1 PETER 1:12 - Bawm Common Language Bible Version

¹² Tuah thudik leikâng thu an sim mi nan theih hâwi hen Pathian nih chun khuavâng tla sinah a rianṭuan chu an rangah ṭhatvaknâk rang ding silo hen, nanmah ṭhatvaknâk rang ding dauh hen Pathian chu khuavâng tla sinah â langh asi. Thâwngthâng ṭha simtu mifial tla, vân thawk hen Thlarau thiltikhonâk hen fial mi nih chun hi thudik hi a nan simh na asi. Hi thudik tla hi asi, vânmifial tla khawm nih theih an duh mi chu.

1 PETER 1:12 ပူးပေါင်းရင်းမြစ်များ

EXODUS 25:20

Thilsiam (cherabim) thla nei tla chu mâitawnh hen a sinh lakah an um ding asi, an thla nih mâichâm a zarh ding asi.

THUFING LASUIBU 1:23

Nun ka nan simh liau hin ngâi. Krai ṭha tak ka nan pêk lai le, ka theihnâk ka nan ṭhenh lai.

ISAI 32:15

Sikhawmsele, veikhat chu Pathian nih kan lakah a thlarau a hawng fial nawlh lai. Ram â râwk rawh mi chu a hawng ningno nawlh lai le, phâisen tla khawm nih thlâi tam tak a hawng suah nawlh lai.

ISAI 53:1

Zapi tla nih an sâng le, “Tuah kan thusim hi âunih a lung lai? Hi lakah hin âunih LALPA kut muh khotu um?

DANIAL 10:1

Kirus, Persia lal a sinâk a kum thumnak ah, Danial, Beltesazar an ti mi sinah thuchah a hawng tlung. Thuchah chu a dik le, sikhawmsele theihthiam ding hen thungâi a har, langhnâk lakah a sinah simhfiang hen a um.

DANIAL 12:13

“Danial, nang lam chu a dawngh tiang hen zumhkâi hen um rawh. Na thi lai le, sikhawmsele na lâwmman tawng ding hen tik dawnghnâk ah na thawk lai,” a ti.

DANIAL 12:9

Anih nih hawng ka sâng le, “Danial, hi thu tla a thuptê hen kil hen, laikulh dawnghnâk a hawng tlung lânlo chu thuh thlir ding asi ruangah tu chun kal ko rih.

DANIAL 2:19

Chu zân lîlâ ah chun Danial nih langhnâk a muh mi lakah lal chu a muh sih le, vân Pathian sawr hen a muh rawh. Danial nih,

DANIAL 2:22

Thil thûk leh â thup mi langhtu asi; mûi lakah thilthup tla a theih le, chêunâk nih amah chu a kulh dak.

DANIAL 2:47

Lal nih, “Na Pathian chu pathian zawzawng lakah a rokual chem le, lal tla tlûnah Lal asi le, thilthup tla langhtu asi. Thilthup na simhfiang ruangah chu chu ka theih mi asi,” a ti.

DANIAL 8:13

Vânmifial pakhat nih a dang rangah thu a deih mi ka theih le, “Hi langhnâk lakah mi thil tla hi zeitiang me a um vima awt? Hi nisiar bâwlnâk hi zeitiang hi sualnâk ṭihnungkâi nih a luah awt? Vân ah mi kawrsen tla leh Biakin chu zeitiang riamruam me lamhbêk hen a um awt?” a ti.

DANIAL 9:24

“Hun sarih, kum sâwmsarih chu sual lo thlo hen khuapi thenhlimh leh na mi tla an um ding mi a sâwt kar zawng Pathian nih a ruat mi zat asi. Sualnâk chu ngaihdam asi lai le, repnâk chu birhtir asi lai, chu tikah langhnâk leh simhkannâk chu a dik lai rawh, Biakin thenhlimh khawm ap nawlh asi lai rawh.

