1 PETER 2:24 - Bawm Common Language Bible Version

²⁴ Sual leikângah thi rawh hen, repnâk leikângah kan nung khonâk ding hen Krist ngelchel nih kraws ah khan a taksa hen kan sual tla a phurh le, amah liamnâk tla hen damtir hen nan um rawh.

1 PETER 2:24 ပူးပေါင်းရင်းမြစ်များ

GENESIS 22:6

Abraham nih Isak rangah bâwlnâk ding thing châr a puttir le, anih nih chun nâmtê leh meiṭil tih ding mi a put. Munkhat hen an kal liauah,

SAM 147:3

Thinlung fâk tla chu a damh na hen, an mâ tla a tuam piak na.

SAM 38:4

Sual tî lian lakah ka tlâ le; phurh ding hen an rit tuktarâi.

EXODUS 28:38

Aron nih a chal ah â pawnh lai le, churawhchun Kei, LALPA nih Israel tla thilpêk zawzawng leh ka sinah anna pêknâk leh mi zapi tla nih an thil ap lakah palh sualnâk khawm ah ka pawm lai.

THUFING LASUIBU 20:30

Kan umdân lêt ding hen a zeimaw zâwn ah nganfâknâk nih theihthiamnâk a pêk.

ISAI 53:11

A tuar thluh nûnah, lâwmnâk a nei nawlh lai le; a tuarnâk chu a thawt asi lo zia a theih lai rawh. Ka sunhsak tak mi to-aw, ka lawmh tak mi nih chun mi tam tak rêp ding mi rûlah a tuar lai le, amah ruangah ka ngaihdam na lai.

LEVITICUS 16:22

Chu kêl nih an sual zawzawng tla chu minung umlonâk mun ah a kalpi lai rawh.

LEVITICUS 22:9

“Bâwlpu zawzawng nih dân ka pêk mi tla chu an zûl ding asi. An zûl lo chun sual hen an thi lai, dân thenhlimh chu an zûl lo ruangah. Kei, LALPA anmah thenhlimh tirtu chu kasi.

MALAKI 4:2

Sikhawmsele ka thu ngâitu tla rang chun ruangsuahnâk thiltikhonâk chu nan lakah repnâk nî hâwi hen a hawng suak lai le, nî chêu hâwi hen damhnâk a hawng put lai. Chawlâ a rung lakah mi an suah le, thawsuak tak hen a um hâwi hen an lâwptlo lai.

NUMBER 18:22

Israel lakah midang tla nih anmah thihnâk ding rêpnâk tlungtir ding hen Puanin leiah an kal ding asi lo.

MATHAI 27:26

Chu thluh chun Baraba chu a suah piak na le; Jisu lam chu a vuak le, kraws ah khenh ding hen a pêk na rawh.

MATHAI 5:20

Nanna repnâk nih Dân sîntirtu tla leh Farisai repnâk hi a khûp lânlo chu Vân Ram ah nan lût kho lai loh ti ka nan simh na.”

MATHAI 8:17

Khuavâng Isai nih, “Amah ngelchel nih kan chaklonâk tla a lâk le, kan nganfâk tla a phurh,” ti hen a sim mi chu a hawng tlung khonâk ding hen.

MARK 15:15

Chun, Pilat nih chun mi zapi lungâwitir a duh le, Baraba chu a suah piak na rawh. Chun, Jisu chu a vuak thluh rawh chun kraws ah khenhbêk ding hen a pêk rawh.

LUK 4:18

“Riangvâi tla sinah Thâwngthang Ṭha sim ding hen sariak hawng ka thuh ruangah Lalpa Thlarau chu ka tlûnah a um. Anih nih chun sal tla sinah suahnâk thu leh mitchâw tla sinah mitdei nawlhnâk thu sim ding hen, nehsawh tuar tla suaktirnâk ding tla

JOHAN 1:29

Chun, a thâituan ah chun Johan nih Jisu a sinah a hawng kal mi a muh. Chun a sim le, “Zauhnik u, Pathian Dawrâ Fa laikulh sual kalpitu ding khi!

JOHAN 19:1

Chun, chu liau chun Pilat nih Jisu a kalpi le, a vuak.

THILTI 10:35

sikhawmsele, phunkip lakah âuzawng amah ṭih hen rep tak a ti mi vial a lawmh kâng an si tâwn.

THILTI 10:39

Juda ram leh Jerusalem ah a thilti zawzawng theihtu tla kan si; anih chu kraws ah thlâi hen an thah rawh.

THILTI 13:29

Chun, a thâwngthâng Pathian lasui thu nih a sim hâwi hen zeizawng an lîm rawh chun kraws ah mi chu an lâk le, thlân ah an vûi rawh.

THILTI 5:30

Nannih nih Jisu thing ah thlâi hen nan thah mi kha, kan thlâktu tla Pathian nih a thawh nawlh rawh asi.

ROM 6:11

Chu hâwi ber hen nannih khawm sual leikângah thi rawh ah a ruat ule, Pathian leikângah lam chun Krist Jisu ah nung hen a ruat u.

