1 PETER 1:5 - Bawm Common Language Bible Version

⁵ Ruangsuahnâk tik dawnghlei ah hawng lang ding mi timhtuah chia chu tawng ding hen lungnâk ruangah Pathian thiltikhonâk hen vêng mi chu nan si.

1 PETER 1:5 ပူးပေါင်းရင်းမြစ်များ

JOB LASUIBU 19:25

Sikhawmsele, vân ah mi âumawh a dawnghnâk ah chun ka himnâk ah a hawng kal awt ti ka theih.

SAM 37:28

Pathian nih a dik mi chu a lawmh ruangah, a mi zumhkâi tla chu a kaltâk lo. A hum kumza na le, khawmsele misual thlâk tla chu a nar phin lai.

THUFING LASUIBU 2:8

Midang tla rangah ṭhadektê hen titu tla chu a hum na le, amah sinah â pêk mi tla chu a vêng na.

ISAI 45:17

Sikhawmsele Israel chu LALPA nih a hum le, zungzâl hen nehtu asi; a mi tla chu zei liau khawm ah an mualpho lai lo!’ ” a ti.

ISAI 51:6

Vânlei zauh le tual zauh! Vân chu meikhû hâwi hen a vei ving lai le tual chu puan li hâwi hen a ṭet lai. A minung tla chu thovâi hâwi hen an thi lai. Sikhawmsele ruangsuahnâk ka hawng tlungtir ding mi chu zungzâl asi lai le, ka nehnâk chu a dawnghnâk asi lai.

ISAI 54:17

Sikhawmsele, zei riamnâm khawm nih nganfâk a nan pêk kho lai lo; A nan phiartu tla zawzawng na sâng ver na lai. Ka to-aw tla chu ka hum na lai le, nehtu ah ka siam na lai,” a ti. Chu chu LALPA nih a sim mi asi.

ISAI 66:22

“Ka thiltikhonâk hen tual thar leh vân thar ka umtir kumza mi hâwi hen na thlâk tla leh na min a um kumza lai.

JEREMIA 23:4

Anmah zauhkhenhtu ding hen lâirêltu tla ka ruat lai. Ka mi tla chu an ningṭih hen an lâu lai lo rawh le, rêp khawm ka rêp nawlh na lai lo rawh. Kei, LALPA nih ka sim asi,” a ti.

JEREMIA 32:40

Anmah hen zungzâl thudântuk ka siam lai. Ka lakah mi an hawng ka hertâk lo rawhnâk ding hen an rangah thil ṭha ti ka bâng lai lo, an thinlung zawzawng hen hawng ka ṭihtu ding ah ka siam na lai.

JOHAN 12:48

Âuzawng hawng ka duh lo hen, ka thusim tla lawmhlo nih chun, lâirêltu pakhat a nei asi. Ka thusim kha, kha nih khan, ni dawngh ni ah chun amah chu lâi a rêl lai.

JOHAN 17:15

Nangnih annih chu laikulh ah mi lâk ding hen ngiar kasi lo le, Misual pa lakah na hum ding ka ti dauh asi.

JOHAN 4:14

âuzawng an sinah ka pêk ding mi tî dintu vial lam chu zungzâl hen an tîhâl lai loh, kei nih an sinah tî ka pêk ding mi chu an sung ah tî nung a um lai le, zungzâl nung tiang hen a irh lai,” a ti.

JOHAN 5:24

“Thungâi tak hen ka nan simh na, âuzawng ka thu theih hen, hawng ka fialtu lung nih chun zungzâl nungnâk a nei rawh, mawh hen a um lo le, thihnâk thawk hen a suak le, nungnâk ah a lût dauh asi.

ROM 11:20

Hi hi a dik asi: An lunglonâk ruangah khiak hen an um le; nang na lungnâk ruangah na dîr asi.

ROM 8:18

Tu liau tuarnâk tla hi, hi nûnah kan tlûnah rokualnâk langhtir ding mi hen chun tahṭhimh tlâk ah ka ruat lo.

1 KORIN 1:21

Pathian finghnâk ah chun laikulh nih a finghnâk mang hen Pathian an theih kho lo nûnah thusim âtkâi mang hen a lungtu tla ruangsuah chu Pathian nih, “Thungâi ṭha” a ti.

