1 PETER 2:25 - Bawm Common Language Bible Version

²⁵ Dawrâ tla lampi an vâi mi hâwi nan si. Sikhawmsele, tuah lam chun nan thlarau tla Kiltu leh Dawrâpu chu zûl ding hen kîrtir nan si rawh.

1 PETER 2:25 ပူးပေါင်းရင်းမြစ်များ

SAM 119:176

Dawrâ tlâu hâwi hen ka vâi le, churuangah hawng le, hawng ka zauh, Na to-aw hi, na dân thu chu ka thlawrhthlâu lo ruangah.

SAM 80:1

Israel Dawrâ vêngtu, hawng kan ngâi, nangmah ranrual vêngtu, hawng kan theih rawh. Thilnung tla thla tlûnlei ah na laltophah tlûnah to le,

ISAI 13:14

“Ramdang minung Babulon ah um mi tla chu an ram leiah an tek lai le, sa kahtu lakah mi sazuk a tek hâwi hen leh dawrâ rual vêngtu nei lo mi hâwi an si lai.

ISAI 40:11

A ranrual tla chu dawrâpu hâwi hen a zauhkhenh na lai le, dawrâ fa tla chu a pumh na lai le, a bân hen a put na lai; an pinu tla chu thiamthih tê hen a rui na lai.

ISAI 53:5

Sikhawmsele, kan sualnâk ruangah liamh hen a um le, kan thilsual ti ruangah vuak hen a um. Rêpnâk a tuar mi hen hawng kan damtir le, vuak a tuar mi hen hawng kan damtir ver.

ISAI 53:6

Kan ektê hen dawrâ a tlâu mi hâwi kan si le, mah duhnâk lei chiauah kan kal. Sikhawmsele LALPA nih rêpnâk chu a tlûnah a tlungtir. Kan ektê rêp kan tuar ding mi rûlah a tuar.

JEREMIA 23:2

LALPA Israel Pathian nih a mi tla zauhkhenhtu ah lâirêltu a ruat na mi thu a sim mi chu hi hi asi: “Ka mi tla chu nan zauhkhenh na lo le; nan rekrâwitir na hen nan nar phin na. Tuah thilsual nan ti mi ruangah kan rêp na awt.

EZEKIEL 34:6

Churuangah ka dawrâ tla chu tlâng sâng leh mual tla ah an vâi rawh. Laikulh zawzawngah anna rekrâwi le, âukhawm nih an zauhkhenh hen hâwl ding an tum lo.

EZEKIEL 37:24

An lalchem chu ka to-aw lalchem David hâwi asi lai. Lâirêltu pakhat tangah an um ver lai le, ka dân tla zumhkâi tak hen an zûl ver lai.

ZEKARIA 13:7

LALPA Zeizawng tikho nih, “Nâmsâu, thawk le, ka rianṭuantu dawrâ vêngtu chu do rawh! Thah le, dawrâ chu anna rek phin lai.

MATHAI 18:12

“Zei hâwi hen nan ngaih? Mi âunih mawh dawrâ zâ nei sele, an lakah pakhat pêu sele, sâwmkua leh pakua chu mâk hen, tlângah kal hen a tlâu mi chu a hâwl lai lo mazei?

MATHAI 9:36

Chuvachun, mi zapi tla chu a muh le, vêngtu nei lo dawrâ tla hâwi hen hamh leh rek phun hen an um ruangah thungâi a siherh na.

THILTI 20:28

Pathian kawhmi tla amah thisen hen a châwk mi tla chu châwm ding hen nanmah tla leh nan ho na mi tla zawzawng tlûnah a thiamthih u, Thlarau Thenhlimh nih an tlûnah hotu ah a nan siam na asi.

HEBRAI 13:20

Zungzâl thudântuk singsiah si mi nih a thihnâk ruangah Dawrâpu rokual tak Lalpa Jisu chu Pathian nih thihnâk lakah mi a thawh nawlh rawh.

HEBRAI 3:1

Pathian kawh bîk mi, Kristian ka unau tla Bâwlpu Lalchem siding hen Pathian nih a fial mi, kan zumh mi Jisu chu zauhnik u!

HEBRAI 5:2

Amah khawm zeizawng ah mi chak lo asi ruangah zeikhawm theihlo tla leh mi diklo tla sinah â dawnhkho tâwn asi.

1 PETER 3:20

Chu tla chu a lânah, Noa san ah lawng sâi liauah, Pathian nih dawnhkho tak hen a ngâk na liauah lung ding duhlotu tla thlarau an si. Lawng ah mi tâwmtê, pariat cho tî lakah mi ruangsuak hen an um;

1 PETER 5:4

Chun, Dawrâpu Lian a hawng a langh tikah a rokualnâk lallukhuh nawh kho lo mi chu nan tawng lai.