1 PETER 1:25 - Bawm Common Language Bible Version

²⁵ sikhawmsele, Lalpa thu lam chu zungzâl hen a um kumza asi,” ti hen a sim hâwi khan. Thâwngthâng Ṭha an simh na mi chu hi thu hi asi.

1 PETER 1:25 ပူးပေါင်းရင်းမြစ်များ

SAM 102:12

Sikhawmsele, LALPA, nang chu zungzâl lalchem na si; thlâk zawzawng nih an theihkumza lai.

SAM 102:26

An vei lai le, nang lam chu na um lai; puan hâwi hen an nawh ver lai le, na nawng lai le, an vei lai.

SAM 119:89

LALPA, na thu chu zungzãl tiang a um lai le, vân khawm ah san dawnglo asi.

ISAI 40:6

Âu hâu a hawng suak le, “Thuchah sim!” ti hen. Kei nih, “Zei thuchah ka sim lai?” ti hen ka deih. Anih nih, “Minung tla chu belh hâwi an si; mâng ah mi chawmpâr ngâk hen an sân a sâu dauh lêm lo.

ISAI 40:8

Asi, belh chu a uai le, chawmpâr chu a chuai le, sikhawmsele kan Pathian thu chu zungzâl a um kumza lai,” a ti.

MATHAI 5:18

Thungâi tak hen ka nan simh na, tual leh vân hi a vei lânlo chu Dân thu ah mi lasui ṭialtê mawh lasui ṭialtê khingkhuai mawh pakhat khawm a vei lai lo, a ektê hen a tlungkim lânlo chu.

LUK 16:17

Sikhawmsele, Dân thu rîn zek tê tlâu ngâk chun vân leh laikulh tlâu a awl dauh lai.”

JOHAN 1:1

A tîr ah Thu a um, Thu chu Pathian sinah a um; Thu chu Pathian asi.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

1 KORIN 2:2

Jisu Krist, amah ngelchel khenhbêk hen a um mi thu cho lo chu nan lakah zeikhawm theih ka tum lo kha.

EPHESI 2:17

Chun a hawng kal chun nannih Phundang lât tak a um tâwn mi tla sinah remnâk Thâwngthâng Ṭha a nan simh na le, nâitê ah um tâwn mi Juda tla sin khawm ah remnâk Thâwngthâng Ṭha a sim ber.

EPHESI 3:8

Phundang tla sinah Krist neihsiahnâk sût châwklo rê thâwngthâng sim ding leh thuthup zungzâl thawk hen Pathian zeizawng siamtu lakah thuh hen a um mi zauhkhenhnâk chu zeise asi ti, mi mêchem ngâk a mê dauh sinah chu zângfahnâk chu pêk asi.

TITA 1:3

sikhawmsele, amah tik takah chun a thu chu thuchah lakah a langhtir rawh, chu thuchah chu Pathian kan Ruangsuahtu thupêk hâwi vima hen kiltir kasi.

HEBRAI 6:5

Pathian thu chu a ṭha ti theihfiang hen thiltikhonâk tik a um ding mi tla an theih,

1 PETER 1:12

Tuah thudik leikâng thu an sim mi nan theih hâwi hen Pathian nih chun khuavâng tla sinah a rianṭuan chu an rangah ṭhatvaknâk rang ding silo hen, nanmah ṭhatvaknâk rang ding dauh hen Pathian chu khuavâng tla sinah â langh asi. Thâwngthâng ṭha simtu mifial tla, vân thawk hen Thlarau thiltikhonâk hen fial mi nih chun hi thudik hi a nan simh na asi. Hi thudik tla hi asi, vânmifial tla khawm nih theih an duh mi chu.

1 PETER 1:23

Thikho mi nu leh pa fa hâwi silo hen, thikholo mi fa tla, Pathian zungzâl thu nung ah suak nawlh mi nan si ruangah.

1 PETER 2:2

Fasêm suakthar tla hâwi hen thlarau lei nûk hâng thenhlimh chu duh u; chu nûk hâng chu din hen ṭhang leh ruangsuah nan si khonâk ding hen.

2 PETER 1:19

Chun, khuavâng thusim, bir tak kan nei le, khua a hawng dei le, deirêl ârfi chu nan thinlung ah a hawng chêu lânlo chu khâwnvâr chêu, mi nih mûi ah an sunhsak hâwi hen nan sunhsak chun a ṭha asi.

1 JOHAN 1:1

Nungnâk Thu, a tîr thawk hen a um mi kha, kan nâ hen kan theih le, kan mit hen kan muh kha, kan zauh le, kan kut hen kan tawngh kha.

1 JOHAN 1:3

Churuangah kan muh hen kan theih mi chu kan simh na bâk asi, nannih khawm nih Pa leh Fapa Jisu Krist kawmhnâk ah kanna khat khonâk ding hen.

THUPHUANG 14:6

Chun, tual ah an um mi tla, phun kip tla, chi kip tla, hawlh kip tla, mi kip tla sinah zungzâl Thâwngthâng Ṭha thuchah sim ding hen vânmifial dang vân chung sâng ah a zuang mi ka muh.