1 PETER 2:6 - Bawm Common Language Bible Version

⁶ Churuangah, Pathian lasui thu nih, “Lung sung tak chu ka thîm le, Zion ah a ki ah ka siah; chun, âuzawng amah zumhtu chu an lungdawng lai loh,” ti hen a sim hâwi khan.

1 PETER 2:6 ပူးပေါင်းရင်းမြစ်များ

GENESIS 49:24

Sikhawmsele, a chanhtiang kûk chu a khauh kumza le, A bân tha chu chaktir hen a um, Jakob Pathian chak thiltikhonâk hen, Israel Vêngtu Dawrâpu chaknâk hen.

SAM 40:14

Thah ding hawng ka awttu tla chu neh leh nawk hen um na seh. Ka lawksawngnâk ah lâwptlotu tla hi kîr leh ningzak tak hen um na seh.

SAM 89:19

A lânah hun sâwt tak langhnâk ah na to-aw zumhkâi tla sinah thu na sim le, “Kawrsen minthang tak ka ṭangpi; zapi lakah mi pakhat ka thîm mi sinah laltophah ka pêk.

ISAI 28:16

Hi hi, tuah, LALPA zahkâi nih, ‘Zion lungphun bir tak leh chak tak ka siah. Chu lakah chun a ki mi lung ka siah le, chu lakah thu tla rîn mi ka siah, ‘Lungnâk bir tak chu a felfê ber asi.’

ISAI 41:11

“Nan lakah thinruntu tla nih neh ruangah ningzaknâk an theih lai. An do natu chu an thi lai le,

ISAI 42:1

LALPA nih, “Hi hi ka to-aw ka chaktir mi, ka mi thîm pakhat, ka lungnâ tlâ tak mi chu asi. Ka thlarau hen ka khattir le, phunkip sinah diknâk a tlungtir lai.

ISAI 46:13

Nehnâk ni ka tlungtir ding mi chu a nâi rawh, a lât rîlmâl lo. Ka neh ding mi chu a sâwt lai lo rawh. Jerusalem chu ka hum lai le, Israel lakah zahnâk ka tlungtir lai,” a ti.

ISAI 50:7

LALPA zahkâi nih a hawng ka ṭangpi ruangah an hawng ka zauhnawmhnâk chu ka rangah a fâk lo. Tuar kho rarâm ding hen ka tum.

ISAI 54:4

Ṭih lah, ningzak saih hen na um lai lo rawh le nâutir khawm na si lai lo rawh. Nupi seino tê hâwi hen zumh na kâi lonâk leh numei hâwi hen thim pem hen na um mi tla chu na philh lai rawh.

ZEKARIA 10:4

Ka mi tla tlûnah lâirêltu, ruitu ah leh thupêktu ding hen an lakah thawk hen an hawng lai.

MATHAI 12:18

“Zauhnik, ka to-aw ka thîm mi, ka duhtak, ka thinlung nih thungâi a lawmh mi hi. A tlûnah ka Thlarau ka siah lai le, chun phundang tla sinah lâirêlnâk thu a sim lai.

MARK 12:10

Hi Pathian lasui thu hi nan rêl lo mazei? “ ‘In saktu tla duh lo mi lung kha, chu tak chu a kil ah lung herh chem a hawng si rawh.

LUK 20:17

Sikhawmsele, anih nih chun annih tla chu a zauh na le, “Hi thu an rîn mi hi zei me asi ne? ‘In saktu tla nih lung an duh lo mi kha chu tak chu a kil ah lung herh chem a hawng si rawh,’ ti hi.

LUK 23:35

Chun, zatlâng tla nih chun dîr hen an chuanh. Chun, hotu tla khawm nih, “Midang men a damtir mi; Pathian thîm mi Mesia asi tak chun amah khawm a damh seh,” ti hen an sîrleih.

JOHAN 7:38

Âuzawng hawng ka zumhtu chu Pathian lasui thu sim hâwi hen tî nung va tla amah thawk hen a hawng luang lai,” a ti.

THILTI 1:16

“Unau le tla, Thlarau Thenhlimh nih, David kâ ah, Jisu tleihtu tla ruitu Juda thu a simhkan mi kha, kha Pathian lasui thu kha a hawng tlung ding rêng asi.

ROM 10:11

Pathian lasui thu nih, “Âuzawng amah lungtu vial an mualpho lai loh,” a ti asi.

EPHESI 1:4

zângfahnâk ah thenhlimh leh simsâwi kawplo hen a mâika ah kan um khonâk ding hen tual tuah lânah Krist ah a tâ siding hen a hawng kan thîm hâwi khan.

EPHESI 2:20

Krist Jisu tak chu a ki ah lung herh chem si hen mifial tla leh khuavâng tla lungphum tlûnah sak nan si.

2 TIMOTHE 3:16

Pathian lasui thu kip, Pathian thaw khumh hen pêk rawh mi chu sîntir leikâng tla ah, mawhtir leikâng tla ah, nunsimh leikâng tla ah, repnâk sîntir leikâng tla ah a ṭhavak ber asi.

1 PETER 2:4

Lung nung, mi nih zeikhawm rawtrâilo ah an ruat mi, Pathian ngaih hen chun sung tak leh a thîm mi, Lalpa sinah chun hawng u.

1 PETER 2:8

Chun, Pathian lasui thu dang nih, “Hi lung hi minung tla tlûktirtu ding chu asi, anmah tlûktirtu lungpi chu,” ti hen, a sim. An rangah Pathian duhzia thu an lung lo ruangah an tlû rawh.

2 PETER 1:20

Pathian lasuibu thu ah simkannâk rerêng hi mah nih simhfiang kho asi lo ti hi zeizawng ngâk hen theihkumza u.

2 PETER 3:16

Asi, chubang thu chu a lasuikuat zawzawng lakah, hi thu hi a sim asi; chu lak chun thu theih har tak tla khawm a um le, mi finglo leh mi birlo tla nih Pathian lasui thu dang an ngâi sual mi hâwi hen, an ngâi palh le, mah le mah anna tlâutir phah tâwn.