1 PETER 1:11 - Bawm Common Language Bible Version

¹¹ Zeitik ah a hun asi awt, chun zei hâwi hen a hawng um awt ti muh ding anna tum; Krist Thlarau anmah lakah um mi nih chun Krist tuarnâk ding tla leh rokualnâk a hawng um ding mi tla chu tuliau hun hi a zauhtir.

1 PETER 1:11 ပူးပေါင်းရင်းမြစ်များ

GENESIS 3:15

Nang leh hi nunau hi kan huatir na lai; na thlâk leh a thlâk anna mêlma kumza lai. A thlâk nih na lû thî a suah lai le, nangnih a thlâk tla kê na chuk lai.

GENESIS 49:10

Juda nih lal ṭhianṭhunh â ting lai le, A thlâk tla khawm nih lâi an rêl kumza lai. Phun tla nih a sinah siah an pêk lai. Ê-aw ngâi tak hen a mâika ah an kûn lai.

ISAI 49:6

LALPA nih ka sinah, “Ka to-aw na rang ding ah ti ding rokual tak ka nei. Israel thibang tla rangah rokualtir natu cho na si lai lo le, phun tla rang khawm ah chêu ah ka nan siam lai, laikulh zawzawng ruangsuah an si khonâk ding hen,” a ti.

DANIAL 2:44

Chu liau lâirêltu san ah vân Pathian nih ram a hawng dirh lai. Dawngh ti a um lai lo rawh, neh hen a um lai lo rawh le, lalram zawzawng râwk hep hen a um lai le, zungzâl hen a um kumza lai rawh.

ZEKARIA 13:7

LALPA Zeizawng tikho nih, “Nâmsâu, thawk le, ka rianṭuantu dawrâ vêngtu chu do rawh! Thah le, dawrâ chu anna rek phin lai.

ZEKARIA 14:9

Churawhchun, LALPA chu tual pumpi tlûnah lal asi lai le, mikip nih amah chu an sawnh lai le, a min an theih dân â bang rang lai.

MATHAI 26:24

Minung Fapa hi a thâwngthâng an rîn hâwitê khan a kal awt asi. Sikhawmsele, Minung Fapa tleihtirtu ding minung tlûn chu a pit! Chu minung chu suak lah sele a rangah a ṭha dauh lai,” ti hen a sâng.

LUK 24:44

Chun, an sinah, “Hi hi ka thu kha asi, Mosi Dân ah, khuavâng lasuibu ah leh Sawrnâk labu tla ah ka thâwngthâng rîn mi vial a hawng tlung ding zia nan sinah ka um liauah ka nan simh tâwn na kha,” a ti.

JOHAN 12:41

Isai nih a rokualnâk a muh le, a thâwngthâng a sim ruangah chubang thu chu a sim asi.

THILTI 16:7

Chun, Musia ram kiangah an tlung rawh chun Bithinia ram ah lût an tum le, sikhawmsele Jisu Thlarau nih a siang lo.

ROM 8:9

Sikhawmsele, Pathian Thlarau nanmah lakah a um tatak chun taksa ah um nan si lo le, Thlarau ah um nan si dauh. Khawmsele, âukhawm Krist thlarau nei lo mi chu amah lakah mi asi lo,

GALATIA 4:6

Chun, fa nan si ruangah Pathian nih a Fapa Thlarau chu “Abba, ka Pa” ti a auh hen, kan thinlung ah a hawng fial.

2 PETER 1:21

Simkannâk thu rerêng hi, minung duh thu hen suak asi tâwn lo le, Thlarau Thenhlimh nih mang hen mi nih thu an sim tâwn asi, chu chu Pathian sin thawk hen mi thu asi.

THUPHUANG 19:10

Chun, amah chu sawnh ding hen a kebul ah ka kûn le, sikhawmsele, anih nih ka sinah, “Kha hâwi hen ti lah, kei chu nangmah unau leh Jisu thusim zâwttu tla hâwi hen to-aw kasi, Pathian lam sawnh rawh,’ a ti. Jisu nih thudik a sim mi chu khuavâng tla lakah thaw khumh hen thu sim asi.