1 Lal 5:7 - Bawm Common Language Bible Version

⁷ Hiram nih Solomon thuthanh a theih rawh chun thungâi â lâwm le, Hiram nih, “Tusûn ni ah phun rokual tak lakah mi amah ruangrûl ah lalchem siding hen fapa fing tak David rangah pêktu LALPA chu sawr hen um seh!” a ti.

1 Lal 5:7 ပူးပေါင်းရင်းမြစ်များ

GENESIS 33:5

Esau chu â hâwi le, nunau ngâksia tla chu a muh na le, “Na sinah mi minung tla hi âu tla me an si?” ti hen a deih. Jakob nih, “Ka u, hi bang tla hi Pathian ka lakah a ṭha ruangah hawng ka pêk mi asi,” a ti.

1 Lal 1:48

‘LALPA Israel Pathian chu kan sawr lai, ka thlâk tla lakah pakhat chu tusûn ni ah lalchem ah a siam le, chu chu muh tâ ding hen ka nungnâk a zuah ruangah,’ ” a ti.

1 Lal 10:9

LALPA na Pathian chu sawr hen um seh! Israel lalchem ah a nan siamtu chu na sinah um hen na tlûnah â lâwm. Israel tla rangah a zângfahnâk chu zungzâl si hen, a dân thu tla leh lâirêlnâk chu zulh kho ding hen a nan siam ruangah,” a ti.

1 Lal 3:9

Churuangah chun na mi tla chu dik tak hen lâi ka rêl kho ding hen leh a sia a ṭha lakah a dangnâk ka theih khonâk ding hen finghnâk ka herh mi hawng ka pêk rawh. Chu lo chun zeitin hi na mipi tla zeiliau zawng ah lâi ka rêl lai,” a ti.

1 Lal 4:7

Solomon nih Israel ram lakah bial lâirêltu leinih a ruat na. Chu tla nih chun an bial thawk hen lal leh a dâwngsung tla rangah eibâr an hawng pêk; minung pakhat chu kum khat sungah thla khat vima mawhphurhtu an si.

1 Lal 5:6

Churuangah chun na mi tla sidar thing hâu ding hen Lebanon ah fial na. Ka mi tla khawm an sinah an ṭuan bâk lai le, na mi tla rianṭuan man chu nangmah nih na ti zia zia ka pêk lai. Kei minung tla chu nangmah mi tla hâwi hen thing hâu an thiamlo ti na theih ko kha,” a ti.

1 Lal 5:8

Churawhchun, Hiram nih hi bang thu tla hi Solomon sinah a thanh, “Na thuthanh chu ka theih le, na ka ngiar mi hâwi hen ti ding ka tîm asi, sidar thing leh far thing tla chu kan ṭhenh lai.

SAM 137:6

Ka nan theihkumza lo hen, ka lâwmnâk chem na si ti ka ruat lo asi chun! La rerêng ka sak kho lai loh.

THUFING LASUIBU 10:1

Hi bang tla hi Solomon thufing asi: Fapa fing chu a pa nih â zûm; fapa â lam nih chun a nu a lawksawngtir.

THUFING LASUIBU 13:1

Fapa fing nih a pa nunsimh a ngâi. Sikhawmsele mi â zûm mi nih chun mawh hen â ruat lo.

THUFING LASUIBU 15:20

Fapa fing nih a pa a lawmhtir. Mi mâwl nih chun a nu rangah a zauhnawmh.

THUFING LASUIBU 23:24

Mirep pa chu lâwmnâk ding san ṭha tak a nei. Fapa fing chu putso tlâk asi.

ISAI 8:18

Hinah hin LALPA nih hawng ka pêk mi fa tla hen kan um. LALPA Zeizawng tikho, Zion Tlâng tlûnah a laltophah um mi nih chun thuchah nung hâwi hen Israel mi tla sinah hawng ka fial.

ISAI 9:6

Kan lakah ngâksia a hawng suak! Fapa pêk hen kan um! Anih chu kan lâirêltu asi lai. “Remruattu Che,” “Pathian chak,” “Zungzâl Pa,” “Remnâk Lal” an ti lai.