1 PETER 2:9 - Bawm Common Language Bible Version

⁹ Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

1 PETER 2:9 ပူးပေါင်းရင်းမြစ်များ

SAM 106:5

Na mi tla vânṭhatnâk chu hawng ka muhtir le, Na phun tla lâwmnâk ah chun na tâ an si ruangah chu lâwmnâk chu hawng ka tingtir bâk.

SAM 118:27

LALPA chu Pathian asi, kan lakah a ṭha; nan kut hen thing ṭeng put ule, puai tuah dawmh ule, mâichâm hêl u.

SAM 135:4

Jakob chu amah rang bîk ah a thîm le, Israel tla chu amah tâ ding hen a thîm.

SAM 22:30

Hi nûnthâi ah thlâk tla nih a rian an ṭuan piak lai; mi nih thlâk a hawng um ding mi sinah LALPA thu chu an sim lai.

SAM 33:12

LALPA a Pathian si mi phun chu a lâwptlo; amah tâ ding ah thîm mi tla chu a lâwptlo.

SAM 73:15

Chu hâwi thil ka ti asi chun, na mi le tla ti dân hen â bang lai loh.

ISAI 26:2

Khuapi kulh kawtkâ chu awng ule, phun zumhkâi thil dik titu phun ah mi tla chu lûttir na u.

ISAI 41:8

“Sikhawmsele, nannih Israel ka to-aw tla, ka hâwipa Abraham thlâk ka nan thîm na mi nan si.

ISAI 42:16

“An kal dah lonâk lampi tla ah ka minung mitchâw tla chu ka rui na lai. An mâika ah mûi chu chêu ah ka changtir lai le, ram siakhâ chu rual zat hen ka siam lai. Hi bang tla hi ka thutiam asi le, pakhat khawm relhlo hen ka zûl lai.

ISAI 44:1

LALPA nih, “Ka to-aw, Israel, Jakob thlâk ka mi thîm tla, tuah ngâi u.

ISAI 61:6

Nannih lam chu LALPA bâwlpu, Kan Pathian to-aw ti hen theih nan si lai. Phun tla neih lakah nanna lâwm lai le, Nan tâ si hen zûm phahnâk ah nan mang lai.

ISAI 62:12

“Pathian mi thenhlimh” “LALPA nih ruang a suah na mi tla,” ti nan si lai. Jerusalem chu “Pathian dâwt mi khuapi,” “Pathian nih a kaltâk lo mi khuapi” ti asi lai.

ISAI 66:21

An lakah zeimaw mi chu bâwlpu tla leh Levi ah ka siam na lai.

ISAI 9:2

Mûi ah kaltu tla nih chun chêu rokual tak an muh. Dâidul ram ah an um le, sikhawmsele tu lam chun chêu nih a cherh na.

MALAKI 3:17

LALPA Zeizawng tikho nih, “Ka mi tla an si lai, thil ka ti ni ah chun ka tâ tak an si lai, pa nih a rianṭuantu a fapa tlûnah khua a ruat mi hâwi hen an tlûnah khua ka ruat lai.

MATHAI 4:16

Mûi nâwng ah to tla nih chun chêu fâk tak an muh lai, Thihnâk mun leh a thlaliah ah um mi tla tlûnah chun, chêu a hawng suak rawh,’ ti hen, a sim mi kha a hawng tlung khonâk ding hen.

MATHAI 5:16

Chu hâwi ber hen nan chêu chu mi mitmuh ah chêu seh, chuvachun nan thil ṭha ti tla an muh lai le, nan Pa vân ah mi an chawnglawmh kho lai.”

LUK 1:79

Mûi nâwngah leh thihnâk dâidul ah to tla cherh ding hen leh lungngamnâk Lampi ah kan kê kârtir ding hen,” a ti.

JOHAN 17:19

Anmah ruangah na sinah ka pêk, annih khawm nangmah sinah anna pêk bâk khonâk ding hen.

THILTI 20:28

Pathian kawhmi tla amah thisen hen a châwk mi tla chu châwm ding hen nanmah tla leh nan ho na mi tla zawzawng tlûnah a thiamthih u, Thlarau Thenhlimh nih an tlûnah hotu ah a nan siam na asi.

THILTI 26:18

an mit deitir ding hen an sinah ka nan fial hi, chun mûi chu chêu leiah an hawng hertâk lai le, Setan thuneihnâk chu Pathian leiah an hertâk lai, sual ngaihzia thiamnâk an tawngnâk ding leh an hawng ka lung ruangah thenhlimh rawh mi le tla lakah ro anna ting khonâk ding hen,’ ” a ti.

THILTI 26:28

Chun, Agripa nih chun Pawl sinah, “Sâwtlotê ah lêm hen Kristian ah siam na hawng ka tum asi hi!” a ti.

