo si hen, zungzâl hen nungnâk lungumnâk hâwi vima hen rotingtu ding ah siam hen kan um kho lai.

HEBRAI 1:14

Vânmifial tla chu zei an si ne? Annih tla chu Thlarau ver Pathian rianṭuantu, ruangsuahnâk tawngtu ding mi tla sinah ṭangpi ding hen fial an si.

1 PETER 3:1

Chu hâwi ber hen, nannih nupi tla, nan pasal tla thu thu hen um u. An lakah zeimaw mi Pathian thu lung lo na khawmsele, thu silo hen, nan nunchan thenhlimh leh zahkâinâk hen neh na ding a tum u.