1 PETER 1:4 - Bawm Common Language Bible Version

⁴ Churuangah, a mi tla rangah Pathian nih a siah mi malsâwmnâk rokual tak tla ting ding hen kan chuanh asi. Chu tla chu râwkkholo leh, nâwmtâm kâi lo leh nawh kholonâk mun vân ah nan rangah a nan kil piak na asi.

1 PETER 1:4 ပူးပေါင်းရင်းမြစ်များ

SAM 31:19

Nangmah an zahtu tla rangah thil ṭha na kil mi chu a chê chiam e! Na ṭhat zia leh nangmah a nan zumhtu chu na hum na zia mikip nih an theih.

SAM 47:4

Kan umnâk ding ram hawng kan thîm piak; a dâwt mi minung tla nih anna umsan mi neihnâk chu.

ISAI 66:22

“Ka thiltikhonâk hen tual thar leh vân thar ka umtir kumza mi hâwi hen na thlâk tla leh na min a um kumza lai.

EZEKIEL 47:12

Tiva kapah mi thing chi kip tla chu ei ding pêktu ding hen an ṭhang lai. An nah tla zeiliau khawm a uai lai lo le, rah an suah kumza lai. Biakin thawk hen tiva a luang mi nih a châwm mi asi ruangah thla kip hen an rah lai. Chu thing tla nih ei ding an suah lai le, an nah tla chu mi tla damhnâk ding ah mang asi lai,” a ti.

MATHAI 25:34

Chu tikah chun Lalchem nih chun a vawrhlei ah mi tla sinah, ‘Ka Pa malsâwm mi tla, hawng ule, laikulh siam tîr thawk hen nan rangah Ram timhtuah mi chu a ting u.

MARK 10:17

Chun, kal ding hen Jisu a suak liauah minung pakhat amah leiah a hawng tek le, a mâika ah a siksidîr le, a sinah, “Sîntirtu ṭha, zungzâl nungnâk ka ting khonâk ding hen zei me ka ti lai?” ti hen a deih.

THILTI 20:32

“Tuhin Pathian leh a zângfahnâk thu ah ka nan kiltir na hi, chu nih chun a nan ṭhangtir kho na lai, mi thinlung thenhlimh tla lakah malsawmnâk a nan neitir kho na lai.

THILTI 26:18

an mit deitir ding hen an sinah ka nan fial hi, chun mûi chu chêu leiah an hawng hertâk lai le, Setan thuneihnâk chu Pathian leiah an hertâk lai, sual ngaihzia thiamnâk an tawngnâk ding leh an hawng ka lung ruangah thenhlimh rawh mi le tla lakah ro anna ting khonâk ding hen,’ ” a ti.

ROM 8:17

Chun, fa tla kan si chun ro tingtu tla kan si le, Pathian ro tingtu, Krist tingpitu tla kan si. Jisu kan tuarpi tatak chun a sinah chawnglawmh hen kan um bâk lai.

1 KORIN 9:25

Chun, tekzuamnâk tla lakah chun â ṭang rarâm mi chu zeizawng ah anna sûm tâwn asi. Annih lam nih chun lallukhuh râwk kho tawng ding hen anna ṭang, kannih lam nih chun lallukhuh râwk kho lo tawng ding hen.

GALATIA 3:18

Ro ting ding chu Dân ruangah asi chun thutiam ruangah asi lai loh; sikhawmsele Pathian thutiam ruangah asi Abraham sinah a pêk mi chu.

EPHESI 1:11

Amah duhkâng a remruat hâwi vima hen thil zeizawng titu nih a tum mi ruatkan si rawh hen amah lakah ber a mi siding ah siam kan si,

EPHESI 1:14

Chu chu Pathian rokual zia sawrnâk ding ah amah tâ ngelchel tlanhnâk ding hen kan ro tingnâk ding ah tiamhnâk asi.

EPHESI 1:18

Chun, nan thinlung mit tla deitir a um hen amah kawhnâk lungumnâk tla hen mi thenhlimh tla lakah chun a ro ting ding rokual chawng zia tla,

2 TIMOTHE 4:8

tuah lam chun repnâk lallukhuh chu ka rangah siah hen a um rawh; chu chu Lalpa lâirêltu rep tak nih chun chu ni ah a hawng ka pêk lai. Ka sinah cho silo hen, a langhnâk awrhtu kip tla sinah khawm.

HEBRAI 10:34

Rêng a tlâ mi tla tuarnâk chu nanna ting bâk rawh; thil ṭha dauh um kumza ding mi chu nan nei ti theih hen nan thil an lâk piak na mi tla khawm lâwm tak hen nan tuar kho asi.

HEBRAI 9:15

Chun, hi ruangah hin Krist chu thudântuk thar thulanhtu asi, Pathian nih a kawhmi tla chu Pathian nih a tiamh mi zungzâl thudântuk masa tangah buarnâk lakah mi tlanhnâk ding hen Jisu a hawng thi rawh ruangah.

JEM 1:11

Nî chu a suak le, a linhnâk nih chun chawmpâr chu a uaitir le, a pâr chu a tlawng le, a dawhnâk chu a vei rawh; chu hâwi ber hen minei chu a rianṭuan ah a vei lai.

1 PETER 3:9

Sual chu sual hen rulh lah u, siatbarhtu chu siatbarh bâk lah na u, chu ngâk chun mal lam sâwm lehlam na u. Churuang chun malsâwmnâk ting ding hen Pathian nih a nan kawh na asi.

1 PETER 5:4

Chun, Dawrâpu Lian a hawng a langh tikah a rokualnâk lallukhuh nawh kho lo mi chu nan tawng lai.

THUPHUANG 21:27

Sikhawmsele, nâwmtâm tla leh thil dawh lo titu tla leh âwkrâwl simtu tla chu an lût lai lo; Dawrâ Fa nungnâk lasuibu ah an min â rîn mi cho an lût lai.