1 PETER 1:19 - Bawm Common Language Bible Version

¹⁹ Dawrâ Fa simsâwinâk um lo leh nâwm kawplo mi Krist thisen sung hen tlanh nan si ti nan theih ruangah.

1 PETER 1:19 ပူးပေါင်းရင်းမြစ်များ

EXODUS 12:5

Kêl mawh dawrâ mawh zeital nan thîm kho, sikhawmsele, kum khat mi a mipa simsâwinâk umlo mi a siding asi.

ISAI 44:22

Sûm ka thiangtir mi hâwi hen na sualnâk chu ka thiangtir. Nangmah ruang an suahtu kasi; ka sinah hawng kîr rawh,” a ti.

ISAI 53:7

“Fâk tak a nehsawh hen a um le, sikhawmsele nâu tak hen â dawnh le; tâwm khawm hâu a suah lo. Thah ding mi dawrâ fa hâwi hen leh a mul mêt ding mi dawrâ hâwi hen tâwm khawm a hâu a suah lo.

DANIAL 9:24

“Hun sarih, kum sâwmsarih chu sual lo thlo hen khuapi thenhlimh leh na mi tla an um ding mi a sâwt kar zawng Pathian nih a ruat mi zat asi. Sualnâk chu ngaihdam asi lai le, repnâk chu birhtir asi lai, chu tikah langhnâk leh simhkannâk chu a dik lai rawh, Biakin thenhlimh khawm ap nawlh asi lai rawh.

LEVITICUS 1:10

Mi nih a dawrâ mawh kêl mawh pakhat bâwlnâk ah a ap mi chu, a mipa simsâwinâk umlo mi asi ding asi.

LEVITICUS 22:20

Sâwinâk um mi ran nan ap chun LALPA nih a pawm awtlo.

ZEKARIA 13:7

LALPA Zeizawng tikho nih, “Nâmsâu, thawk le, ka rianṭuantu dawrâ vêngtu chu do rawh! Thah le, dawrâ chu anna rek phin lai.

MATHAI 20:28

Minung Fapa hi mi nih rianṭuan piak ding hen a hawng lo le, rianṭuan ding leh mi tam tak tlanhnâk ding ah a nungnâk pêk ding hen a hawng dauh asi,” a ti.

MATHAI 26:28

hi hi ka thisen, sual tla ngaihdamnâk ding ah mi tam tak rangah suak ding mi thutiamnâk chu asi.

JOHAN 1:29

Chun, a thâituan ah chun Johan nih Jisu a sinah a hawng kal mi a muh. Chun a sim le, “Zauhnik u, Pathian Dawrâ Fa laikulh sual kalpitu ding khi!

JOHAN 1:36

chun, Jisu kal liau a zauh le, “Zauhnik u, Pathian Dawrâ Fa khi,” a ti.

THILTI 20:28

Pathian kawhmi tla amah thisen hen a châwk mi tla chu châwm ding hen nanmah tla leh nan ho na mi tla zawzawng tlûnah a thiamthih u, Thlarau Thenhlimh nih an tlûnah hotu ah a nan siam na asi.

ROM 3:25

Pathian dawnhkhonâk ah tuan liauah sual tla ngaihdam hen a um ruang khan, Pathian nih amah rep zia zauhtirnâk ding hen Krist Jisu chu a thisen ah, lung ruangah sual thutluang vawrnâk ah a ruat.

EPHESI 1:7

A thisen hen amah lakah tlanhnâk kan nei asi, a zângfahnâk chawng zia hâwi vima hen kan buarnâk tla ngaihdamnâk chu.

KOLOSA 1:14

amah lakah kan tlanhnâk kan tawng asi, kan sual tla ngaihdamnâk chu.

1 PETER 1:2

Pathian thiltum hâwi hen Thlarau ah a nan thenhlimhtir na ding leh Jisu Krist ê-aw ngâi ding hen, a thisen hen a nan thiangtir na ding hen amah nih a nan thîm na asi. Nan tlûnah zângfahnâk leh remnâk pungtir hen um seh.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.

1 JOHAN 1:7

chun, amah chu chêu ah a um hâwi hen, kannih khawm chêu ah um kan si chun, kanna kawmh dut le, a Fapa Jisu thisen nih kan sual zawzawng a thiangtir asi.

1 JOHAN 2:2

anih chu kan sual tla thutluangvâwrnâk asi, kanmah tla sual cho silo hen, laikulh zawzawng sual thutluangvâwrnâk khawm asi.

THUPHUANG 14:1

Chun, ka zauh le, Dawrâ Fa Zion tlângah a dîr mi leh an chal ah a min leh a Pa min â rîn mi, mi nuai khat leh sîng li leh sâng li a sinah an dîr mi ka muh,

THUPHUANG 14:5

Diklonâk âwkrâwl an sim mi âunih khawm an theih dahlo.

THUPHUANG 5:6

Chun, laltophah leh thilnung pali tla lâiah leh upa tla lâi chem ah chun Dawrâ Fa thah rawh mi, ki pasarih leh mit pasarih nei, a dîr mi ka muh le, chubang mit pasarih leh ki pasarih tla chu Pathian thlarau pasarih tual tlûn zawzawngah fial mi tla an si.

THUPHUANG 5:9

Chun, “Nang lasuibu chu lâk hen, a singsiahnâk tla samh tlâk na si; Thah hen na um rawh le, chikip a mi tla, hawlh kip a mi tla, mikip a mi tla, phun kip a mi tla, Pathian rangah na thisen hen na châwk na.

THUPHUANG 7:14

Chun, kei nih chun a sinah, “Pu, nangmah nih na theih dauh ko khateh,” ka ti. Chun, anih nih chun ka sinah, “Hi bang tla hi nehsawhnâk fâk tak thawk hen him tak hen an hawng suak mi tla an si, an puan tla chu Dawrâ Fa thisen ah suk hen an vârtir asi,