1 PETER 2:1 - Bawm Common Language Bible Version

¹ Chuvachun, sualnâk zawzawng tla, ngamlêmnâk tla, perpetnâk tla, nahsuahnâk tla, simsiatnâk tla bângtâk u:

1 PETER 2:1 ပူးပေါင်းရင်းမြစ်များ

JOB LASUIBU 36:13

Pathian nei lo mi tla chu, an thinrun kumza le rêp hen an um khawm ah ṭangpi deih hen thla an cham dahlo.

SAM 32:2

Perpet mang lo leh LALPA nih mi diklo hen a ruat lo mi chu a lâwptlo.

SAM 34:13

Asi chun, thu sual sim leh âwkrâwl thu sim a sûm rawh.

SAM 37:1

Misual ruangah na lawksawngtir lah; diklo tak hen thil titu khawm ngarh lah.

SAM 73:3

misual tla sul-le-lam tluang ka muh hen anna zûm mi chu ka hua ruangah.

THUFING LASUIBU 14:30

Thinlung ah thlangamnâk nih taksa ṭhiselnâk a siam le, sikhawmsele mi nahsuah mang chu mâ dam kho lo vei hâwi asi.

THUFING LASUIBU 24:1

Misual chu ngarh lah le, hâwikawmh khawm siam lah na.

THUFING LASUIBU 24:19

Misual ruangah na lawksawng lah le, nahsuah lah na.

THUFING LASUIBU 3:31

Mi ṭhalo ngarh lah le, an thilti dân khawm châwng lah,

ISAI 2:20

Chu ni a hawng tlung tik chun, an siam mi ngûn leh tangka milem tla chu an lawnh ving lai le, zabui leh balâk tla sinah an mâk lai.

ISAI 30:22

Nan milem tla tangka hen nan luanh mi leh ngûn hen nan luanh mi chu nâwmtâm hâwi hen nan lawnh ving lai le, “Ka mitmuh ah um lah!” nan ti lai.

MATHAI 15:7

Mi perpê tla, Isai nih hin nan thu a simkan mi hi thungâi a dik ko!

MATHAI 23:28

Nannih khawm chu hâwitê hen lênglei ah chun minung mitmuh hen rep tak hen nan lang tâwn le, nan sunglei ah lam chun perpetnâk leh sualnâk hen nan khat fâwn.

MATHAI 24:51

tan nih hen a hawng suah lai le, mi perpê tla tingvo hâwi a tingtir lai. Chunah chun ṭap leh hachang rial chu a um lai.

MATHAI 7:5

Mi perpê! Na mit ah mi kân kha lâk masa rawh; chuvachun, na unau mit ah mi fungrêutê thuak ding mi chu fiang tak hen na muh lai.

MARK 12:15

Anih lam nih chun an perpet zia chu theih hen an sinah, “Zei rangah nan ka nik? Denari khat hawng put ule, ka zauh lai,” a ti.

LUK 11:44

Nan tlûn a pit! Thlân ti theih lo hen, a tlûnah mi an kal tâwnnâk hâwi chu nan si,” a ti.

LUK 12:1

Chu liauah, mi zapi tam tak lamh chukmâk rê hen an hawng a pûm rawh chun, Jisu nih a masa chem hen a ṭhiruai tla sinah, “Farisai tla thilnu perpetnâk lakah chun a thiamthih u.

LUK 6:42

Mah mit lakah mi kân um mi chu muhlo hen na unau sinah, ‘Unau na mit lakah mi fungrêu kha hawng ka thawhtir,’ zeitin na ti kho le? Mi perpê, na mit lakah mi kân kha thawh masa rawh, chun na unau lakah mi fungrêu chu thawh ding hen fiang tak hen na muh lai.”

JOHAN 1:47

Jisu nih Nathanael a sinah a hawng mi a muh le, a thâwngthâng a sim le, “Zauhnik u, Israel mi tak ngamlêmnâk rerêng nei lo hi,” a ti.

ROM 1:29

Chun, replonâk zawzawng, sualnâk zawzawng tla, hamkahnâk zawzawng tla, ṭhatlonâk zawzawng hen an khat le, nahsuahnâk tla, mi thahnâk tla, tawhnâk tla, perpetnâk tla, nunchan ṭhalonâk tla hen an khat.

1 KORIN 14:20

Unau le tla, thinlung leikâng ah ngâksia lah u. Sikhawmsele, sual leikâng lam chun fasêm si ule, thinlung leikâng lam chun upa si u.

