1 KORIN 8:6 - Bawm Common Language Bible Version

⁶ Amah sin thawk hen zeizawng a suak le, kannih khawm amah rangah um kan si; Lalpa pakhat cho Jisu Krist chu a um, amah ruangah zeizawng a um, kannih khawm amah ruang ber ah um mi kan si.

1 KORIN 8:6 ပူးပေါင်းရင်းမြစ်များ

ISAI 46:9

A lânah thil a hawng um mi chu theihkumza ule, keimah cho Pathian kasi zia theihtir u, Keimah hâwi midang âukhawm an um lo.

JEREMIA 10:6

LALPA, nang hâwi mi âukhawm an um lo; nang chu na chak le, na min chu a rokual hen thil a tikho.

JEREMIA 10:7

Phun zawzawng tla lalchem, âunih a nan zah lo lai? Nang chu zah tlâk na si. Phun tla lakah mifing zawzawng leh an lalchem tla lak khawm ah nang hâwi pakhat khawm an um lo.

JONA 1:9

Jona nih a sâng le, “Hebrai mi kasi, tual leh tipi siamtu vân Pathian LALPA sawnhtu kasi,” a ti.

MALAKI 2:10

Kan ektê hen kan pa â khat mi asi lo ma? Pathian pakhat nih hawng kan siam mi ver asi lo ma? Chu hâwi asi mi zei rangah khatlei khatlei thu kanna tiam mi chu kan râwk hen hawng kan thlâktu nih Pathian hen thudântuk an siam mi chu kan siarlo zia?

MATHAI 11:27

“Ka Pa nih thil zeizawng hawng ka kiltir rawh. Pa lo nih chun âukhawm nih Fapa hi an theih loh. Fapa leh an sinah Fapa nih a phuang duhnâk tla cho lo nih chun âukhawm nih Pa chu an theih loh.

MATHAI 28:18

Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

JOHAN 1:10

Anih chu laikulh ah a um, laikulh amah siam asi, laikulh nih amah an theih lo.

JOHAN 1:3

Zeizawng a ektê hen amah siam asi; thilsiam zawzawng hi amah siamlo zeikhawm a um lo.

JOHAN 10:30

Kei leh Pa chu pumkhat kan si,” ti hen a sâng.

JOHAN 13:13

Nannih nih ‘Sîntirtu leh Lalpa’ nan ka ti tâwn; nan dik, kasi ngâk.

JOHAN 14:20

Chu ni ah chun kei ka Pa lakah ka um mi leh, nannih keimah lakah nan um mi leh, kei nanmah lakah ka um mi nan theih lai.

JOHAN 17:3

Hi hi zungzâl nungnâk asi, nang Pathian tak cho leh na fial mi Jisu Krist theih hi.

JOHAN 20:17

Chun, Jisu nih a sinah, “Hawng ka banh lah; tu tiang khawm hen Pa sinah ka kâi lo rih asi. Sikhawmsele ka unau tla sinah va kal le, an sinah, ‘Ka Pa, nan Pa, ka Pathian, nan Pathian sinah ka kal awt,’ a ti, va ti rawh,” a ti.

THILTI 17:28

churuangah, ‘Amah ruangah kan nung, kan châng hen kan um asi.’ Nanmah lakah la phuak thiam âunih mawh, ‘Kannih khawm a thlâk tla kan si,’ ti hen an sim hâwi khan.

THILTI 2:36

“Chun, Jisu nan khenhbêk mi ngelchel kha Pathian nih Lal leh Mesia si hen a siam rawh ti Israel phun kip nih theih chiau seh,” a ti.

THILTI 5:31

Amah ngelchel kha Pathian nih Ruitu leh Ruangsuahtu rangah um ding hen a vawrhlei ah a chawnglawmh rawh, Israel tla sual rimtir ding leh ngaihdam ding hen.

