1 PETER 1:22 - Bawm Common Language Bible Version

²² Unau tla hen a zângfah tawnh tatak ding hen, thudik zâwt hen nanna thenhlimhtir ruangah thinlung ah semsêngâi tak hen a dâwt tawnh u.

1 PETER 1:22 ပူးပေါင်းရင်းမြစ်များ

JOHAN 15:17

Nanna dâwt khonâk ding hen hi bang thu hi ka nan pêk na.

JOHAN 15:3

Nan sinah ka thusim ruang khan tu khawm ah nanna thenhlimh chia rawh asi.

JOHAN 17:17

Annih chu thutak hen thenhlimhtir rawh, na thu chu thutak asi.

JOHAN 17:19

Anmah ruangah na sinah ka pêk, annih khawm nangmah sinah anna pêk bâk khonâk ding hen.

THILTI 15:9

Chun, kannih leh annih thliar leh dang lo hen an lungnâk hen an sual a ngaihdam na.

THILTI 6:7

Chun, Pathian thu chu a zan le, Jerusalem khua ah ṭhiruai tla thungâi an pung, bâwlpu lakah khawm minung cherkhet nih lungnâk chu an zâwt rawh.

ROM 1:5

A min ruangah lungnâk chu phun kip lakah mi lungtir hen, amah ruangah chun, zângfahnâk leh mifial sinâk ka ting rawh.

ROM 2:8

Midang tla chu mah kawngkâ lâwng ruat mi an si le, a dik mi chu an duh lo, a diklo mi chu an zûl dauh tâwn; an tlûnah chun Pathian thinthawknâk leh thinrunhnâk tla a um lai.

ROM 8:13

Taksa duh dân hen nan um chun nan thi ngelchel ding asi. Sikhawmsele, taksa thilti tla chu Thlarau ah nan thah tâwn chun nan nung lai.

2 KORIN 6:6

thenhlimhnâk ah, theihnâk ah, dawnhkhonâk ah, vêlneihnâk ah, Thlarau Thenhlimh ah, dâwtnâk ah,

GALATIA 3:1

Aw, Galatia ram a mi â tla! âunih an dâwi na? Nan mitmuh ngelchel ah Jisu Krist chu khenhbêk hen fiang tak a langhtir asi mi.

GALATIA 5:5

Kannih nih chun Thlarau zârah lungnâk hen repnâk lungumnâk kan ngâk ruangah.

GALATIA 5:7

Ṭha tak hen nan tek tâwn khateh; thudik chu nan zâwt lonâk ding hen âunih a nan kham na?

EPHESI 4:3

a nan kawh na nâk tlâk a um ding hen, kei, Lalpa ah rêngtlâ nih hin ka nan ngiar na.

PHILIPI 1:9

Chun, nan zângfahnâk nih theih rangtlingnâk leh fâifîmnâk zeizawng ah a nei khunnâk ding hen thla ka cham tâwn hi; chun, Pathian rokualnâk leh sawrnâk ding ah Jisu Krist zârah repnâk rah um mi hen hawng khat hen, Krist ni rangah a tak tak leh simsâwi kawplo nan si khonâk ding hen thil ṭha khun tla chu ṭha nan ti kho lai.

1 THESALONIKA 3:12

Chun, nanmah leikângah zângfahnâk kan nei hâwi hen, nanmah leikângah zângfah tawnhnâk leh mi zawzawng leikângah zângfahnâk chu Lalpa nih chun an pungtir piak na hen an chawngtir na seh.

2 THESALONIKA 1:3

Unau tla, nanmah leikâng thu ah Pathian sinah lâwmthu sim kumza ding rêng kan si; chu chu â dawh rêng asi, nan lungnâk thu thungâi ṭhanglian hen, nan ektê hen nanna zângfah tawnhnâk chu a pung khun ruangah;

2 THESALONIKA 2:13

Lalpa ah unau duhtak le tla, Thlarau ah Thenhlimhtir mi leh thudik lung hen, ruangsuah a um ding hen a tîr thawk hen Pathian nih a nan thîm na ruangah nan dân thu hin Pathian sinah lawmthu sim kumza ding rêng kan si.

1 TIMOTHE 1:3

Makedonia leiah ka kal liauah Ephesi ah um ko ding hen kan ngiar hâwi hen um kan duh nget rih, mi zeimaw mi nih lung dân diklo tla an sîntir na mi chu bâng ding hen thu na pêk na ding asi.

1 TIMOTHE 1:5

Nunsimhnâk san chu thinlung thenhlimh leh sia leh ṭha theihnâk thiang leh lungnâk tak thawk hen a hawng suak mi dâwtnâk chu an nei khonâk ding hen asi.

1 TIMOTHE 4:12

Na ngâksianâk âukhawm nih zauhnawmh lah seh, thusim leikâng tla, changh dân tla lakah, na dâwtnâk, zumhnâk leh thenhlimhnâk lakah lungtu tla zauhtawnh ding hawng si rawh.

1 TIMOTHE 5:2

tarnu tla chu nu hâwi hen, nungâk tla chu thenhlimh tak a farnu hâwi hen.

