1 KORIN 8:9 - Bawm Common Language Bible Version

⁹ Sikhawmsele, thiamthih u, chu lo chun mah thawsuak a um khonâk hi zeitin mawh mi chak lo tla rangah tlûknâk a hawng si lebang lai.

1 KORIN 8:9 ပူးပေါင်းရင်းမြစ်များ

ISAI 35:3

Kut a zê mi rangah chaknâk pêk le, khûp chaklo thir mi sin khawm ah chaknâk pêk.

ISAI 57:14

LALPA nih, “Ka mi tla ka sinah hawng kîr na seh. An lampi khamtu chu lawnh na seh! Lampi remh hen timhtuah zet hen siam na seh!

EZEKIEL 14:3

“Thikho mi minung, hi bang minung tla hi an thinlung milem leiah an pêk le, sual leikângah milem nih a tlûktir na. Anmah ka sâng na ding hen ma an ruat?

EZEKIEL 44:12

Sikhawmsele Israel mi tla rangah milem sawnhnâk an timhtuah le, chubang hâwi thilti hen mi tla sual leikângah an kalpi na ruangah kei, LALPA Zahkâi nih rêp an si ngelchel lai ti hen thu ka tiamh asi.

LEVITICUS 19:14

Mi nasêt chu siatbarh lah le, mi mitchâw rangah a tlûknâk ding hen a mâilei ah thil siah lah; Kei, LALPA na Pathian hi hawng ka ṭih rawh.

MATHAI 18:10

“Hi bang mi mê tla lakah pakhat khawm hi zauhnawmh lo ding hen a thiamthih u; an vânmifial tla nih vân ah ka Pa vân ah mi mêl chu an muh kumza tâwn ti ka nan simh na hi.

ROM 15:1

Chun, kannih lungnâk ah mi chak tla nih hin mah lawmhnâk hâwl lo hen, mi chak lo tla ṭangpi leh ritphurh sâwng na ding asi.

1 KORIN 10:24

Âuzawng nih mah ṭhatnâk ding hâwl lo hen midang ṭhatnâk ding hâwl dauh seh.

1 KORIN 10:28

Khawmsele, âunih mawh, “Hi hi bâwlnâk asi,” ti hen a nan simh na chun a nan theihtir natu ruangah leh sia leh ṭha theihnâk ruangah ei lah u.

1 KORIN 10:29

Nanmah sia leh ṭha theihnâk ka ti lo le, midang sia leh ṭha theihnâk chu asi ka ti dauh.

1 KORIN 10:32

Kei nih mah ṭhatnâk hâwl hen ruangsuah an si khonâk ding hen mi tam tak ṭhatvaknâk hâwl dauh hen, mi zawzawng zeizawng ah ka lawmhtir hâwitê hen, Juda tla rang khawm, Phundang tla rang khawm, Pathian kawhmi tla rang khawm an tlûk phahnâk ding rerêng zeikhawm ti lah u.

1 KORIN 8:10

Nang, theihnâk nei mi, âuzawng nih ruk sawnhnâk in ah buhkhêng dûm hen a nan muh chun, annih lam chu mi chak lo hawng si na sele, an sia leh ṭha theihnâk nih chun bâwlnâk thil ei a hawng ngamh awtlo mazei?

1 KORIN 8:12

Unau le tla lakah chu hâwi thil nan tisual hen, an sia leh ṭha theihnâk chu a chaklonâk thuam ah nan liamh sual chun Krist lakah thil nan tisual asi.

1 KORIN 9:22

Chak lo tla ka luh kho na ding hen chak lo tla sinah chak lo hâwi hen ka um tâwn; zeitin mawh zeimaw mi tal ruang ka suah kho na ding hen mi zawzawng sinah zeizawng kasi rawh.

2 KORIN 11:21

Kan chak lo rawh hâwi hen sik bû hen ka sim asi. Sikhawmsele, âuzawng nih zei leikâng zawng an ngamh mi vial- â tak hen sim ko sele, kei khawm nih ka ngamh.

2 KORIN 11:29

Mi âumawh an chak lo chun kei khawm ka tuarpi bâk; mi âumawh sual ah an tlû chun lungfâk hen ka khat tâwn.

2 KORIN 6:3

Kan rianṭuan hi an sâwi lonâk ding hen zei leikâng khawm ah tlûk phahnâk ding rerêng kan siam lo le,

GALATIA 5:13

Unau tla, sal silo ding hen kawh nan si; sikhawmsele, sal nan si lonâk chu taksa rangah dêngkhâwngnâk ah mang lah ule, zângfahnâk hen rian a ṭuan piak tawnh chiau u.

KOLOSA 2:8

Thiamthih u, chu lo chun âuzawng nih Krist thu hâwi silo hen, minung thurovuih leh laikulh thlarau tla lâirêlnâk hâwi dauh hen an thufing leh perpetnâk salam hen râl lâk hen an lâk na lebang lai.

1 PETER 2:16

Thawsuak tak hen um u, nan thawsuaknâk chu zei sual tal phenhtu ah mang lah u, Pathian to-aw hâwi hen um dauh u.

2 PETER 2:19

Anmah chu râwknâk sal si bû hen, midang rangah sal suaknâk thu an simh na tâwn, âuzawng hawng kan nehtu chu sal ah hawng kan siamtu an si.

THUPHUANG 2:14

Sikhawmsele, tâwm sâwinâk ka nan nei asi, Balaam sîntirnâk thu pawmtu âu tla mawh nan umpi ruangah khan, Balaam nih chun Israel tla chu ruk sawnhnâk sa ei ding leh pung le lêngnâk ah tlûktir ding hen Balak chu a sîntir.