ROM 11:36

Amah thawk hen leh amah ruangah leh amah sinah thil zawzawng a hawng um asi; amah sinah chun zungzâl hen rokualnâk um seh! Amen.

1 KORIN 1:2

Korin khua ah Pathian kawhmi um tla, Krist ah thenhlimhtir hen Pathian mi tla siding hen kawhmi tla sinah, ram kip ah anmah leh kanmah Lalpa Krist min lamtu zawzawng tla hen:

1 KORIN 12:3

Churuangah, âukhawm nih Pathian Thlarau ah thusim hen, “Jisu chu siat phurh asi,” an ti dahlo; chun âukhawm nih Thlarau Thenhlimh ah cho lo chun “Jisu chu Lalpa asi,” an ti kho dahlo ti ka nan theihtir na.

1 KORIN 6:13

“Ei ding tla chu paw rangah asi, paw chu ei ding tla rangah asi. Sikhawmsele, Pathian nih a tlâutir vevê lai. Chun, taksa hi pung le lêngnâk asi lo le, Lalpa rangah asi dauh; Lalpa khawm taksa rangah asi.

1 KORIN 8:4

Chun, ruk tla lakah bâwlnâk thil ei leikâng thu ah chun, ruk chu zeikhawm asi lo zia Pathian pakhat cho lo chu Pathian dang rerêng a um lo ti kan theih.

EPHESI 1:3

Kan Lalpa Jisu Krist Pathian leh Pa chu sawr hen um seh! Anih nih chun vân mun tla ah khin Krist ah chun thlarau lei malsâwm piaknâk kip hen mal hawng kan sâwm le,

EPHESI 3:14

Churuang chun, Krist chu lungnâk ruangah nan thinlung ah â chêl khonâk ding hen, a rokualnâk neih zia hâwi vima hen a Thlarau zârah minung sungril leiah chun thiltikhonâk ah chaktir hen a nan umtir na khonâk ding hen, Pa, tual leh vân ah dâwngsungkhur kip min putso mâika ah chun ka siksidîr tâwn le, chun Pathian rangtlingnâk zawng tluk hen khattir a nan um khonâk ding hen, nannih zângfahnâk ah ram thlâk leh ngauhsan nei a um hen, mi thenhlimh zawzawng hen a kauh zia, a sâu zia, a sâng zia, a thûk zia tla theihfiang khonâk, Krist zângfahnâk theih phâk lo theih khonâk nan nei kho lai.

DEUTERONOMY 4:35

LALPA nih amah cho chu Pathian a sizia leh pathian dang rêng a um lo ti theihnâk ding hen hi hi an muhtir na mi asi.

DEUTERONOMY 4:39

Churuang chun tusûn ni tiang hen theihkumza ule, philh lah u; LALPA chu tual leh vân Pathian asi. Chu lo chu pathian dang rerêng a um lo.

DEUTERONOMY 6:4

“Israel tla, hi hi theih u! LALPA, LALPA amah cho chu kan Pathian asi.

KOLOSA 1:6

Chu Thâwngthâng Ṭha chu laikulh zawzawngah rah hen a pung vima hâwi hen nan sinah a tleng kha. Chu hâwi ber hen, Epaphra kan to-aw hâwi duhtak lakah nan châwng hâwi hen, thungâi tak hen Pathian zângfahnâk chu nan ngâi hen nan theih ni thawk khan, nanmah lak khawm ah rah hen a pung vima tâwn asi.

1 PETER 1:21

Amah ruangah mithi lakah mi thawhtu leh a rokualnâk pêktu Pathian lungtu tla nan si le, nan lungnâk leh nan lungumnâk chu Pathian lakah siah thlir u.

THUPHUANG 1:18

a nung mi chu kasi, ka thi le, sikhawmsele, ngâinik, zungzâl rangah ka nung nawlh rawh asi. Thihnâk leh mithi khua tlûnah thuneihnâk chu ka nei ber asi.