2 TIMOTHE 1:14

Thil ṭha na sinah kiltir hen um mi kha kan sungah Thlarau Thenhlimh um mi hen ṭha dek hen kil.

HEBRAI 11:8

Abraham chu Pathian nih a kawh liau khan lungnâk hen Pathian nih pêk ding hen a tiamh mi ram leiah a suak le, a kalnâk lei ding khawm theihlo hen a suak le, a ram chu a mâk rawh.

HEBRAI 13:1

Krist ah unau nan si ruangah a dâwt tawnh u.

HEBRAI 5:9

Chun, rangtling tak hen siam a hawng si rawh chun ê-aw ngâitu zawzawng rangah zungzâl ruangsuahnâk phûrpi a hawng si rawh.

HEBRAI 6:10

Tu ah nan ti liau hâwi hen, Kristian unau tla sinah Pathian min hen dâwtnâk ruangah nan ti mi leh nan ṭangpi na nâk tla chu philh ding hen Pathian chu mi replo asi loh.

HEBRAI 9:14

zungzâl thlarau zârah Krist, simsâwinâk um lo mi bâwlnâk Pathian sinah a ap mi thisen nih chun Pathian nung rianṭuan ding hen kan sia leh ṭha theihnâk chu thilti a thi mi tla lakah chun a thenhlimh awt tuktarâi.

JEM 1:21

Chîng dân nâwmtâm leh sual kip thawk hen a thlei u. Pathian sinah a pêk ule, chun nan thinlung ah tuh hen a um mi Pathian thu, ruang an suah kho natu chu pawm u.

JEM 4:8

Pathian naih u, chun anih nih a nan naih na lai. Misual tla, nan kut tla ṭâwl u, mi perpê tla, nan thinlung thenhlimhtir u,

1 PETER 1:2

Pathian thiltum hâwi hen Thlarau ah a nan thenhlimhtir na ding leh Jisu Krist ê-aw ngâi ding hen, a thisen hen a nan thiangtir na ding hen amah nih a nan thîm na asi. Nan tlûnah zângfahnâk leh remnâk pungtir hen um seh.

1 PETER 2:17

Mi zawzawng chawnglawmh u, na unau lungtu tla dâwt na le, Pathian ṭih u, chun Lalchem chu chawnglawmh u.

1 PETER 3:1

Chu hâwi ber hen, nannih nupi tla, nan pasal tla thu thu hen um u. An lakah zeimaw mi Pathian thu lung lo na khawmsele, thu silo hen, nan nunchan thenhlimh leh zahkâinâk hen neh na ding a tum u.

1 PETER 3:20

Chu tla chu a lânah, Noa san ah lawng sâi liauah, Pathian nih dawnhkho tak hen a ngâk na liauah lung ding duhlotu tla thlarau an si. Lawng ah mi tâwmtê, pariat cho tî lakah mi ruangsuak hen an um;

1 PETER 3:8

A dawnghnâk ah chun nan ektê hen thinlung munkhat hen um u, a siherh tawnh u; unau tla hâwi hen a dâwt tawnh u, zângfahnâk nei tawnh ule, a nâutir tawnh u.

1 PETER 4:17

Lâirêlnâk dawmh ding hen tik chu a hawng tlung rawh, chun Pathian mi tla chu lâirêl piak masa ding asi. Kanmah lakah â dawmh chun Pathian thawk hen Thâwngthâng Ṭha lunglotu tla dawnghnâk chu zei hâwi dek asi lai?

1 PETER 4:8

Zeizawng ngâk hen, semsengâi tak hen a dâwt tawnh ule, dâwtnâk nih sual tam tak a khuh tâwn ruangah.

2 PETER 1:7

nan Pathian sunhsaknâk lakah chun unau tla dâwtnâk telh ule, unau tla nan dâwtnak lakah chun dâwtnâk singsuan nei u;

1 JOHAN 3:11

Hi hi a tîr thawk hen thuchah nan theih mi kha asi: Kanna zângfah tawnh ding asi, ti hi.

1 JOHAN 3:23

Chun, a thupêk chu hi hi asi, Jisu Krist nih thu hawng kan pêk hâwitê hen, Jisu Krist min lung hen a zângfah tawnh ding asi.

1 JOHAN 4:12

Âukhawm nih Pathian an muh dahlo; kanna zângfah tawnh chun, Pathian kanmah lakah a um lai le, a zângfahnâk khawm kanmah lakah a rangtling lai.

1 JOHAN 4:20

Mi nih, “Pathian ka zângfah” ti hen, a unau hua sele, amah chu mi âwkrâwl asi, a unau a muh ko mi men a zângfah lo chun Pathian a muh dahlo mi chu zeitin a zângfah kho lai?

1 JOHAN 4:7

Duhtak tla, zângfahnâk hi Pathian thawk hen suak asi ruangah kanna zângfah tawnh ding asi. Âuzawng zângfahnâk neitu chu Pathian fa asi, Pathian khawm a theih.

THUPHUANG 2:4

Sikhawmsele, sâwinâk ka nan nei asi, na dâwtnâk masa chem kha na bângtâk asi.