1 PETER 3:15 - Bawm Common Language Bible Version

¹⁵ Nan thinlung tla ah Krist rangah zahnâk nei ule, Lal ah siam u. Nanmah lakah lungumnâk nan nei mi simhfiang ding hen an deih natu zawng chu sâng ding hen nunnêm leh zah tak hen a timhtuah kumza u.

1 PETER 3:15 ပူးပေါင်းရင်းမြစ်များ

SAM 119:46

Lal tla sinah na thupêk tla chu ka phuang lai le, ka mualpho lai lo.

THUFING LASUIBU 15:28

Mi ṭha nih thu a sâng lânah a dawn tâ tâwn. Misual nih mawhsareh hen a sâng sawm le, sikhawmsele lawksawngnâk asi.

THUFING LASUIBU 22:21

Chu nih thudik chu zei tak asi, a nan sîntir lai. Na hâwl chun sângnâk dik na tawng lai.

ISAI 1:18

LALPA nih, “Tuah thu kan rêl lai. Nan sualnâk chu sen khawmsele, vûr hâwi a vâr hen ka nan ṭâwl na lai. Nanna buaih mi chu sen duk rê khawmsele, samul hâwi hen nan vâr lai.

ISAI 29:23

Fa ka nan pêk na ding mi nan muh tikah chun, kei hi Israel Pathian thenhlimh kasi ti nan theihtir lai. Nan ka zah lai le, chê nan ka ti hen nan dîr lai.

ISAI 41:21

LALPA, Israel lalchem nih, sim ding a nei mi chu hi hi asi: “Nannih phun pathian tla, an thu hawng tlunh u. Êlnâk ṭha chem nan nei mi hen êl u!

ISAI 5:16

Sikhawmsele LALPA Zeizawng tikho nih chun a rokualnâk chu a thilti dik hen a zauhtir le, a thenhlimh zia chu a mi le tla lakah lâirêlnâk hen a langhtir.

ISAI 8:12

“Mi zapi tla thiltum lak khawm ah va a ṭawm lah le, an ṭih mi thil khawm ṭih lah.

NUMBER 20:12

Sikhawmsele LALPA nih Mosi leh Aron rangah fâk tak hen a fâi na. “Ka thiltikhonâk thenhlimh Israel mi tla mâika ah langhtir ding hen lungnâk nan nei tâwk lo ruangah, pêk ding hen ram ka tiamh na mi ram ah nan lûtpi kho na lai loh,” a ti.

NUMBER 27:14

Zin ramkaro ah ka thupêk lakah nan hel vevê ruangah. Zapi minung tla Meribah ah ka tlûnah an chipchiar liau khan ka thiltikhonâk thenhlimh an lakah nan langhtir duh lo ruangah,” a ti. Meribah chu Zin ramkaro ah Kades mi tinung va asi.

THILTI 21:39

Pawl nih chun Juda mi, Kilikia ram ah Tarsa khua mi kasi, khua salam ah um mi kasi lo, hawng ka zângfah le, mi zawzawng sinah thu hawng ka simtir rawh,” a ti.

THILTI 24:25

Chun, Pawl nih chun repnâk thu tla, sûmnâk thu tla, lâirêlnâk hawng um ding mi thu tla chiamcheriam hen a sim liauah Felik chu thungâi a lâu le, “Kal ko rih, a dêngkhâwng tik zawng ah ka nan kawh lai,” a ti.

KOLOSA 1:23

ngauhsan nei hen bir tak a um hen, Thâwngthâng Ṭha nan theih mi lungumnâk thawk hen a ṭhial lo hen, lungnâk lakah hin nan um thlir chun chu Thâwngthâng Ṭha chu vânrâng tangah thilsiam zawzawng tla lakah phuang asi kha; kei Pawl hi chu rianṭuantu ah siam kasi.

KOLOSA 1:27

Chubang na sinah chun chu thuthup rokualnâk chawng zia chu Pathian nih theihtir a duh rerêng asi; chu thuthup chu Krist nanmah lakah um mi rokualnâk lungumnâk san chu asi;

KOLOSA 4:6

Mikip zei hâwi sâng chiau ding me asi ti nan theih khonâk ding hen nan kâ suak chu ngâi tlâk, zângfahnâk tel si kumza seh.

TITA 1:2

chu zungzâl nungnâk chu Pathian âwkrâwl sim kho lo nih chun laikulh um lânah a tiamh le,

HEBRAI 3:6

Krist chu Pathian in ah thuneitu fapa asi hâwi hen zumh a kâi asi, kan lungum mi lakah kan râlṭhatnâk leh kan lungnâk bir tak hen kan tleih thlir chun Pathian in kan si.

HEBRAI 6:1

Krist thu dawmhtîrnâk sim lo rawh hen, upat lei kan fûk lai rawh, rianṭuannâk mangtlâklo tla leh Pathian leikângah lungnâk tla,

1 PETER 1:17

Chun, thliar leh dang nei lo hen, mikip an rianṭuan hâwi chiau hen lâirêl piaktu chu Pa ti hen nan auh chun hi tual ah nan um kar vial amah zah tak hen um u.

1 PETER 3:2

Nan nunchan chu a thenhlimh zia leh zah a kâi zia an muh awt ruangah.

1 PETER 3:4

Chu ngâk hen chun nan sunglei diknâk tel sih hen, Pathian mitmuh ah sung tak, thlarau nunnêmnâk leh lungngamnâk dawhnâk hen thuam si dauh seh.

1 SAMUEL 12:7

Tuah nan umnâk mun chiauah dîr chiau ule, LALPA nih a chaknâk hen nanmah leh nan thlâktu tla ruang a nan suah na mi an theihtir nawlh na ding hen LALPA mâika ah nan thu ka phuang awt.