1 PETER 3:4 - Bawm Common Language Bible Version

⁴ Chu ngâk hen chun nan sunglei diknâk tel sih hen, Pathian mitmuh ah sung tak, thlarau nunnêmnâk leh lungngamnâk dawhnâk hen thuam si dauh seh.

1 PETER 3:4 ပူးပေါင်းရင်းမြစ်များ

SAM 131:2

Chu ngâk hen chun, lungsi tak leh lungngam tak hen um ka duh dauh. Fa chu a nu ṭângka ah â ngauh mi hâwi hen ka thinlung nuam tak hen a um.

SAM 147:6

 nâutir mi chu a chungnungtir le, sikhawmsele misual chu tual ah a nâutir na.

SAM 149:4

LALPA nih a mi tla chu a lawmh na le; nâu tak hen um mi chu nehtu si hen a chungnungtir na.

SAM 25:9

Mi â nâutir mi chu lampi dik ah a ruai na le, a duhzia a sîntir na.

SAM 45:13

Lal fanu lal in sung ah mi chu â dawh chiam e! A kawrfual chu ngûn zâi hen siam asi.

SAM 51:6

Zumhkâi leh diknâk chu na duh mi tak asi, na finghnâk hen ka thinlung khattir rawh.

ISAI 11:4

mipâm tla chu ṭha tak hen lâi a rêl piak lai le, ṭangpitu nei lo tla diknâk chu a ṭanh lai. A thupêk hen mi zapi rêp an si lai le, misual tla chu an thi lai.

ISAI 29:19

Mipâm leh mi nâutâ tla chu LALPA Israel Pathian thenhlimh nih lâwmnâk a pêk na mi an tawng nawlh lai.

ISAI 57:15

“Kei chu Pathian thenhlimh leh sâng tak um kumza mi chu kasi. Mun sâng leh mun thenhlimh ah ka um le, sikhawmsele an lungnâk leh lungumnâk ka neitir nawlh kho na ding hen mi â nautir mi leh sual rim mi sinah khawm ka um ber.

ISAI 61:1

LALPA zahkâi nih a thlarau hen hawng ka khattir. Mipâm tla sinah thâwngthâng ṭha sim ding, Thinlung fâk mi tla damh ding, Sal tang tla sinah suahnâk thu sim ding, Rêngtlâ sinah suaknâk thu sim ding hen Hawng ka thîm le, hawng ka fial.

JEREMIA 51:59

Lalchem Zedekiah vêngtu chu Seraiah, Neriah fapa, Mahseiah tupa asi. Juda lalchem Zedekiah a lal mi a kum linâk ah, Seraiah chu Babulon ah a sinah a kal le, sîntirnâk zeimawh tla ka pêk.

MATHAI 11:29

Ka liangbat a bat ule, ka sinah a sîn u; dawnh kho mi leh thinlung ah â nâutir mi tak kasi; chun, nan thlarau rangah dinhnâk nan tawng lai.

MATHAI 21:5

na sinah a hawng kal awt ti hen, Zion fanu chu simh rawh,” ti hen, khuavâng kâ ah a sim mi kha a hawng tlung khonâk ding hen chubang chu a hawng um rawh asi.

MATHAI 23:26

Farisai mitchâw, hâi leh khêng sunglei chu ṭâwl masa rawh, a lênglei khawm a hawng thiang khonâk ding hen.

MATHAI 5:5

“Â dawnh kho mi tla chu an thaw a suak, tual hi an luah awt ruangah!

LUK 11:40

Mi â tla, lênglei siamtu nih sunglei khawm a siam lo mazei?

LUK 16:15

Chun, anih nih chun an sinah, “Minung mitmuh ah a reptir mi cho nan si, sikhawmsele, Pathian nih nan thinlung a theih; minung lakah chawnglawmhnâk chu Pathian mitmuh hen nâwm tak asi.

