1 KORIN 9:6 - Bawm Common Language Bible Version

⁶ Asi lo chun rianṭuan lo ding hen kei leh Barnaba nih thu kan nei lo bîk mazei?

1 KORIN 9:6 ပူးပေါင်းရင်းမြစ်များ

1 THESALONIKA 2:9

Unau tla, kan rianṭuan hamhzia leh kan rianṭuan dît zia kha nan theih ko kha; nan lakah âukhawm kan rittir na lonâk ding hen a sûn a zân ṭuan hen Pathian Thâwngthâng Ṭha kan simh na tâwn kha.

THILTI 18:3

Chun, Pawl chu chu tla sinah chun a tlung bâk rawh le, chun an rianṭuan hâwi ṭuan mi asi ruangah an sinah a um le, an sinah a ṭuan tâwn, an rianṭuan chu puanin siamtu an si.

THILTI 4:36

Chun, Josef, mifial tla nih Barnaba an ti mi (chu minung min umzia chu “Fawrhtu” tinâk asi), Levi chi, Kupra mi asi.

THILTI 14:12

Chun, Barnaba chu Zeus an ti le, Pawl chu thusimtu dauh asi ruangah Hermes an ti.

THILTI 11:22

Chun, an thâwngthâng chu Jerusalem ah kawhmi um tla nâ ah chun a hawng lût rawh le; chun, Antiokei khua tiang hen Barnaba chu an fial rawh.

THILTI 13:50

Sikhawmsele Juda tla nih chun nunau zahkâi Pathian sunhsaktu tla leh khua upa tla chu an fawrh na le, Pawl leh Barnaba chu an nehsawhtir na le, an ram thawk hen an nar na rawh.

1 KORIN 11:16

Zeikhawm si sele, âuzawng êl ding hen um sele, chu hâwi dân rerêng kan nei lo, Pathian kawhmi tla khawm nih an nei lêm lo.

2 KORIN 11:8

Nanmah rian ka ṭuan khonâk ding hen kawhmi dang thawk hen lawh ka lâk le, ka suh na.

2 Lal 6:2

Jordan Va ah mi thing va hâu ding hen thu hawng kan pêk le, chu tikah umnâk ding mun kan khuar khonâk ding hen, hawng kan siang piak,” an ti. Elisa nih, “Ti ko u ma a,” a ti.

NEHEMIAH 10:36

Kan lakah fapa tîr âuzawng nih Biakin ah bâwlpu sinah kan put lai le, Dân lakah a herh mi hâwi hen Pathian sinah kan ap lai. Kan chawpê pinu nih a ring masa chem mi a chaltuai khawm kan ap lai le, kan dawrâ leh kan kêl lakah mi an fa masa chem mi khawm kan ap lai.