2 KORIN 1:24

Nan lungnâk lakah lalnâk ka nei ka ti lo le, nanna lâwmnâk ṭangpitu kan si ka ti dauh asi; lungnâk ah dîr nan si dangâiah.

GALATIA 2:20

Krist sinah khenhbêk hen ka um rawh, sikhawmsele ka nung; kei lam chu kasi lo rawh, Krist chu keimah lakah a nung dauh asi; chun tuah taksa ah ka nung mi hi lungnâk ah nung ka si– Pathian Fapa, hawng ka zângfah le, ka ruangrûl ah â pêk mi lungnâk ah chun.

EPHESI 2:8

Lungnâk ruangah Pathian zângfahnâk hen ruangsuah nan si; chu khawm chu nanmah lakah suak asi lo le, Pathian thilpêk asi; thilti ruangah si lo, chu lo chun mi anna khâwng lebang lai.

PHILIPI 1:6

Nanmah lakah thil ṭha dawmhtu nih khan Jisu Krist Ni tiang hen a rangtlingtir vima awt, chu tak chu ka lung thlir ruangah.

PHILIPI 4:7

Chun, Pathian lungngamhnâk thinlung rerêng theih châwklo ni khan, nan thinlung leh nan dawnruatnâk tla chu Krist Jisu ah chun a nan vêng piak na lai.

2 TIMOTHE 3:15

Chun, Jisu Krist ah lungnâk hen ruangsuahnâk ah an ruai kho ding hen finghnâk an pêk khotu Pathian lasui thu thenhlimh chu na ngâksia liau thawk hen na theih.

HEBRAI 6:12

Nanna dâithlanh ding ka nan duh na loh, a lung mi tla leh felfê mi tla leh Pathian thutiam anna ting rawh mi tla hâwi hen nan um ding hen ka nan duh dauh na.

HEBRAI 9:28

Chu hâwi ber hen Krist khawm mi tam tak sual tla kalpi ding hen veikhat bâwlnâk ah â pêk rawh. Amah ngâktu tla chu ruangsuah na ding hen, sual bâwlnâk ding silo hen, a veinihnâk ah a hawng lang nawlh lai.

1 PETER 1:13

Churawhchun, rianṭuan ding hen nan thinlung ah a tîm u. A ringrâwn ule, Jisu Krist a hawng a langh tikah malsâwmnâk a nan pêk na ding mi lakah nan lungumnâk zawzawng chu ngauh u.

1 PETER 4:13

A rokualnâk langh hen a um tikah lâwmnâk rangtling hen nan um khonâk ding hen Krist tuarpitu nan si ti theih hen a lâwm dauh lehlam u.

1 PETER 5:1

Chun, nan lakah kawhmi upa tla chu, kei, kawhmi upa si bâk mi, Krist tuarnâk tla theihpitu, rokualnâk a hawng lang ding mi ting bâktu ding mi nih hin ka nan fawrh na.

2 PETER 1:3

Amah rokualnâk leh ṭhatnâk zârah hawng kan kawhtu a thâwngthâng theih ruangah a Pathian thiltikhonâk nih nungnâk leh Pathian sunhsaknâk leikângah chun, thil zawzawng hawng kan pêk asi.

1 JOHAN 3:2

Duhtak tla, tuhin Pathian fa tla kan si le, zei hâwi hen kan um awt ti lam chu a lang lo rih, amah a hawng a langh tikah amah hâwi hen kan um awt ti lam chu kan theih, amah chu a umdân hâwitê hen kan muh awt.

JUD 1:1

Jud, Jisu Krist to-aw leh a unaupa Jem nih chun- Pa Pathian zângfahnâk leh Jisu Krist kilkâwinâk ah um mi, kawhmi tla sinah chun:

JUD 1:24

Chun, nan tlû lonâk ding hen an vêng na khotu leh rokualnâk ah lâwptlo tak hen leh nâwmtâm kawplo hen an siah na khotu,

1 SAMUEL 2:9

A mi zahkâi tla chu a hum na le, sikhawmsele misual chu mûi lakah an vâi. Mi nih amah chaknâk cho hen zeikhawm a neh kho lo.