1 PETER 2:19 - Bawm Common Language Bible Version

¹⁹ Pathian theihnâk ruangah tuar lo ding tuar hen, ngaihsiatnâk nan tuar rarâm chun Pathian nih chu lakah mal an sâwm na lai.

1 PETER 2:19 ပူးပေါင်းရင်းမြစ်များ

JOB LASUIBU 21:27

Zauhnawmhnâk thinlung na nei ti ka theih.

SAM 119:86

Na thupêk zawzawng tla chu zumh a kâi asi; mi tla nih nabeibâng hen an ka nehsawh, hawng ka ṭangpi rawh.

SAM 35:19

Neh hen ka um mi lakah ka mêlma tla, mi âwkrâwl thusim tla nih hawng ka diriamh ding hen siang lah. A san lo hen an ka huatu tla nih ka lawksawngnâk lakah lâwm hen an ka imh ding siang lah.

SAM 38:19

Ka mêlma tla chu an ṭhisel hen an chak le; a san lo thlo hen an ka huatu chu tam tak an si.

SAM 69:4

A san lo hen hawng ka huatu tla chu ka lû mi sam ngâk hen an tam. Ka mêlma tla nih keimah do hen âwkrâwl thu an sim le, an chak le, thah ding an ka awt. Ka fîr lo mi thil an ka khirh.

LUK 6:32

“Chun, an dâwt natu cho nan dâwt chun zei lâwmman me nan tawng? Misual tla khawm nih mah dâwttu chu an dâwt bâk asi.

JOHAN 15:21

Sikhawmsele, hi bang thil zawzawng hi ka min ruangah nan tlûnah an ti lai, hawng ka fialtu an theih lo ruangah.

THILTI 11:23

Chun, anih chu a va tleng le, Pathian zângfahnâk chu a muh le, thungâi â lâwm, ṭhanemngâi tak hen Lalpa lakah zumhkâi ding hen an ektê hen a fawrh na rawh.

ROM 13:5

Churuagah, thinthawk ṭih ruang ko silo hen na siat leh ṭhat theihnâk ruang khawm ah lâirêltu thu thu hen na um ding rerêng asi.

1 KORIN 15:10

Sikhawmsele, Pathian zângfahnâk ruangah ka siding mi chu kasi rawh; chun a zângfahnâk hawng ka pêk mi thu a thawt hen a um lo; chu hâwi ngâk hen anmah tla zawzawng ngâk hen a ṭuan ka hamh dauh kha. Sikhawmsele, keimah nih ka ṭuan lo le, Pathian zângfahnâk ka sinah um mi nih khan a ṭuan dauh asi.

2 KORIN 1:12

Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

2 KORIN 8:1

Chun unau le tla, Makedonia ram ah kawhmi murui lakah Pathian zângfahnâk pêk chu ka nan theihtir na awt.

2 TIMOTHE 1:12

Churuang chem asi, hi bang thil khawm hi ka tuar mi chu; sikhawmsele ka ningzak lo; ka lung mi Pathian chu ka theih, a sinah ka kiltir mi chu, chu Ni rang ding ah chun ṭha dek hen a kil kho ti dik tak hen ka theih ber.

HEBRAI 10:2

Chu hâwi si lah sele, a sawnhtu tla chu veikhat ah thenhlimhtir chawlh hen, sual mah lakah a theihnâk tla an nei awtlo ruangah bâwl an bâng ving lai lo rawh ma?

1 PETER 2:20

Thilsual nan ti hen, vuak nan tuar hen, felfê tak hen tuar khawm ule, sawrnâk zei me nan tawng lai? Sikhawmsele, thil ṭha nan ti hen, felfê tak hen nan tuar chun Pathian nih chu lakah mal an sâwm na lai.

1 PETER 4:15

Sikhawmsele, nan lakah âukhawm minung thahtu asi ruangah mawh, mifîr asi ruangah mawh, thilsual titu asi ruangah mawh, midang tla thilti ah tel bâktu ruangah mawh tuar ding hen um lah seh.