1 KORIN 9:8 - Bawm Common Language Bible Version

⁸ Chubang thu chu minung hâwi cho hen ka sim masi? Dân thu khawm nih chu tak chu a sim bâk lo mazei?

1 KORIN 9:8 ပူးပေါင်းရင်းမြစ်များ

ISAI 8:20

Nannih nih, “LALPA nih a nan sîntir na mi hi ngâi u! Mithi sawnh thiam thu ngâi lah, a nan simh na mi thu chu nan rangah zeikhawm a ṭhatnâk a um lai loh,” ti hen nan sâng ding asi.

ROM 3:31

Asi leh, lung ruangah Dân chu zeikhawm lo ah kan siam mazei? Si rîlmâl lo; Dân chu kan birhtir lehlam asi.

ROM 3:5

Sikhawmsele, kan a replonâk nih hin Pathian repnâk chu dawh khun hen a langhtir chun zeise kan sim lai? Pathian nih mi a rêp hen mi replo asi mazei? Minung ti dân hâwi hen ka sim asi.

ROM 6:19

Nan taksa ṭeng tla chu nâwmtâmnâk ah leh buarnâk ding hen buarnâk sal ah nanna pêk siang hâwi khan, tuah nan taksa ṭeng tla chu thenhlimhnâk ding hen repnâk to-aw ah pêk siang u.

1 KORIN 14:34

Kawhmi tla pumhnâk ah chun nunau tla chu dâisip hen um seh; annih lam chu an thusim siang asi loh; Juda dân nih a sim hâwi hen thu zâwt hen um dauh seh.

1 KORIN 7:40

Sikhawmsele, kei ngaihdân hen chun a umdân kêl hen a um chun a thaw a suak lai; kei khawm nih Pathian thlarau nei bâk hen ka ruat asi.

GALATIA 1:11

Chun, unau tla, Thâwngthâng Ṭha ka sim mi kha minung tla thu asi lo ti ka nan theihtir na.

1 THESALONIKA 2:13

Hi ruang hin bâng lo hen Pathian sinah lâwmthu kan sim tâwn, Pathian thu kanmah thawk hen nan theih mi, nan zûl liau khan minung thu zûl hen nan zûl lo le, Pathian thu zûl hen nan zûl dauh ruang khan; chu chu Pathian thu asi rêng, nanmah a lungtu sungah ṭuan tâwntu ber chu asi.

1 THESALONIKA 4:8

Churuangah, a siarlotu nih chun minung a siarlo asi lo le, Pathian, a Thlarau Thenhlimh a nan pêk tâwn natu siarlo mi asi dauh.