1 KORIN 8:5 - Bawm Common Language Bible Version

⁵ Vân ah mawh, tual ah mawh pathian min put tla um khawmsele, chu hâwi pathian tam tak leh lalpa tam tak an um ruangah kannih rangah lam chun Pathian pakhat cho, Pa chu a um.

1 KORIN 8:5 ပူးပေါင်းရင်းမြစ်များ

JEREMIA 11:13

Juda mi tla nih khuapi tla an nei hâwi hen pathian tam tak an nei le, Jerusalem ah um mi tla nih chun khuapi ah zâwllâi tla ah um mi hâwi hen Baal pathian fihnungkâi sinah bâwlnâk ding hen mâichâm tam tak an siam.

JEREMIA 2:11

Âu phun khawm nih a tak si lah khawmsele an pathian tla an lêt dahlo. Sikhawmsele ka mi tla nih anmah zahkâitirtu Pathian chu, an rangah zeikhawm ti piak kholotu pathian tla hen an hawng ka thleng ving.

JEREMIA 2:28

“Nan rangah nan siam mi pathian tla zeiah an um? An tikho mi asi chun, nan lawksawng liauah ruang a nan suah na seh! Juda, khuapi tam tak na nei mi hâwi hen pathian tam tak na nei.

DANIAL 5:4

pathian tla, ngûn, tangka, thîr thing leh lung tla hen siam mi chu an sawr na.

MATHAI 27:17

Chun, an hawng le, Pilat nih an sinah, “Âu me an suah piak na sele nan duh? Jisu Baraba ma, Jisu Mesia an ti mi chu?” a ti.

GALATIA 4:8

Sikhawmsele a lânah Pathian nan theihlo liau khan, nan umdân lak khawm ah Pathian si lo mi sal nan si.

DEUTERONOMY 10:17

LALPA nan Pathian chu pathian zawzawng lâirêltu leh thiltikhonâk lakah Chungnungchem asi. Anih chu a chak hen a rokual le, ṭih ding mi tak asi. Mi thliar leh dang a nei lo le, nawhnâk khawm a lâk lo.

2 THESALONIKA 2:4

anih nih chun Pathian an ti mi leh an sawnh mi zawzawng do hen, an tlûnah um ding tum hen thang a ṭhattir lai: chun Pathian Biakin ah to hen Pathian hâwi rê hen â phuang lai.