1 PETER 1:17 - Bawm Common Language Bible Version

¹⁷ Chun, thliar leh dang nei lo hen, mikip an rianṭuan hâwi chiau hen lâirêl piaktu chu Pa ti hen nan auh chun hi tual ah nan um kar vial amah zah tak hen um u.

1 PETER 1:17 ပူးပေါင်းရင်းမြစ်များ

GENESIS 47:9

Jakob nih a sâng le, “Ka khualtlawng kum chu kum zâ leh sâwmthum ka tling rawh, ka khualtlawng kum chu a tam chiam lo, hi sung hin hamh tak hen ka um le, hawng ka thlâktu tla hâwi tluk hen lam chun upa mi kasi lo,” a ti.

1 CHRONICLES 29:15

LALPA, hawng kan thlâktu hâwi hen kan damsung ni zawzawng hi khualtlâwng leh saltâng mi hâwi kan si. Kan dam liau ni tla hi dâidul hâwi hen â ṭhial le, kan thih ni ding khawm kan âwl lo.

2 CHRONICLES 19:7

LALPA chu ṭih ule, thiamthih tak hen thilti u, LALPA kan Pathian chu perpetnâk mawh, thliar leh dangnâk mawh, nawhnâk lâk mawh sâithiam lo mi asi,” a ti.

JOB LASUIBU 34:19

Lâirêltu lei khawm â ṭângṭawm lo, mipâm hua hen minei a sunhsak lêm lo le, mikip chu amah siam mi an si ruangah.

SAM 39:12

LALPA, ka thlachamnâk hi theih le, ka âu mi hi ngâi; ka ṭap tikah keimah ṭangpi ding hen hawng. Hawng ka thlâktu tla hâwi hen sâwtlotê karah na rangah khual cho kasi.

SAM 89:26

‘Nang chu ka Pathian leh ka pa na si, hawng ka vêngtu leh ka ruangsuahtu na si,’ a ka ti lai.

THUFING LASUIBU 14:16

Mifing tla chu nawknâk ah mi suak ding hen anna thiamthih le, sikhawmsele mi mâwl chu anna thiamthih lo le, an ti sut tâwn.

THUFING LASUIBU 28:14

LALPA thu ngâi kumza le, na lâwm lai. Na lung a khung chun, nangmah râwknâk asi lai.

JEREMIA 3:19

LALPA nih, “Israel, ka fapa hâwi hen an nei ding ka nan duh le, Ram duhkâi tak, laikulh pumpi ah ram dawh chem ka nan pêk. Ka sinah mi kâng dangah a hawi lo rawh ding hen Pa ah na ka ruat ding hen ka nan duh.

ZEPHANIAH 3:9

“Churawhchun, phun tla lakah minung tla chu an umdân ka dangtir lai le, pathian dang sawnhlo hen keimah cho an hawng ka sawnh lai rawh. An ektê hen an hawng ka lung hep lai rawh.

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

MATHAI 22:16

Chun, an ṭhiruai tla, Herod murui sinah mi tla hen, a sinah an fial le, chubang tla nih chun, “Sîntirtu, mi dik tak na si le, dik tak hen Pathian leikâng thu na sîntir na tâwn le, sunhsak khun mi khawm na nei lo ti kan theih le; âukhawm thliar leh dangnâk na nei lo.

MATHAI 6:9

Chuvachun, nannih nih chun hi hâwi hen thlacham u: ‘Kan Pa vân ah mi, Na min zah hen um seh.

ROM 11:20

Hi hi a dik asi: An lunglonâk ruangah khiak hen an um le; nang na lungnâk ruangah na dîr asi.

2 KORIN 1:2

Pathian kan Pa leh Lalpa Jisu Krist sinah mi zângfahnâk leh remnâk nan sinah um seh.

