1 PETER 2:8 - Bawm Common Language Bible Version

⁸ Chun, Pathian lasui thu dang nih, “Hi lung hi minung tla tlûktirtu ding chu asi, anmah tlûktirtu lungpi chu,” ti hen, a sim. An rangah Pathian duhzia thu an lung lo ruangah an tlû rawh.

1 PETER 2:8 ပူးပေါင်းရင်းမြစ်များ

JOB LASUIBU 23:14

Ka rangah a thiltum a nei mi zawzawngah pakhat chu a zulh ngelchel lai.

EXODUS 9:16

Ka thiltikho zia ka nan muhtir khonâk ding leh laikulh pumpi ah ka min a thangnâk ding hen na nungnâk lam chu ka zuah lai.

ISAI 37:26

“Hi bang tla hi keimah nih a lân thawk hen ka ruat mi asi ti na theih dahlo ma? Tuah chun ka langh rawh. Kulhnei khua tla chu nâwmtâm pawng ah siam ding hen thiltikhonâk kan pêk rawh.

ISAI 57:14

LALPA nih, “Ka mi tla ka sinah hawng kîr na seh. An lampi khamtu chu lawnh na seh! Lampi remh hen timhtuah zet hen siam na seh!

ISAI 8:14

Ka thenhlimhnâk chê tak ruangah zapi tla tlûknâk lung hâwi kasi le, Juda lalram sungah mi leh Israel tla leh Jerusalem mi tla awhtu thang hâwi kasi.

LUK 2:34

Chun, Simeon nih mal a sâwm na le, a nu Mari sinah, “Hi ngâksia hi Israel tla lakah mi tam tak tlûktir ding leh thawktir ding hen ruat asi; chun duh lo mi chu asi ti singsiahnâk ding chu asi;

ROM 9:22

Zângfahnâk bêl, rokual ding hen a timhtuah kanh tla lak chun, a zângfahnâk tam zia a zauhtir khonâk ding hen, thinthawknâk bêl veih tlâk tla tlûnah chun, Pathian nih thinthawk leh a thiltikhonâk langhtir duh khawmsele, â dawnh rarâm chun zei me pawi lai?

1 KORIN 1:23

Kannih lam nih chun Krist khenhbêknâk thu kan sim tâwn asi; chu chu Juda tla rangah chun tlûknâk, Phundang tla rangah chun âtnâk asi.

2 KORIN 2:16

Murui khat tla rangah chun thihnâk lakah thihnâk ding rim kan si le, murui khat tla rangah chun nungnâk lakah nungnâk rim kan si. Chubang tla rangah chun âu me tling kho lai?

GALATIA 5:11

Unau tla, kei nih hin fêmtan thu ka sim nget chun zei rangah nehsawh hen ka um nget rih? Chu hâwi asi chun kraws a suihnâk chu veih asi lai rawh.

1 THESALONIKA 5:9

Pathian nih thinrunhnâk tuar ding silo hen kan Lalpa Jisu Krist zârah ruangsuahnâk tawng ding hen hawng kan ruat mi asi dauh ruangah;

1 PETER 2:6

Churuangah, Pathian lasui thu nih, “Lung sung tak chu ka thîm le, Zion ah a ki ah ka siah; chun, âuzawng amah zumhtu chu an lungdawng lai loh,” ti hen a sim hâwi khan.

1 PETER 2:7

Nannih a lungtu tla rangah chun hi lung hi sung tak asi; sikhawmsele, a lunglotu tla rangah lam chun: “In saktu tla nih mangtlâklo hâwi hen an duh lo mi lung kha, lung herh chem a hawng si rawh,” ti hen a sim.

2 PETER 2:3

Chun, sîntirtu diklo tla nih chun âwkrâwl thu hen sawlehnâk ah an mang na lai. Sikhawmsele, tuan thawk hen an rangah lâirêlnâk chu timh chia asi le, anmah tla tlâutirtu khawm a it lo asi.

JUD 1:4

Pathian thu lunglo tla a thup hen kan sinah an hawng lai le, Pathian zângfahnâk thu chu râwk hen anmah duhzia a um tum hen Jisu Krist kan Lal leh Hotu an duh lo, hi mawh hen an um ding mi tla hi a lân thawk hen Pathian lasui thu nih a sim ving rawh asi.