1 PETER 3:3 - Bawm Common Language Bible Version

³ Nan thuam tla chu lênglei thuam sam phiar mawh, ngûn ṭhi awih mawh, nipuan hen thuam mawh si lah seh.

1 PETER 3:3 ပူးပေါင်းရင်းမြစ်များ

GENESIS 24:22

Nunau nih a ti thluh rawh chun, to-awpa nih chun ngûn kual man tam tak chu a lâk le, a nâr lakah a thlaih piak, chun a bân ah ngûn zaksiar panih lianpi a ruktir.

GENESIS 24:47

‘Na pa âu me si,’ ti hen ka deih, ‘Ka pa chu Nahor leh Milkah fapa Bethuel asi,’ ti hen hawng ka sâng. Churawhchun, a nâr ah ngûn kual ka thlaih le, a bân ah zaksiar ka ruk.

GENESIS 24:53

Churawhchun, puan tla, tangka tla, ngûn hen thuamh mi lungmantam tla a thuak le, Rebek rangah a pêk rawh. Thilpêk man tam tatak tla, a unaupa leh a nu rangah a pêk na bâk.

2 Lal 9:30

Jehu chu Jezreel ah a tleng. Jezebel nih thil umdân tla a theih rawh chun, dul mitcheh â cheh le, a sam tla a riat, a lal in langawtkawt ah a dîr le, lam lian lei a zauh.

ESTHER 5:1

A buh ngeinâk a ni thum ni ah Esther nih a lal thuam hen â thuam le, a va kal le, lal tonâk kardang ah mi laltophah zâwn thap hen lal in kulh sungah a dîr. Lal chu tualmâi lei hawi hen a sungah laltophah lakah a to.

SAM 45:9

Na in ah nungâk tla lakah mi chu lal fanu tla an si, chun na laltophah vawrhlei kângah lalnu chu ngûn ṭha chem hen â thuam le, a dîr.

EXODUS 3:22

Israel nunau tla chu Aigupta mi nunau an zâwlbâwm tla sinah an va kal lai le, Aigupta nunau a in ah a um mi âutal sinah nipuan leh ngûn leh tangka, lungmantam tla an deih na lai; chubang thil tla chu Israel mi tla nih an fanu leh an fapa tla an ruktir na lai le, Aigupta mi tla neih chu nan kalpi lai,” a ti.

EXODUS 32:2

Aron nih an sinah, “Nan nupi tla, nan fanu tla, nan fapa tla nih anna beh mi ngûn tla kha lâk ule, ka sinah hawng put u,” a ti na.

EXODUS 33:4

Chu chu an theih rawh chun, an thinlung a fâk le, lungmantam tla rêng anna beh lo rawh.

EXODUS 35:22

Mi âuzawng nunau khawm mipa khawm a duhtu zawng nih pin tla, nabeh tla, pizung tla, ṭhî tla leh ngûn chikip tla chu LALPA sinah an hawng put le, an ap rawh.

EXODUS 38:8

LALPA umnâk Puanin tualmâi ah rianṭuantu nunau tla tâ thlalang hen dâr mâihûm leh a tohnâk a siam.

ISAI 52:1

Jerusalem, chak tak leh rokual tak hen um nawlh rawh! Pathian khuapi thenhlimh, rokualnâk hen a thuam rawh! Lunglo tla chu na khua kulh sungah an lût lai lo rawh.

ISAI 61:10

Jerusalem, LALPA nih thil a ti mi ruangah a lâwm rawh. Anih chu umh liauah â thuam mi hâwi asi. Pathian nih ruangsuahnâk leh nehnâk puan a aihtir.

JEREMIA 2:32

Nungâk nih a lungsung mawh umhnâk thuam mawh a philh ma? Sikhawmsele, ka mi tla nih chun, a ni sim leh rêl châwklo rê hen an hawng ka philh.

JEREMIA 4:30

Jerusalem, na vânduai rawh! Zei rangah puansen hen na thuam? Zei rangah lungsung hen na thuam hen rawng na mit ah na buaih? Zeikhawm silo ding vângah dawh tak hen na siam? A nan duhtu tla nih an hua hen thah ding an duh rawh.

EZEKIEL 23:40

“Mun lât takah um mi tla sâwm na ding hen mi an fial nûnah an fial nawlh na le, mi tla an hawng. Chu unau panih tla chu tak anna khawlh le, an mit rawng an buaih le, lungmantam hen anna thuam.

ROM 12:2

Hi laikulh dân hâwi hen um lah ule, Pathian duhzia a ṭha leh lawmh tlâk leh ṭhat rangtling chu nan theihfiang khonâk ding hen nan thinlung a thar a um hen hawng a dang dauh u.

1 PETER 3:2

Nan nunchan chu a thenhlimh zia leh zah a kâi zia an muh awt ruangah.