1 KORIN 5:8

Churuangah, kanna kût lai, thilnu li a kût lo hen, nunsiat leh sualnâk ah kût lo hen, thilnu tel lo hen taknâk leh diknâk sang hen kanna kût lai.

2 KORIN 12:20

Ka hawng kal tikah zeitin mawh ka duh hâwi hen ka nan muh na lo hen, kei khawm nan duh hâwi hen nan ka muh lo sual lai ti leh zeitin mawh fâinâk tla, nahsuahnâk tla, thinrunhnâk tla, tawhnâk tla, thu khuar mang tla, sung-û tir tuknâk tla, nawknâk tla a hawng um lebang lai ti leh

EPHESI 4:31

Khânâk thinthawknâk, sirleihnâk, rângnak, simsiatnâk zawzawng chu bângtâk hen um seh.

1 THESALONIKA 2:3

Kan thusim hi âwkrâwl lakah suak asi lo le, nâwmtâm lakah suak khawm asi lo, ngamlêmnâk hen khawm asi lo;

1 TIMOTHE 3:11

Chu hâwi ber hen an nupi tla mi zahkâi an siding asi, ka tam lo hen sûm kho mi leh zeizawng ah zumhkâi mi an siding asi.

TITA 2:3

Tarnu tla khawm nih Pathian thu chu an simsiat lonâk ding hen, nunau kum no dauh tla chu an pasal zângfah ding leh fa zângfah ding leh thinlung rep tak hen um ding leh thenhlimh tak a um ding leh, mah in ah rianṭuantu ah um ding leh, vêlnei hen um ding leh, mah pasal tla thu thu a um ding hen nun an simh na kho ding hen an umdân lak khawm ah Pathian zah mi tla, phiartu tla leh zû duh mi tla silo hen, ṭhat leikângah sîntirtu siding hen fawrh rawh.

HEBRAI 12:1

Hawng kan theihpitu mi zapi tam tak kan kiangkam ah um mi ruangah hawng kan nawktirtu zawng leh sual kanmah lakah um mi chu kan lawnh lai. Chun, Jisu kan lungnâk ngauhnâk ah rangtlingtirtu lei chu zauh hen, kan mâilei ah tekzuamnâk ding a um mi lakah felfê tak hen kan tek vima lai.

JEM 1:21

Chîng dân nâwmtâm leh sual kip thawk hen a thlei u. Pathian sinah a pêk ule, chun nan thinlung ah tuh hen a um mi Pathian thu, ruang an suah kho natu chu pawm u.

JEM 3:14

Sikhawmsele, nan thinlung ah ṭhatlonâk leh nahsuahnâk leh mah kawngkâ cho ruat mi nan si chun a zûm lah u, thudik do hen âwkrâwl sim lah u.

JEM 4:11

Ka unau tla, pakhat leh pakhat a sâwi tawnh lah u. Âuzawng a unau sâwitu mawh, simsiattu chu Dân a simsiat hen a sâwi asi. Dân na simsiat chun Dân zâwttu na si lo le, a sâwitu na si dauh asi.

JEM 4:5

Asi lo leh, Thlarau kanmah lakah a um chun thîk rê hen hawng kan duh asi ti hi, Pathian lasui thu nih sim salam hen ma nan ruat?

JEM 5:9

Unau tla, Pathian nih lâi an rêl piak na lo ding hen pakhat leh pakhat a sâwi tawnh lah u. Lâirêltu chu a nâi le, hawng kal ding hen tîm chia hen a um.

1 PETER 2:16

Thawsuak tak hen um u, nan thawsuaknâk chu zei sual tal phenhtu ah mang lah u, Pathian to-aw hâwi hen um dauh u.

1 PETER 2:22

Anih nih chun thilsual rerêng a ti lo, a kâ thawk hen âwkrâwl thusim khawm âukhawm nih an theih dah loh.

1 PETER 3:10

Pathian lasui thu nih, “Âuzawng lâwm tak hen nung duhtu leh tik ṭha muh duhtu nih chun, thu ṭhalo leh âwkrâwl thusim bâng seh.

1 PETER 4:2

Churawhchun, tu thawk hen chun minung duh dân silo hen, taksa ah nan um kar zawng chu Pathian duhzia hen nan um ding asi.

1 PETER 4:4

Tuah anmah nuamchênnâk lakah nanna tel bâk lo ruangah lunglotu tla nih chê an ti le, an simsiat na tâwn asi,

THUPHUANG 14:5

Diklonâk âwkrâwl an sim mi âunih khawm an theih dahlo.