1 PETER 3:16 - Bawm Common Language Bible Version

¹⁶ Sia leh ṭha theihnâk thiang tak nei ule, an simsiat na nâk leikângah Krist ah nan umdân ṭha sâwitu tla chu mualpho hen an um kho lai.

1 PETER 3:16 ပူးပေါင်းရင်းမြစ်များ

DANIAL 6:4

Churawhchun, zauhdiktu tla leh lâirêltu tla nih Danial chu ram lakah a rianṭuannâk lakah a diklo nâk an hâwl le, sikhawmsele Danial chu mi zumh tlâk asi ruangah diklonâk zeikhawm a ti lo le, zumhkâilonâk khawm a lakah a um lo ruangah zeikhawm an ti kho lo.

MATHAI 5:11

“Mi nih keimah ruangah an fâi na hen, an nehsawh na hen, âwkrâwl hen sual kip hen an phiar na tikah nan thaw a suak lai.

THILTI 24:16

Churuangah chun Pathian leikângah leh minung leikâng khawm ah thinlung sual lo ding ko hi kil kumza ka tum tâwn asi.

THILTI 28:22

Khawmsele, hi murui hi ram kip ah simsiat an si le, nangnih zeitin na ngaih, theih kan duh,” an ti.

ROM 9:1

Krist ah chun thudik ka sim asi, ka âwkrâwl lo. Thlarau Thenhlimh zârah chun ka siat le ṭhat theihnâk khawm nih hawng ka theihpi le,

2 KORIN 1:12

Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

2 KORIN 4:2

thil ningzakkâi â thup mi tla chu kan nawng dauh, ngamlêmnâk thu kan mang lo le, Pathian thu mi perpetnâk ding hen khawm kan mang lo; thutak theihtir hen Pathian mitmuh hen mikip sia leh ṭha theihnâk hen mi thinlung tawng hen um kan tum tâwn.

1 TIMOTHE 1:19

lungnâk leh sia leh ṭha theihnâk thiang tak tleih thlir hen, mi zeimaw mi nih chubang chu lawnh hen lungnâk leikângah lawng kuai hâwi hen anna râwk rawh.

1 TIMOTHE 1:5

Nunsimhnâk san chu thinlung thenhlimh leh sia leh ṭha theihnâk thiang leh lungnâk tak thawk hen a hawng suak mi dâwtnâk chu an nei khonâk ding hen asi.

2 TIMOTHE 1:3

Hawng ka thlâktu tla nih an ti hâwi hen, sia leh ṭha theihnâk fiang tak hen a rian ka ṭuan mi Pathian sinah lâwmthu tla ka sim. A sûn a zân hen ka thlachamnâk ah ka nan theihkumza tâwn asi.

HEBRAI 13:18

Kan rangah thlacham u, zeizawng ah rep tak a um ding tum hen, sia leh ṭha theihnâk thiang tak kan nei ti dik tak hen kanna theih.

HEBRAI 9:14

zungzâl thlarau zârah Krist, simsâwinâk um lo mi bâwlnâk Pathian sinah a ap mi thisen nih chun Pathian nung rianṭuan ding hen kan sia leh ṭha theihnâk chu thilti a thi mi tla lakah chun a thenhlimh awt tuktarâi.

1 PETER 2:12

Lunglotu tla lakah nan changh zia chu ṭha tak si seh; chun thilsual titu tla hâwi hen an simsiat na mi lakah chun nan thil ṭha ti tla an theihthiam tikah a hawng kalnâk Ni ah Pathian an chawnglawmh kho lai.

1 PETER 2:15

Nan thil ṭha ti hen mi a hawlh salam mi tla chu na bângtir ding hen Pathian nih a nan duh na asi.

1 PETER 2:19

Pathian theihnâk ruangah tuar lo ding tuar hen, ngaihsiatnâk nan tuar rarâm chun Pathian nih chu lakah mal an sâwm na lai.

1 PETER 3:21

chu chu baptisma zauhtirnâk asi. Baptisma chu taksa lakah mi nâwmtâm thianhnâk chu asi loh, sia leh ṭha theihnâk hen Pathian lakah thutiam asi dauh. Chu nih chun tuah Jisu Krist thawknawlhnâk zârah ruang a nan suah na asi.

1 PETER 4:4

Tuah anmah nuamchênnâk lakah nanna tel bâk lo ruangah lunglotu tla nih chê an ti le, an simsiat na tâwn asi,