JOEL 2:28

“Chu nûn chun mikip sinah ka thlarau ka tawih na lai le, nan fapa leh nan fanu nih ka thuchah an phuang lai; nan tarpa tla nih mang an manh lai le, nan tlangvâl tla nih langhnâk an muh lai.

AMOS 3:7

LALPA Zahkâi nih a thiltum a to-aw khuavâng sinah langh tâ lo hen zei thil khawm a ti dahlo.

ZEKARIA 12:10

“David thlâk leh Jerusalem ah midang um mi tla chu khuaruatnâk thlarau leh thlachamnâk thlarau hen ka khattir na lai. Thi thlo an sunh mi chu an zauh lai le, mi nih a fa neihlem tlûnah a lungfâk mi hâwi a lakah an lungfâk lai. An fa tîr thi mi lakah an lungfâk hâwi hen thungâi an lungfâk lai.

MATHAI 11:25

Chu liau chun Jisu nih, “Aw ka Pa, tual leh vân Lalpa, nangnih mifing leh mi fâifîm tla sinah hi bang thu hi na pheh, nâusêm tla sinah na phuang ruangah hin ka nan sawr.

MATHAI 11:27

“Ka Pa nih thil zeizawng hawng ka kiltir rawh. Pa lo nih chun âukhawm nih Fapa hi an theih loh. Fapa leh an sinah Fapa nih a phuang duhnâk tla cho lo nih chun âukhawm nih Pa chu an theih loh.

MATHAI 16:17

Chun, Jisu nih a sinah, “Simon, Johan fapa, na thaw a suak; minung nih a nan theihtir mi asi lo le, ka Pa vân ah mi nih a nan theihtir mi asi dauh.

MARK 16:15

Chun, an sinah, “Laikulh zawzawng ah kal ule, thilsiam zawzawng sinah chun Thâwngthâng Ṭha hi sim u.

LUK 15:10

Ka nan simh na chu hâwi ber hen Pathian vânmifial tla lakah chun misual pakhat a rim mi tlûnah anna lâwm tâwn asi.”

LUK 2:26

Chun, Lalpa Mesia chu a muh lânlo chu a thi lai loh ti Thlarau Thenhlimh nih a theihtir chia rawh.

LUK 9:6

Chun, an kal le, khua an ṭawl vima le, ram kip ah Thâwngthâng Ṭha an sim le, mi an damh vima.

JOHAN 15:26

“Chun, Pa sinah mi ṭangpitu nan sinah ka fial ding mi, Pa lakah suak Thlarau Pathian thutak phuangtu chu, a hawng tlung tikah, anih nih chun ka thu a theihtir lai.

THILTI 10:44

Chun, Peter nih chubang thu chu a sim liau takah chun Thlarau Thenhlimh a hawng tlung rawh.

THILTI 16:10

Chun, muhtirnâk a muh kâ hen Makedonia ram ah chun kal a tum sawm le, an sinah Thâwngthâng Ṭha sim ding hen Pathian nih hawng kan kawh ti kan theih.

THILTI 2:33

Pathian vawrhlei ah chawnglawmh hen a um le, Thlarau Thenhlimh tiamh mi chu Pa sinah thawk hen a tawng le, nan muh leh nan theih mi hi a hawng tawih asi hi.

THILTI 4:31

Chun, thla an cham thluh nûnah anna pûmnâk mun chu a hawng a nîn le, an ektê hen Thlarau Thenhlimh hen an hawng khat le, râlṭha tak hen Pathian thu an sim rawh.

THILTI 4:8

Chun, Peter chu Thlarau Thenhlimh hen a khat le, an sinah, “Mi zawzawng hotu tla, upa tla:

THILTI 8:25

Chun, annih nih chun Lalpa thu chu an theihtir le, an sim thluh rawh chun Peter leh Johan chu Jerusalem ah an tlung nawlh rawh. Thâwngthâng Ṭha chu Samaria ram mi khua tam tak ah an sim vima.

ROM 1:15

Chuvachun, nannih Rom khua ah um mi tla sinah khawm Thâwngthâng Ṭha sim ding hen ka mawhlah kumza.

