1 PETER 3:21 - Bawm Common Language Bible Version

²¹ chu chu baptisma zauhtirnâk asi. Baptisma chu taksa lakah mi nâwmtâm thianhnâk chu asi loh, sia leh ṭha theihnâk hen Pathian lakah thutiam asi dauh. Chu nih chun tuah Jisu Krist thawknawlhnâk zârah ruang a nan suah na asi.

1 PETER 3:21 ပူးပေါင်းရင်းမြစ်များ

ZEKARIA 13:1

LALPA Zeizawng tikho nih, “Chu tikah chun, David thlâk leh Jerusalem a mi chu an sualnâk leh milem an sawnhnâk tlenh ding hen tinungva ka suaktir awt.

MATHAI 28:19

Chuvachun, kal ule, phun kip lakah mi ṭhiruai tla ah siam na ule, Pa leh Fapa leh Thlarau Thenhlimh min hen baptis na ule, thu ka nan pêk na mi zawzawng zâwt ding hen sîntir na u.

MARK 16:16

A lung hen baptis hen a um mi chu ruangsuak hen a um lai le, a lunglotu lam chu mawh hen a um lai.

JOHAN 13:9

Simon Peter nih a sinah, “Lalpa, ka kê cho silo hen, ka kut leh lû khawm,” a ti.

THILTI 16:33

Chun, chu zân lîla ah chun a kalpi na le, an vuaknâk a zual mi tla chu a ṭawl piak na le; chun amah leh a dâwngsung tla zawzawng hen baptis an si sawm rawh.

THILTI 2:38

Chun, Peter nih chun an sinah, “Rim ule, nan sual tla ngaihdamnâk ding hen Jisu Krist min hen baptis hen um chiau u, chun Thlarau Thenhlimh pêk mi hi nan tawng lai.

THILTI 22:16

Chun, zei rangah me na um ko? Thawk le, a baptis le, na sual na ṭâwl thiang ding hen a sinah thlacham rawh,’ hawng ka ti.

THILTI 8:36

Chun, lampi ah an kal liauah tî umnâk ah an tleng le; chun tilkhei nih chun, “Zauhnik, hinah tî a um, baptis ding hen zei nih me hawng ka kham chem?” a ti.

THILTI 8:37

Chun, Philip nih chun a sinah, “Na thinlung zawzawng hen na lung chun na baptis kho lai,” a ti. Chun, anih nih chun tihin a sâng le, “Jisu Krist chu Pathian Fapa asi ti ka lung,” a ti.

ROM 5:14

Sikhawmsele, Adam thawk hen Mosi tiang hen Adam buarnâk hâwi a thilsual tilo tla lak khawm ah thihnâk nih chun lâi a rêl tâwn. Adam chu a hawng kal ding mi Jisu hen tahṭhimhnâk asi.

1 KORIN 12:13

Kan ektê hen, Juda mawh, Phundang mawh, sal mawh, sal lo mawh taksa pumkhat a um ding hen Thlarau pumkhat cho ah baptis hen kan um chiau le, Thlarau pakhat cho hawng kan dintir chiau fâwn.

1 KORIN 4:6

Chun, unau le tla, thurîn tla chu nan lanh lonâk ding hen kanmah lakah hin nan châwng khonâk ding hen chubang tla chu nan ṭhatnâk ding hen kei leh Apolo kanna ngaih asi, nan lakah âukhawm pakhat putso hen pakhat nan zauhnawmh lonâk ding hen.

2 KORIN 1:12

Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

2 KORIN 7:1

Chun, duhtak le tla, chubang thutiam chu kan nei ruangah taksa leh thlarau nâwmnâk zawzawng lakah kanna thiangtir lai, Pathian ṭih bû hen thenhlimhnâk rangtlingtir hen.

GALATIA 3:27

Nan lakah Krist ah baptis si rawh mi vial tla kha Krist hen nanna thuam rawh ruangah.

EPHESI 5:26

annih chu tî a ṭâwl hen, thu nih chun a thiangtir hen a thenhlimhtir kho na nâk ding hen;

KOLOSA 2:12

baptisnâk ah khan a sinah phûm nan si bâk rawh le, chu lak ber ah chun mithi lakah mi amah thawhtu Pathian rianṭuan lung ruangah a sinah thawh nan si bâk kha.

1 TIMOTHE 1:5

Nunsimhnâk san chu thinlung thenhlimh leh sia leh ṭha theihnâk thiang leh lungnâk tak thawk hen a hawng suak mi dâwtnâk chu an nei khonâk ding hen asi.

1 TIMOTHE 6:12

Lungnâk zuamnâk ṭha chu ti le, zungzâl nungnâk chu tleih rawh; chu chu ting ding hen kawh na si; theihtu tam tak tla mitmuh ah ṭanhnâk ṭha chu na ṭanh rawh kha.

HEBRAI 10:22

Kan thinlung ah sia leh ṭha theihnâk sual thiang rawh hen, kan taksa tla tî fîm lakah ṭâwl hen lungnâk rangtling nei hen, thinlung tak put hen Pathian kan naih lai.

HEBRAI 11:19

Abraham nih Isak chu thihnâk lakah mi Pathian nih a thawh kho lai ti a ruat ruangah Abraham nih thihnâk lakah mi Isak chu a tawng nawlh taktê rawh.

HEBRAI 13:18

Kan rangah thlacham u, zeizawng ah rep tak a um ding tum hen, sia leh ṭha theihnâk thiang tak kan nei ti dik tak hen kanna theih.

HEBRAI 9:14

zungzâl thlarau zârah Krist, simsâwinâk um lo mi bâwlnâk Pathian sinah a ap mi thisen nih chun Pathian nung rianṭuan ding hen kan sia leh ṭha theihnâk chu thilti a thi mi tla lakah chun a thenhlimh awt tuktarâi.

HEBRAI 9:24

Krist chu kut hen sak mi mun thenhlimh, a tak banghtu ah chun a lût lo le; tu ah Pathian mâika ah kan ruangrûl ah dîr ding hen vân ngelchel ah a lût dauh rawh.

1 PETER 1:3

Kan Lalpa Jisu Krist Pathian leh Pa chu sawr hen um seh: Anih nih chun a siherhnâk fâk tak hâwi hen, mithi lakah mi Jisu Krist thawknawlhnâk ruangah lungumnâk nung tawng ding hen nungnâk thar a hawng kan pêk.

1 PETER 3:16

Sia leh ṭha theihnâk thiang tak nei ule, an simsiat na nâk leikângah Krist ah nan umdân ṭha sâwitu tla chu mualpho hen an um kho lai.