ROM 9:24

Chu zângfahnâk bêl tla chu Juda tla lak mi cho silo hen, Phundang tla lakah mi khawm kawh an si.

1 KORIN 3:17

Âuzawng nih Pathian in chu a râwk chun chu minung chu Pathian nih a râwk lai Pathian in chu a thenhlimh ruangah; chu in chu nanmah nan si.

EPHESI 1:14

Chu chu Pathian rokual zia sawrnâk ding ah amah tâ ngelchel tlanhnâk ding hen kan ro tingnâk ding ah tiamhnâk asi.

EPHESI 3:21

zungzâl thlâk zawzawng tiang hen kawhmi tla lakah leh Krist Jisu ah rokualnâk um seh; Amen.

DEUTERONOMY 10:15

Sikhawmsele LALPA nih nan thlâktu tla a dâwt zia chu thungâi a fâk le, phundang tla ngâk hen an thîm dauh na le, nannih chu a mi thîm tla nan si.

DEUTERONOMY 14:2

LALPA nan Pathian mi nan si, amah mi siding hen laikulh ah um mi lakah an thîm na mi asi.

DEUTERONOMY 18:2

Phun dang tla nih an nei hâwi hen ram an nei ding asi lo; an vo chu LALPA nih a tiamh mi hâwi hen LALPA bâwlpu tla sinâk chu asi.

DEUTERONOMY 4:20

Sikhawmsele, nannih lam chu Aigupta ram ah êrnâk meialh lakah mi an suah na mi asi. Amah minung tak siding hen a nan lâk na mi asi, tusûn tiang nan si hâwi hen.

DEUTERONOMY 7:6

LALPA nan Pathian tâ nan si ruangah hi bang tla hi ti u. Tual tlûnah minung zawzawng lakah mi a bîk hen amah minung siding hen an thîm na mi nan si.

PHILIPI 3:14

Krist Jisu ah Pathian tlûnlei kawhnâk san lâwmman tawng ding hen, tiamhnâk lei chu ka fûk rarâm asi.

KOLOSA 1:13

Anih nih chun mûi thuneihnâk lakah mi hawng kan suah hen a Fapa zângfah tak ram ah hawng kan ṭhial rawh le;

2 TIMOTHE 1:9

Anih nih chun kan thilti tla hâwi silo hen, amah ruat leh zângfahnâk hâwi dauh hen ruang hawng kan suah le, kawhnâk thenhlimh hen hawng kan kawh le; chu zângfahnâk chu tual tuah lânah Jisu Krist lakah hawng kan pêk rawh.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

1 PETER 1:2

Pathian thiltum hâwi hen Thlarau ah a nan thenhlimhtir na ding leh Jisu Krist ê-aw ngâi ding hen, a thisen hen a nan thiangtir na ding hen amah nih a nan thîm na asi. Nan tlûnah zângfahnâk leh remnâk pungtir hen um seh.

1 PETER 2:5

Lung nung tla hâwi hen amah sinah hawng u, chun thlarau lei in saknâk ah mang ding hen a pêk u. Jisu Krist zârah Pathian sinah thlarau lei bâwlnâk pawmtlâk ap ding hen chunah chun, bâwlpu thenhlimh nan si lai.

1 PETER 4:11

Mi âuzawng nih thu a sim chun Pathian thu sim seh; mi âuzawng nih rian a ṭuan chun Pathian nih chaknâk a pêk hâwi vima hen ṭuan seh. Churawhchun, Jisu Krist zârah Pathian chu thil zeizawng ah chawnglawmh hen a um kho lai. Rokualnâk leh thiltikhonâk chu zungzâl hen amah tâ asi. Amen.

THUPHUANG 1:6

a Pathian leh Pa rianṭuan ding hen a lalram ah bâwlpu ah hawng kan siamtu Jisu Krist sinah rokualnâk leh lâirêlnâk chu zungzâl hen um seh! Amen.

THUPHUANG 20:6

Hi thawknawlhnâk masa chem ah a tel mi tla chu an thaw suak hen anna thenhlimh asi, chubang tla tlûnah chun thih nihnâk nih thu rerêng a nei lai lo le, Pathian leh Krist bâwlpu tla an si lai le, amah hen kum sâng khat lâi an rêl lai.

THUPHUANG 5:10

Kan Pathian rianṭuan ding hen Lalram bâwlpu ah na siam na rawh, chun, tual ah chun lâi an rêl lai,” ti hen la thar an sak rawh.

1 SAMUEL 12:22

LALPA nih thutiam bir tak a siam le, a nan kaltâk na ding asi lo, amah mi tak siding hen a nan thîm na rawh ruangah.