ROM 1:17

Thâwngthâng Ṭha nih chun a dawmhtîr thawk hen a dawngh tiang hen Pathian ah lungnâk ruang cho ah minung chu rep hen a um ti a langhtir asi. “Mi rep chu lungnâk hen a nung lai,” ti Pathian lasui thu nih a sim hâwi khan.

ROM 10:15

Fial an si lo chun zeitin thu an sim lai? “Thâwngthâng Ṭha simtu tla hawng kal chu a chê a!” ti hen Pathian lasui thu nih a sim hâwi khan.

1 KORIN 2:10

Kannih lam chu chubang chu Pathian nih a Thlarau hen hawng kan theihtir rawh asi. Thlarau nih chun zeizawng a zâwt ver tâwn, Pathian thu thûk khawm.

2 KORIN 1:22

Anih chu hawng kan singsiahtu leh kan thinlungah Thlarau Thenhlimh hawng kan pêktu asi ber.

2 KORIN 6:6

thenhlimhnâk ah, theihnâk ah, dawnhkhonâk ah, vêlneihnâk ah, Thlarau Thenhlimh ah, dâwtnâk ah,

GALATIA 1:12

Minung thawk hen ka tawng mi asi lo, mi nih sîntir mi khawm kasi lo, Jisu Krist langhnâk ruangah tawng mi kasi dauh.

GALATIA 1:16

Phundang tla lakah a Thâwngthâng Ṭha ka sim khonâk ding hen a Fapa chu thinlung si tak hen keimah lakah a langhtir liau khan midang sinah krai khâi lo hen,

EPHESI 3:10

Chun, kan Lalpa Krist Jisu ah hi a tum mi a zungzâl remruat hâwi vima hen tu liauah vân mun tla ah khin lalnâk leh thuneihnâk tla sinah chun Pathian finghnâk kip kawhmi tla ruangah theihtir hen a um kho lai.

1 THESALONIKA 2:9

Unau tla, kan rianṭuan hamhzia leh kan rianṭuan dît zia kha nan theih ko kha; nan lakah âukhawm kan rittir na lonâk ding hen a sûn a zân ṭuan hen Pathian Thâwngthâng Ṭha kan simh na tâwn kha.

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

HEBRAI 11:13

Chubang zawzawng tla chu lungnâk nei hen an thi rawh le, Pathian thil tiam tla chu ting lo hen; sikhawmsele chubang chu lât tak thawk hen an muh le, an lawmh na rawh, tual ah hin ram dang mi leh khualtlâwng salam mi an si ti anna theih.

HEBRAI 2:4

Pathian khawm nih singsiahnâk tla leh thilchê tla leh thiltikhonâk zeizawng theihpi na hen, amah duhzia hen Thlarau Thenhlimh thilpêk tla chu a ṭhen tâwn.

HEBRAI 4:2

Thâwngthâng Ṭha an sinah sim asi hâwi hen kan sin khawm ah sim asi. Sikhawmsele, an thu theih nih chun anmah tla a ṭhatvaktir lêm lo, an thu theih chu an lung tak lo ruangah.

1 PETER 1:25

sikhawmsele, Lalpa thu lam chu zungzâl hen a um kumza asi,” ti hen a sim hâwi khan. Thâwngthâng Ṭha an simh na mi chu hi thu hi asi.

1 PETER 4:6

Mithi tla chu midang zawzawng tla hâwi hen laikulh ah an um liauah lâirêl piak hen an um le, sikhawmsele, Pathian a nung hâwi hen thlarau ah an nung khonâk ding hen an sinah Thâwngthâng Ṭha simh hen an um.

THUPHUANG 5:11

Chun, ka zauh le, laltophah leh thilnung pali leh upa tla kiangah chun vânmifial a sîng a sîng tam tak aw-hâu chu ka theih. Thilnung tla leh upa tla leh laltophah hêl hen an dîr le, hâu fâk tak hen,