1 PETER 3:17 - Bawm Common Language Bible Version

¹⁷ Thilsual ti ruangah tuar ngâk chun, Pathian rem tizia asi chun, thil ṭha ti ruangah tuar hi a ṭha dauh.

1 PETER 3:17 ပူးပေါင်းရင်းမြစ်များ

MATHAI 26:39

Chun, tâwm hen mâi leiah a va kal le, a bawkbukhup le, “Ka Pa, tikho asi chun hi hâi nih hin hawng ka lanh seh; sikhawmsele keimah thu silo hen, nangmah thu thu si dauh seh,” ti hen thla a cham.

MATHAI 26:42

Chun, veinihnâk ah a va kal le, thla a cham nawlh le, “Ka Pa, din lo hen hi hâi nih hin hawng ka lanh kho lo thlo chun nangmah thu thu si seh,” a ti.

THILTI 18:21

“Pathian nih a siang chun nan sinah ka hawng kal nawlh lai,” ti hen, hawlh ṭha hen an ṭian le, Ephesi khua thawk hen lawng hen a kal rawh.

THILTI 21:14

Chun, lêm kho asi lo nûnah chun, “Lalpa thu thu si seh,” kan ti le, kan bâng rawh.

1 PETER 1:6

Niknâk tam tak nan tuar mi ruangah sâwtlotê kar nan rangah ngaihsiatkâi khawmsele chu lak chun a lâwm u.

1 PETER 2:15

Nan thil ṭha ti hen mi a hawlh salam mi tla chu na bângtir ding hen Pathian nih a nan duh na asi.

1 PETER 2:20

Thilsual nan ti hen, vuak nan tuar hen, felfê tak hen tuar khawm ule, sawrnâk zei me nan tawng lai? Sikhawmsele, thil ṭha nan ti hen, felfê tak hen nan tuar chun Pathian nih chu lakah mal an sâwm na lai.

1 PETER 3:14

Thil dik ti ruangah tuartu ding nan si chun nan thaw a suak. Minung tla khawm ṭih lah ule, lungdawng lah u.

1 PETER 4:15

Sikhawmsele, nan lakah âukhawm minung thahtu asi ruangah mawh, mifîr asi ruangah mawh, thilsual titu asi ruangah mawh, midang tla thilti ah tel bâktu ruangah mawh tuar ding hen um lah seh.

1 PETER 4:19

Churuangah Pathian duhzia hâwi hen tuartu tla nih chun thil ṭha ti hen amah Siamtu zumhkâi tak sinah a kiltir na seh.