1 Lal 5:3 - Bawm Common Language Bible Version

³ “Ka pa David chu bânglo hen mêlma tla ram ah râltuktu asi ruangah a mêlma zawzawng tla nehnâk LALPA nih a pêk lânlo chu LALPA sawnhnâk ding hen Biakin a sak kho lo ti na theih.

1 Lal 5:3 ပူးပေါင်းရင်းမြစ်များ

1 Lal 8:19

Sikhawmsele, nang lam nih chun na sak lai loh. Nangmah sungsuak na fapa tak nih ka Biakin chu a sak lai,” a ti.

1 CHRONICLES 22:8

Sikhawmsele LALPA nih mi ka thah na mi leh râltuknâk ka tel tam tuk. Mi thisen ka suaktir mi a tamtuk ruangah a rangah Biakin hawng ka saktir siang lo.

1 CHRONICLES 28:2

David an mâika ah a dîr le, thu a sim, “Ka ram mi tla, ngâi u. LALPA Thudântuk Bâwm siah kumzanâk ding hen in sak ka duh le, chu chu LALPA kan Pathian sirhsanh asi. Amah chawnglawmhnâk ding ah Biakin sak ding ka timhtuah le,

1 CHRONICLES 28:3

sikhawmsele, kei lam chu kawrsen kasi le, thisen tam tak suahtu kasi ruangah, Biakin sak ding hawng ka siang lo.

2 CHRONICLES 9:4

A rianṭuantu umnâk mun tla, a lal in ah rianṭuantu tla leh anna thuam dân tla, dawhkân ah buh timhtuahtu to-aw ni-le-puan thuam tla, Biakin ah bâwlnâk a ap mi tla a muh ver le, chê a ti le, a ruat dân a thiamlo rê.

NEHEMIAH 5:17

Kan kiangkam ah phun an hawng mi siarlo hen, buh khêng ka dûmpi na mi vial Juda mi zâ leh sâwmnga leh an hotu tla zeiliau zawng ah buh ka pêk na.

NEHEMIAH 5:18

Nisiar hen chawchal pakhat leh dawrâ ṭha chem mi paruk leh âr tam tak ka timhtuah piak na le, ni râ dan ah uain a thar mi ka pêk vima na. Sikhawmsele, zapi minung tla nih thilrit tak an phurh nget rih ti ka theih le, churuang chun lâirêltu tingvo lawh rerêng ka êng na lo.

SAM 110:1

LALPA nih chun lalchem ka lal sinah, “Na mêlma na kezahphah tangah ka siah lânlo chu ka vawrhlei ah hin to rawh.

SAM 8:6

Na siam mi zawzawng tlûnah lâirêltu ah na siam le; thilsiam zawzawng tlûnah na siah.

MALAKI 4:3

Thil ka ti ni ah chun, misual tla chu nan neh na lai le, nan kezaphah tangah valeidip hâwi hen lamhbêk mi hâwi an si lai.

1 KORIN 15:25

A mêlma tla zawzawng a kê tangah a siah lan lo chu anih chu lal ah a um ding rêng asi.

EPHESI 1:22

Chun, thil zeizawng a kê tangah a siah le, amah chu zeizawng tlûnah lû rang ding ah kawhmi tla sinah a pêk.

DEUTERONOMY 14:5

sakhi tla, saza, mâng kêl, sazuk,

JOSUA 10:24

Josua sinah an kalpi na. Josua nih Israel mi tla zawzawng chu a sinah a kawh ver na le, a sinah kal mi hotu tla khawm a kawh na le, an keza chu lalchem tla ngâwng tlûnah thâng ding hen thu a pêk na le, chu hâwi hen an ti.