ROM 6:13

Nan taksa ṭeng tla khawm replonâk ruakhâu rang ding ah sualnâk ah pêk siang lah u; khawmsele, mithi lakah mi nung nawlh hâwi hen Pathian sinah a pêk ule, nan taksa ṭeng tla khawm chu repnâk ruakhâu rang ding ah Pathian sinah pêk siang dauh u.

ROM 6:16

Si lo e; âu sin zawng ah an thu zâwt ding hen to-aw ah nan lût chun, thihnâk rê hen sual to-aw mawh, repnâk rê hen thu zâwt to-aw mawh, a thu zâwt hen to-aw nan si ti nan theih lo mazei?

ROM 6:2

Si lo e; kannih sual leikângah thi rawh mi, sual hen zeitin me kan nung kho nget lai rih?

ROM 6:22

Tuah lam chun sual lakah mi lît hen nan um le, Pathian to-aw tla nan hawng si hi, thenhlimhnâk tawng phah rê hen rah nan nei asi, chu dawnghnâk ah zungzâl nungnâk hen.

ROM 6:7

Âuzawng thi rawh mi chu sual ah mi a suak rawh asi.

ROM 7:6

Tuah lam chun hawng kan tleihtu lakah thi rawh hen, Dân lakah mi thlah hen kan um rawh, Dân rîn mi lampi li ah silo hen, Thlarau lampi ah rian kan ṭuan asi.

1 KORIN 15:3

A masa chem hen, ka tawng bâk mi chu ka nan simh singsuan na kha, kha hâwi hen Krist chu Pathian lasui thu hâwi vima hen kan sual ruangah a thi le,

2 KORIN 6:17

Churuangah, Pathian nih chun, “An lakah mi hawng suak ule, a dang hen um u. Thil nâwmtâm rerêng khawm tawngh lah u; churawhchun ka nan lawmh na lai.

GALATIA 3:13

Krist chu kan ruangrûl ah siat ting hen Dân siat lakah mi hawng kan suah rawh; “Thing ah thlâi mi vial chu siat ting an si,” ti hen Pathian lasui thu nih a sim ruangah.

EPHESI 5:9

Chêu nih chun ṭhatnâk, repnâk leh thudik rah kip a suah tâwn ruangah.

KOLOSA 2:14

kan buarnâk zawzawng hawng kan ngâihdam le, batnâk lasui thupêk a rîn mi kan tlûnah um mi hawng kan kham tâwn chu a veih rawh asi, chu tak chu Kraws a khenhbêk hen a dangah a siah rawh.

KOLOSA 2:20

Laikulh thlarau tla lâirêlnâk chu Krist sinah an thih tâk rawh chun, zei rangah me laikulh ah nung ko hâwi hen, minung thutiam leh sîntirnâk,

KOLOSA 3:3

Nan thi rawh le, nan nungnâk chu Pathian lakah Krist sinah thuh hen a um rawh ruangah.

HEBRAI 10:10

Pathian nih ti ding hen a duh mi hâwite hen Jisu Krist nih a ti ruangah amah taksa lakah mi zawzawng rangah veikhat â pêknâk nih chun sual lakah mi hawng kan thenhlimhtir asi.

HEBRAI 10:5

Churuang chun, Krist chu laikulh ah a hawng kal liauah, “Bâwlnâk leh thil ap na duh lo le, ka rangah taksa na ka timhtuah piak dauh.

HEBRAI 12:13

Kê a khêng mi chu kal kho lo asi ngâk hen damh asi lehlam ding hen lampi ding ah kal u.

HEBRAI 7:26

Churuangah, Jisu kan pawiherh tla pêktu Bâwlpu Lalchem asi. Anih chu a thenhlimh asi amah lakah sualnâk leh mawhnâk a nei lo, misual tla lakah thawk hen â thlei le, vân tlûnlei ah lâk hen a um.

HEBRAI 9:28

Chu hâwi ber hen Krist khawm mi tam tak sual tla kalpi ding hen veikhat bâwlnâk ah â pêk rawh. Amah ngâktu tla chu ruangsuah na ding hen, sual bâwlnâk ding silo hen, a veinihnâk ah a hawng lang nawlh lai.

JEM 5:16

Chun, damh hen nan um khonâk ding hen, nan sual tla thutluang a vawr tawnh ule, thla a cham piak tawnh u, mirep thlachamnâk nih chun thil fâk tak ati tâwn.

1 JOHAN 2:29

Amah chu mirep asi ti nan theih chun, mi âuzawng repnâk titu chu Pathian fa asi ti nan theih lai.

1 JOHAN 3:7

Fa le tla, âu perpet hen khawm um lah u, Jisu Krist â rep hâwi hen thil dik titu chu â rep asi.

THUPHUANG 22:2

Chun, nungnâk thing, tiva kap khatlei vevê ah zât leinih hen thla kip a rah mi a um le, chu thingnah tla chu phun kip damhnâk ding asi.