1 PETER 3:18 - Bawm Common Language Bible Version

¹⁸ Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.

1 PETER 3:18 ပူးပေါင်းရင်းမြစ်များ

DANIAL 9:26

Chu chu hun dawngh ah chun Pathian nih ruitu a thîm mi chu diklo tak hen thah hen a um lai. Lâirêltu thiltikho tak rûntu kawrsen tla nih khuapi leh Biakin khawm an râwk lai. A dawnghnâk chu tîlian hâwi hen Pathian nih a timhtuah mi râltuk leh siatnâk a hawng tlung lai.

ZEKARIA 9:9

Zion mi tla, a lâwm u, a lâwm u! Jerusalem mi tla, lâwm hen âu u! Zauhnik! Nan lal chu nan sinah neh hen leh nehtu si hen a hawng kal le, nâu tak hen sanatung fa tlûnah â chuan.

MATHAI 27:19

Chun, lâirêlnâk tophah ah chun a to liauah, a nupi nih, “Kha mirep tak tlûnah khan zeikhawm ti lah; tusûn hin amah ruangah mang leiah thil tam tak ka tuar asi,” ti hen, a chah.

MATHAI 27:24

Chun, Pilat nih zeitin khawm a ti kho lo le, a nawk awt da dauh ti a theih le, tî a lâk le, mi zapi mâika ah chun a kut a ṭâwl le, “Hi mirep thahnâk lakah hin ka thiang; nannih nih nanmah ti hen va ti u,” a ti.

JOHAN 16:10

rep thu ah an mawh ti a theihtir lai; Pa sinah ka kal awt le, nannih nih nan ka muh awtlo rawh ruangah;

THILTI 22:14

Chun, anih nih chun, ‘Kan thlâktu tla Pathian nih a duhzia theihtu ah leh mirep To-aw tak chu muh hen, a hawlhkâ theihtu khawm ah a nan ruat rawh.

THILTI 3:14

Mi Thenhlimh leh Rep tak kha nan duh lo le, mi thahtu kha nan sinah pêk nan ngiar dauh.

ROM 1:4

thenhlimhnâk thlarau lei thu ah chun mithi lakah thawk hen a thawknawlhnâk nih chun, Pathian Fapa a sizia fâk tak hen a theihtir.

ROM 4:25

Chu Jisu chu kan sual ruangah thi ding hen tleihtir hen a um le, kan mawhlonâk ding hen thawh hen a um.

ROM 5:2

Amah ruang ber ah hi zângfahnâk ah hin bir tak hen kan dîrnâk ah hin lungnâk hen kan lût rawh. Churawhchun, Pathian rokualnâk lungum hen lâwm hen kan um.

ROM 8:11

Sikhawmsele, mithi lakah mi Jisu thawhnawlhtu thlarau chu nanmah lakah a um chun, mithi lakah mi Krist Jisu thawhnawlhtu nih khan nanmah lakah um mi Thlarau ruangah chun, nan taksa thi kho tla chu a nungtir lai.

ROM 8:3

Taksa chaklonâk ruangah Dân nih ti kho lo mi chu Pathian nih a ti kho. Amah Fapa ngelchel taksa sual hâwi put hen sual bâwlnâk ding ah hawng fial hen, taksa lakah sualnâk um mi chu mawh a phurhtir rawh asi.

2 KORIN 1:24

Nan lungnâk lakah lalnâk ka nei ka ti lo le, nanna lâwmnâk ṭangpitu kan si ka ti dauh asi; lungnâk ah dîr nan si dangâiah.

2 KORIN 13:4

Anih chu chaklonâk ruangah khenhbêk hen a um asi, sikhawmsele Pathian thiltikhonâk ruangah a nung rerêng rawh. Kannih khawm amah lakah chun kan chak lo asi, sikhawmsele nanmah leiah Pathian thiltikhonâk ruangah a sinah kan nung bâk lai.

2 KORIN 5:21

Amah lakah chun Pathian repnâk kan hawng si khonâk ding hen sual rerêng nei lo Jisu chu Pathian nih kanmah ruangah sual ah a siam.

GALATIA 1:4

Anih nih chun kan Pathian leh Pa rem ti kâng hen tuliau laikulh sual tak lakah hin hawng kan suah khonâk ding hen kan sual tla ruangrûl ah amah a pêk rawh.

GALATIA 3:13

Krist chu kan ruangrûl ah siat ting hen Dân siat lakah mi hawng kan suah rawh; “Thing ah thlâi mi vial chu siat ting an si,” ti hen Pathian lasui thu nih a sim ruangah.

EPHESI 3:12

Krist Jisu kan lung ruangah chun amah lak berah ngamhnâk leh râlṭhatnâk ṭha tak a lût khonâk kan nei.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

HEBRAI 10:10

Pathian nih ti ding hen a duh mi hâwite hen Jisu Krist nih a ti ruangah amah taksa lakah mi zawzawng rangah veikhat â pêknâk nih chun sual lakah mi hawng kan thenhlimhtir asi.

HEBRAI 9:14

zungzâl thlarau zârah Krist, simsâwinâk um lo mi bâwlnâk Pathian sinah a ap mi thisen nih chun Pathian nung rianṭuan ding hen kan sia leh ṭha theihnâk chu thilti a thi mi tla lakah chun a thenhlimh awt tuktarâi.

HEBRAI 9:26

Chu hâwi si lah sele tual tuah tîr thawk hen vei tam tak a tuar rawh ding asi; sikhawmsele, tuliau hun dawnghlei ah hin bâwlnâk ah va a mang chawlh hen sual veihnâk ding hen veikhat ah a hawng lang asi.

HEBRAI 9:28

Chu hâwi ber hen Krist khawm mi tam tak sual tla kalpi ding hen veikhat bâwlnâk ah â pêk rawh. Amah ngâktu tla chu ruangsuah na ding hen, sual bâwlnâk ding silo hen, a veinihnâk ah a hawng lang nawlh lai.

JEM 5:6

Mi rep chu nan mawhtir le, nan thah, chun anih nih chun an do na lo.

1 PETER 3:19

Thlarau hen a kal le, rêngin ah mi thlarau tla sinah thu a sim.

1 PETER 4:1

Chun, Krist nih taksa hen a tuar rawh ruangah nannih khawm chu hâwi dawnruatnâk hen nanna chaktir ding asi. Âuzawng taksa ah tuartu nih chun sual a bângtâk rawh ruangah.

1 PETER 4:6

Mithi tla chu midang zawzawng tla hâwi hen laikulh ah an um liauah lâirêl piak hen an um le, sikhawmsele, Pathian a nung hâwi hen thlarau ah an nung khonâk ding hen an sinah Thâwngthâng Ṭha simh hen an um.

1 JOHAN 1:9

Kan sual tla Pathian sinah thutluang kan vâwr chun, kan sual tla ngaihdam ding leh kanna replonâk zawzawng leh kan sual tla thiangtir ding hen, â rep hen zumh a kâi asi.