1 PETER 2:21 - Bawm Common Language Bible Version

²¹ Hi hi asi, ti ding hen Pathian nih a nan kawh na mi chu: Krist nih nan rangah a tuar rawh ruangah a nehnûn nan zûl ding hen zûnzauh ding ah a nan mâk na asi.

1 PETER 2:21 ပူးပေါင်းရင်းမြစ်များ

SAM 85:13

Diknâk chu LALPA mâika ah a kal lai le, a rangah lampi a siam lai.

MATHAI 10:38

Âuzawng a kraws put hen hawng ka zûl lo mi chu ka mi si tlâk asi lo.

MATHAI 11:29

Ka liangbat a bat ule, ka sinah a sîn u; dawnh kho mi leh thinlung ah â nâutir mi tak kasi; chun, nan thlarau rangah dinhnâk nan tawng lai.

MATHAI 16:24

Chun, Jisu nih a ṭhiruai tla sinah, “Âuzawng hawng ka zûl a duh mi nih chun mah hamhnâk siarlo hen, a kraws put hen hawng ka zûl seh.

LUK 24:26

Mesia nih chubang thil chu tuar hen a rokualnâk ah a lût ding rêng asi lo mazei?” a ti.

JOHAN 13:15

Nan tlûnah ka ti hâwi hen nannih khawm nih nan ti bâk ding hen zûnzauh ding ka nan pêk na asi.

JOHAN 16:33

Hi bang thu hi nan sinah ka sim rawh hi; keimah lak hin nan lungngamnâk ding hen. Laikulh ah hin hamh hen nan um tâwn; sikhawmsele, lungngam tak hen um u, laikulh ka neh rawh,” a ti.

THILTI 14:22

“Hamhnâk tam tak tuar hen Pathian Ram ah kan lût ding rerêng asi,” ti hen ṭhiruai tla thinlung an birhtir le, lungnâk ah chun um kumza ding hen an fawrh vima na.

THILTI 17:3

leh Mesia chu hamhnâk tuar ding rerêng a sizia tla mithi lak mi thawk nawlh ding a sizia tla chu a simhfiang le, a langhtir tâwn. “Hi Mesia a thu ka nan simh na mi hi, amah hi Krist chu asi,” a ti tâwn.

THILTI 9:16

Chun, ka min ruangah hamhnâk zei hâwi tluk a fâk mi a tuar ding amah ka theihtir awt asi,” a ti.

ROM 8:29

A theihkan mi tla chu amah Fapa hâwi tak hen um ding hen a ruatkan asi, a Fapa chu unau tam tak tla lakah fa tîr a hawng si khonâk ding hen.

1 KORIN 11:1

Hawng ka châwngtu si u, kei khawm Krist châwngtu kasi hâwi ber hen.

EPHESI 5:2

Krist nih a nan dâwt na le, Pathian sinah thil ap ah leh bâwlnâk rimthaw rang dingah kan ruangrûl ah â pêk mi hâwi khan zângfahnâk ah um u.

PHILIPI 2:5

Hi thinlung, Krist Jisu khawm ah um mi kha nanmah lakah um seh:

1 THESALONIKA 3:3

Hi bang hamhtuarnâk ruang hin âukhawm anna nîn lonâk ding hen, hi bang hi tuar ding hen ruat kan si ti nanmah ngelchel nih nan theih.

1 THESALONIKA 4:2

Lalpa Jisu zârah zei thu tla me kan pêk na nan theih kha.

2 TIMOTHE 3:12

Asi, âuzawng Jisu Krist lakah Pathian sunhsak hen umtu zawng nih chun nehsawhnâk tla an tuar ber lai.

HEBRAI 2:10

Pathian thil zeizawng siamtu leh kiltu nih chun fa tam tak a rokualnâk ting ding hen a hawng put kim na ding hen a tuarnâk ruangah Jisu siam rangtling chu a dik asi. Jisu chu ruangsuahnâk ding hen anmah tla rui natu pakhat asi ruangah.

1 PETER 1:20

Anih chu tual leh vân siam lânah Pathian thîm hen a um le, ni dawnghnâk ah chun nanmah ruangah langh hen a um.

1 PETER 2:24

Sual leikângah thi rawh hen, repnâk leikângah kan nung khonâk ding hen Krist ngelchel nih kraws ah khan a taksa hen kan sual tla a phurh le, amah liamnâk tla hen damtir hen nan um rawh.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.

1 PETER 3:9

Sual chu sual hen rulh lah u, siatbarhtu chu siatbarh bâk lah na u, chu ngâk chun mal lam sâwm lehlam na u. Churuang chun malsâwmnâk ting ding hen Pathian nih a nan kawh na asi.

1 PETER 4:1

Chun, Krist nih taksa hen a tuar rawh ruangah nannih khawm chu hâwi dawnruatnâk hen nanna chaktir ding asi. Âuzawng taksa ah tuartu nih chun sual a bângtâk rawh ruangah.

1 PETER 4:13

A rokualnâk langh hen a um tikah lâwmnâk rangtling hen nan um khonâk ding hen Krist tuarpitu nan si ti theih hen a lâwm dauh lehlam u.

1 JOHAN 2:6

Pathian sinah kan um asi ti theihnâk chu hi hi asi, Pathian lakah ka um titu chu Jisu hâwitê hen a um ding asi.

1 JOHAN 3:16

Hi lak hin zângfahnâk chu zei me asi ti kan theih, Krist nih kan rangah a nungnâk hawng kan pêk mi lak hin, kannih khawm nih unau tla rangah kan nungnâk kan pêk bâk ding asi.

THUPHUANG 12:11

Kan unau tla nih chun Dawrâ Fa thisen zârah leh thih ngamh rê hen thudik an phuangnâk zârah anih chu an neh rawh;