ROM 1:23

thi kho lo Pathian chu sawnh lo hen, thi kho mi minung ruk tla, vâ tla, ran tla, vâkrit tla ruk chu an sawnh asi.

ROM 2:29

Khawmsele, a lêngpuan si lo hen Juda mi si chu Juda mi tak asi. Chun, fêmtan tak chu thinlung leikângah tan asi, lasui thu ah ko si lo hen thlarau ah asi; chu lakah chun minung sawr a lawh lo le, Pathian sawr an lawh dauh asi.

ROM 6:6

Hi bang hi theih sele; kan minung li chu a sinah khenhbêk hen a um bâk rawh, sual put taksa chu tlâutir a um khonâk ding hen, tu thawk hen sual sal ah kan um lonâk ding hen.

ROM 7:22

Ka thinlung tak hen Pathian dân lakah ka lâwm tâwn.

2 KORIN 10:1

Chun, kei Pawl, nan lakah nan mitmuh ah dawnhkho tak a um hen nan sinah ka um lo kâ hen nanmah leikângah iam tâwn mi nih hin Krist ṭhatnâk leh nunnêmnâk hen kan ngiar na.

2 KORIN 4:16

Churuang chun kan duai lo le, kan lênglei minung hi hawng rawp dadauh khawmsele kan sunglei minung chu nisiar siamthar vima hen a um dauh asi.

GALATIA 5:23

zumhkainâk, mi tangah dawnhkhonâk, sûmkhonâk tla asi dauh; chu hawi kalh kâng hen Dân thupêk rerêng a um lo.

EPHESI 4:2

dawnhkhonâk nei hen, remnâk phuarnâk ah chun Thlarau ah a pumkhatnâk chu kil ding a ti hen,

KOLOSA 3:12

Chun, Pathian mi thîm, mi thenhlimh leh duhtak tla hâwi hen siherhnâk thinlung tla, vêlneihnâk thinlung tla, ngâiniamnâk tla,

KOLOSA 3:3

Nan thi rawh le, nan nungnâk chu Pathian lakah Krist sinah thuh hen a um rawh ruangah.

2 THESALONIKA 3:12

Chun, chubang tla chu dâisip a ṭuan ding leh anmah tla sang ei ding hen Lalpa Jisu Krist ah thu pêk hen kan fawrh asi.

1 TIMOTHE 2:2

Lal tla leh thuneitu tla zawzawng rangah khawm Pathian sunhsak leh zahkâi tak a rem leh lungngam hen kan um khonâk ding hen.

2 TIMOTHE 2:25

do ding a tuah mi tla chu dawnhkho tak bû hen sîntir lehlam ding asi; chuvachun Pathian nih thudik chu an theih rangtlingnâk ding hen a rimtir ving hen,

TITA 3:2

ṭhatlo rawt lo ding leh mi zawzawng lakah dawnhkhonâk kip langhtir hen nun ṭha ding hen anmah tla theihtir nawlh rawh.

JEM 1:21

Chîng dân nâwmtâm leh sual kip thawk hen a thlei u. Pathian sinah a pêk ule, chun nan thinlung ah tuh hen a um mi Pathian thu, ruang an suah kho natu chu pawm u.

1 PETER 1:23

Thikho mi nu leh pa fa hâwi silo hen, thikholo mi fa tla, Pathian zungzâl thu nung ah suak nawlh mi nan si ruangah.

1 PETER 3:15

Nan thinlung tla ah Krist rangah zahnâk nei ule, Lal ah siam u. Nanmah lakah lungumnâk nan nei mi simhfiang ding hen an deih natu zawng chu sâng ding hen nunnêm leh zah tak hen a timhtuah kumza u.

1 SAMUEL 16:7

Sikhawmsele LALPA nih a sinah, “A sâng mi leh â dawh mi leiah zauh lah. Chu hâwi chu ka duh lo, minung lâirêl hâwi hen ka rêl lo ruangah. Minung nih chun lênglei a zauh le, kei lam nih chun thinlung lei ka zauh dauh,” a ti.