1 PETER 2:15 - Bawm Common Language Bible Version

¹⁵ Nan thil ṭha ti hen mi a hawlh salam mi tla chu na bângtir ding hen Pathian nih a nan duh na asi.

1 PETER 2:15 ပူးပေါင်းရင်းမြစ်များ

JOB LASUIBU 2:10

Job nih a sâng le, “Nang hi zeikhawm theihlo pet hen thu na sim,” a ti. Pathian nih zei thil ṭha mawh hawng kan pêk chun kan a lâwm, thil sia a hawng tlung liauah kan simsiat kho lai mazei? Hi bang zawng tuar khawmsele Job nih Pathian a simsiat lo thlo.

JOB LASUIBU 5:16

Mipâm tla rangah lungumnâk a pêk le, misual tla chu a rehtir dep.

SAM 107:42

Mirep tla nih hi hi an muh le, anna lâwm, misual tla lam chu an dâisip.

SAM 5:5

Mi â zûm mi mitmuh ah na dîr kho lo le; misual tla chu na hua na.

THUFING LASUIBU 9:6

Zeikhawm theihlo mi minung tla kha kaltâk na le, nung rawh. Theihnâk lampi ah kal rawh,” a ti.

JEREMIA 4:22

LALPA nih, “Ka mi tla chu an mâwl tuk le; an hawng ka theih loh. Ngâksia â hâwi an si le; zeikhawm theihthiamnâk an nei lo. Thilsual ti chu an thiam thlo le, sikhawmsele thil ṭha ti ding an tumh loh,” a ti.

MATHAI 25:2

An lakah panga an â le, panga an fing.

MATHAI 7:26

“Chun, mikip hi bang ka thu theih hen zâwtlotu chu, mi â sep tlûnah in saktu hen tahṭhimh asi.

ROM 1:21

Pathian theih ko hen Pathian hâwi hen an chawnglawmh lo, lâwmthu khawm an sim lêm lo; thu salam an dawn dauh le, an thinlung ah chun mûinâk hen a hawng khat rawh asi.

GALATIA 3:1

Aw, Galatia ram a mi â tla! âunih an dâwi na? Nan mitmuh ngelchel ah Jisu Krist chu khenhbêk hen fiang tak a langhtir asi mi.

DEUTERONOMY 32:6

Nannih mi â leh theihnâk nei lo tla, LALPA nan ti ding mi chu hi hâwi mazei asi? An siam natu, phun ah an siam natu nan pa chu asi.

1 THESALONIKA 4:3

Pathian duhzia nan thenhlimhnâk ding chu hi hi asi, duhnâk hi bâng tâk ule;

1 THESALONIKA 5:18

zeizawng ah lâwmthu sim kumza u; chu chu nanmah lei thu ah Krist Jisu ah Pathian duhzia asi ruangah.

1 TIMOTHE 1:13

A lânah simsâwitu leh nehsawhtu leh zirhtu sikhawmsele lunglo hen theihlo mi kasi ruangah khuaruatnâk ka tawng asi.

TITA 3:3

Kannih khawm a lânah â tak leh ê-aw ngâilo leh perpet mi leh, duhnâk leh lawmhnâk kip leikângah pial mi leh sual leh nahsuah mang hen um mi leh fihnungkâi leh a huat tawnh mi tla kan si ruangah.

1 PETER 2:12

Lunglotu tla lakah nan changh zia chu ṭha tak si seh; chun thilsual titu tla hâwi hen an simsiat na mi lakah chun nan thil ṭha ti tla an theihthiam tikah a hawng kalnâk Ni ah Pathian an chawnglawmh kho lai.

1 PETER 3:16

Sia leh ṭha theihnâk thiang tak nei ule, an simsiat na nâk leikângah Krist ah nan umdân ṭha sâwitu tla chu mualpho hen an um kho lai.

1 PETER 3:17

Thilsual ti ruangah tuar ngâk chun, Pathian rem tizia asi chun, thil ṭha ti ruangah tuar hi a ṭha dauh.

1 PETER 4:2

Churawhchun, tu thawk hen chun minung duh dân silo hen, taksa ah nan um kar zawng chu Pathian duhzia hen nan um ding asi.

2 PETER 2:12

Sikhawmsele, hi bang dawnruatnâk nei lo tla hi, vâkrit hâwi cho hen suak an si le, thil an theihthiam lo mi tla chu an simsiat le, anmah khawm ramsa hâwi hen veih hen an um lai.

JUD 1:10

Chu tla nih chun thu an theih lo mi tla chu an simsiat le, dawnruatnâk nei lo, ram sa tla hâwi hen, theihnâk anna suakpi mi nih chun anmah tla a râwk na.