2 KORIN 5:6

Chun, taksa ah kan um sung hin Lalpa sinah kan um lo ti theih hen kumleza hen thlangam tak hen kan um tâwn;

2 KORIN 7:1

Chun, duhtak le tla, chubang thutiam chu kan nei ruangah taksa leh thlarau nâwmnâk zawzawng lakah kanna thiangtir lai, Pathian ṭih bû hen thenhlimhnâk rangtlingtir hen.

2 KORIN 7:11

Chun, ngâinik u, Pathian duhzia hâwi a ngaihsiattir hen nan umnâk takah chun thiamthihnâk tla, mah a sim thiamnâk tla, thinthawknâk tla, ṭihnâk tla, lunglêngnâk tla, ṭhanemsemse ngâinâk tla, lehrûl samnâk tla nanmah lakah a siam zia a fâk a! Zeizawng ah chubang thu ah chun nan thiang ti nanna langh rawh.

GALATIA 2:6

Chun, mi lian dauh ah an ruat mi tla lakah chun zeitin mi tal khawm si sele, ka rangah â dang lêm lo, Pathian nih âukhawm a thliar lo-- mi lian dauh ah an ruat mi tla nih chun ngaihdân thar zeikhawm an ka sap lo.

EPHESI 3:14

Churuang chun, Krist chu lungnâk ruangah nan thinlung ah â chêl khonâk ding hen, a rokualnâk neih zia hâwi vima hen a Thlarau zârah minung sungril leiah chun thiltikhonâk ah chaktir hen a nan umtir na khonâk ding hen, Pa, tual leh vân ah dâwngsungkhur kip min putso mâika ah chun ka siksidîr tâwn le, chun Pathian rangtlingnâk zawng tluk hen khattir a nan um khonâk ding hen, nannih zângfahnâk ah ram thlâk leh ngauhsan nei a um hen, mi thenhlimh zawzawng hen a kauh zia, a sâu zia, a sâng zia, a thûk zia tla theihfiang khonâk, Krist zângfahnâk theih phâk lo theih khonâk nan nei kho lai.

EPHESI 6:9

Chun, nannih hotu tla, chu hâwi ber hen anmah leh nanmah hotu chu vân ah a um ti leh anih nih chun mi duh khun a nei lo ti theih hen, râp lo hen an tlûnah ti bâk u.

DEUTERONOMY 10:17

LALPA nan Pathian chu pathian zawzawng lâirêltu leh thiltikhonâk lakah Chungnungchem asi. Anih chu a chak hen a rokual le, ṭih ding mi tak asi. Mi thliar leh dang a nei lo le, nawhnâk khawm a lâk lo.

PHILIPI 2:12

Chun, ka duhtak tla, thu nan zâwt kumza hâwi khan, ka um liau cho ah ṭuan lo hen, tu ka um lo kar hin ṭuan dauh lehlam hen, lâu leh thir bû hen nanmah ruangsuahnâk ṭuan u;

KOLOSA 3:25

Thil diklo titu nih chun a thilti diklo man chu a tawng nawlh lai; Pathian nih mikip chu bang ver hen lâi a rêl ruangah.

HEBRAI 12:28

Chun, ram ninh kho lo mi kanna ting ruangah kanna lâwm lai. Amah lawmhkâng a um hen, ṭih leh zah tâk bû hen, lâwm tak hen Pathian kan sawnh lai;

HEBRAI 4:1

Churuangah, kan ṭih ding asi, chu lo chun Pathian dinhnâk ah lûtnâk ding thutiam um ko hen, nan lakah âumawh a dinhnâk ah lût kho lo hen nan um lebang lai.

1 PETER 2:11

Duhtak le tla, khual leh khualtlâwng mi nan si ruangah thlarau do tâwntu taksa duhnâk tla bângtâk ding hen ka nan ngiar na asi.

1 PETER 3:15

Nan thinlung tla ah Krist rangah zahnâk nei ule, Lal ah siam u. Nanmah lakah lungumnâk nan nei mi simhfiang ding hen an deih natu zawng chu sâng ding hen nunnêm leh zah tak hen a timhtuah kumza u.