1 PETER 3:14 - Bawm Common Language Bible Version

¹⁴ Thil dik ti ruangah tuartu ding nan si chun nan thaw a suak. Minung tla khawm ṭih lah ule, lungdawng lah u.

1 PETER 3:14 ပူးပေါင်းရင်းမြစ်များ

THUFING LASUIBU 3:25

Lâkkhatko ah veihnâk thu ah na lawksawng lai lo, chubang tla chu misual tlûnah thlipi hâwi hen a hawng tlung tâwn.

ISAI 51:12

LALPA nih, “Kei hi a nan chaktir natu chu kasi. Belh tluk khawm a dam sâwt lo ding mi thi kho mi minung rangah zei rangah na ṭih awt?

JEREMIA 1:8

Annih chu ṭih na lah, a nan hum ding hen na sinah ka um awt ruangah. Kei, LALPA nih ka sim mi asi!” a ti.

JEREMIA 15:15

Churawhchun, kei nih, “LALPA, nangnih na theihthiam. Hawng ka theihkumza le, hawng ka ṭangpi rawh. Hawng ka nehsawhtu tlûnah lehrûl hawng ka sam piak. Thah kho ding hen an hawng ka awttu tla lakah chun a dawnh tuk lah. Nangmah ruangah zauhnawmh kasi mi hi theihkumza.

EZEKIEL 3:9

Lungpi hâwi hen ka nan birhtir lai, lungmantam hâwi hen ka nan changtir awt; chubang mi hel tla chu ṭih rîlmâl lah na,” a ti.

MATHAI 10:28

Chun, taksa thah kho hen thlarau thah kholotu tla chu ṭih lah u; Gehena ah thlarau leh taksa veih khotu lam chu ṭih lehlam u.

MATHAI 10:31

Churuangah ṭih lah u; Phâisen phittê tam tak ngâk hen nan sung-û dauh asi.

MATHAI 10:39

Âuzawng a nungnâk tawngtu nih chun a dawk lai le; keimah ruangah a nungnâk dawktu nih chun a tawng lai.

MATHAI 16:25

Âuzawng a nungnâk hum duhtu vial a dawk lai; âuzawng keimah ruangah a nungnâk dawktu vial nih a tawng lai.

MATHAI 19:29

Chun, mikip, in tla mawh, unau tla mawh, farnu tla mawh, pa mawh, nu mawh, fa tla mawh, ram tla mawh, ka min ruangah kaltâktu zawng nih chun a leh zâ a tawng lai le, zungzâl nungnâk anna ting lai.

MARK 10:29

Jisu nih chun, “Thungâi tak hen ka nan simh na, âuzawng keimah ruangah leh Thâwngthâng Ṭha ruangah in mawh, unaupa mawh, farnu mawh, nu mawh, pa mawh, fa tla mawh, ram tla mawh kaltâk rawh mi nih chun,

MARK 8:35

Âuzawng a nungnâk hum duhtu zawng nih a thlâu lai le; âuzawng keimah ruangah leh Thâwngthâng Ṭha ruangah a nungnâk thlâutu nih chun a him lai.

JOHAN 14:1

“Nan thinlung lawksawng lah seh; Pathian zumh u, kei khawm hawng ka zumh u.

JOHAN 14:27

“Lungngamnâk ka nan mâk na; keimah lungngamnâk ka nan pêk na; laikulh nih a pêk hâwi hen ka nan pêk na lo hi. Nan thinlung lawksawng lah seh, ṭih khawm ṭih lah seh.

THILTI 9:16

Chun, ka min ruangah hamhnâk zei hâwi tluk a fâk mi a tuar ding amah ka theihtir awt asi,” a ti.

2 KORIN 12:10

Churuangah, Krist ruangah chaklonâk tla ah, siatnâk tla ah zirhnâk tla, nehsawhnâk tla, vânduainâk tla ka lawmh tâwn; ka chak lo kip ah asi ka chak tâwn.

PHILIPI 1:29

Krist ruangah amah nan lung cho si lo hen amah ruangah nan tuar khawm siang asi;

JEM 1:12

Niknâk lakah zumhkâi tak hen um kumzatu chu a thaw a suak! Niknak chu a tuar kho tikah chun, nungnâk lallukhuh pêk asi lai; chu chu Pathian nih amah dâwttu tla rangah pêk ding hen a tiamh na mi lâwmman chu asi.

JEM 5:11

Tuar khotu tla chu mi thawsuak kan ti na. Job felfê zia chu nan theih, Lalpa nih a dawnghnâk ah a ti zia khawm kha nan theih, Lalpa chu siherhnâk leh khuaruatnâk hen a khat zia khawm kha.

1 PETER 3:6

Sari khawm chu hâwi hen a um; Abraham thu thu hen a um le, a pasal chu, “Ka Lalpa,” ti hen a auh. Thil zeizawng ah lâu lo hen thil ṭha nan ti chun tuah Sari fanu tla nan si.