1 PETER 3:1 - Bawm Common Language Bible Version

¹ Chu hâwi ber hen, nannih nupi tla, nan pasal tla thu thu hen um u. An lakah zeimaw mi Pathian thu lung lo na khawmsele, thu silo hen, nan nunchan thenhlimh leh zahkâinâk hen neh na ding a tum u.

1 PETER 3:1 ပူးပေါင်းရင်းမြစ်များ

GENESIS 3:16

Churawhchun, nunau sinah, “Na naupâwi hamhnâk leh na fa ringnâk nganfâk ka zualtir lai. Hi hâwi sikhawmsele na pasal duhnâk na nei kumza lai, anih nih na tlûnah thu a nei lai,” a ti.

THUFING LASUIBU 11:30

Repnâk nih nungnâk a pêk le, sikhawmsele siatnâk nih a veih ving.

THUFING LASUIBU 18:19

Na unaupa chu ṭangpi le, khuapi kulh hâwi hen nangmah humtu asi lai. Sikhawmsele thu na êlpi chun, na rangah in a khâr pang lai.

MATHAI 18:15

“Chun, na unau nih na tlûnah thilsual ti sele, kal le, amah leh nangmah cho theih hen a sualnâk chu simhfâi. A nan ngâi piak chun na unau chu na neh mi asi lai.

ROM 10:16

Sikhawmsele, Thâwngthâng Ṭha chu an ektê hen an lung ver lo. Isai nih, “Lalpa kan thusim âunih me lung?” a ti ruangah.

ROM 6:17

Khawmsele, sual to-aw tla si khawm ule, sîntir dân a sinah nanna pêknâk chu thinlung tatak hen nan zâwt hen, chun sual lakah mi suak hen nan um le, repnâk to-aw tla nan hawng si rawh; churuang chun, Pathian sinah lâwmthu um seh; nan taksa chak lo ruangah minung dân hen thu ka sim asi.

ROM 7:2

Nunau pasal nei chu a pasal dam kar zawzawng Dân nih a pasal lakah phuar hen a um tâwn; sikhawmsele, a pasal chu a thih lam chun a pasal leikângah Dân a mi chu thlah hen a um tâwn.

1 KORIN 11:3

Sikhawmsele, mipa vial lû chu Krist asi, nunau lû chu mipa asi, Krist lû chu Pathian asi ti hi nan theih ka duh asi.

1 KORIN 14:34

Kawhmi tla pumhnâk ah chun nunau tla chu dâisip hen um seh; annih lam chu an thusim siang asi loh; Juda dân nih a sim hâwi hen thu zâwt hen um dauh seh.

1 KORIN 7:16

Aw! nupi, na pasal ruang na suah awt leh awtlo zeitin na theih kho? Aw! pasal, na nupi ruang na suah awt leh awtlo zeitin na theih kho?

EPHESI 5:33

Zeikhawm si sele, nan lakah mi khawm nih mah â zângfah hâwi ber hen mah nupi zângfah chiau seh; nupi khawm chu a pasal ṭih leh zah ding hen a thaimthih seh.

KOLOSA 3:18

Nupi le tla, Lalpa lakah a dawh tâwk hâwi vima hen nan pasal le sinah a pumpêk u.

KOLOSA 4:5

Tik dengkhâwng hâwi vima hen lênglei mi le tla lakah chun fing tak hen um u.

HEBRAI 11:8

Abraham chu Pathian nih a kawh liau khan lungnâk hen Pathian nih pêk ding hen a tiamh mi ram leiah a suak le, a kalnâk lei ding khawm theihlo hen a suak le, a ram chu a mâk rawh.

HEBRAI 5:9

Chun, rangtling tak hen siam a hawng si rawh chun ê-aw ngâitu zawzawng rangah zungzâl ruangsuahnâk phûrpi a hawng si rawh.

1 PETER 1:22

Unau tla hen a zângfah tawnh tatak ding hen, thudik zâwt hen nanna thenhlimhtir ruangah thinlung ah semsêngâi tak hen a dâwt tawnh u.

1 PETER 3:2

Nan nunchan chu a thenhlimh zia leh zah a kâi zia an muh awt ruangah.

1 PETER 3:7

Nannih pasal le tla khawm, nunau hi mi chaklo dauh mi an si ti theih hen chawnglawmh na u; Pathian khuaruatnâk thilthawtpêk, nungnâk, an tingpi natu an si ruangah. Hi hi ti ule; chun nan thlachamnâk tla kham hen a um lai loh.

1 PETER 4:17

Lâirêlnâk dawmh ding hen tik chu a hawng tlung rawh, chun Pathian mi tla chu lâirêl piak masa ding asi. Kanmah lakah â dawmh chun Pathian thawk hen Thâwngthâng Ṭha lunglotu tla dawnghnâk chu zei hâwi dek asi lai?