1 KORIN 7:34 - Bawm Common Language Bible Version

³⁴ Pasal nei lo mi nih chun a taksa leh a thlarau ah chun thenhlimh tak hen a um khonâk ding hen Lalpa lei thil chu a lungkham tâwn; pasal nei mi lam nih chun a pasal lawmh kho zia ding hen laikulh lei thil chu a lungkham dauh tâwn.

1 KORIN 7:34 ပူးပေါင်းရင်းမြစ်များ

JOHAN 10:13

lawh a kal mi asi le, dawrâ tla a thlû-nâ lo ruangah a tektâk tâwn asi.

ROM 6:13

Nan taksa ṭeng tla khawm replonâk ruakhâu rang ding ah sualnâk ah pêk siang lah u; khawmsele, mithi lakah mi nung nawlh hâwi hen Pathian sinah a pêk ule, nan taksa ṭeng tla khawm chu repnâk ruakhâu rang ding ah Pathian sinah pêk siang dauh u.

1 KORIN 6:20

Churuangah, nan taksa hen Pathian chawnglawmh u.

1 KORIN 7:33

Nupi nei mi lam nih chun a nupi a lawmhtir kho zia ding dawn hen laikulh lei thil a lungkham bâk tâwn, a thinlung ah dawnnâk dang dang a nei tâwn.

1 KORIN 7:35

Chubang chu nanmah ṭhatnâk ding hen ka sim asi; ri hen ka nan khih kho na nâk ding hen ka sim asi lo le, umdân dawh tak hen nan um khonâk ding leh Lalpa rian chu nawk lo hen nan ṭuan khonâk ding hen ka sim dauh asi.

2 KORIN 11:28

Chun, ka sim lo mi tla khawm chu kawhmi murui zawzawng ka ruat dawnnâk nih nisiar hen hawng ka denh kumza mi hi a um fâwn.

2 KORIN 8:16

Chun, nan rangah kan ṭhanemsemsê ngaihnâk hâwi hen Tita thinlung ah pêk tâwntu Pathian sinah chun lâwmthu um seh.

PHILIPI 1:20

tu khawm ah nungnâk ruangah mawh thihnâk ruangah mawh ka taksa ah Jisu chawnglawmh hen a um dauh awt ti ka lungumnâk leh ka duhnâk hâwi vima hen.

1 THESALONIKA 5:23

Chun remnâk Pathian tak nih nan pum hen an thenhlimhtir na seh; chun, nan thlarau leh nan thinlung leh nan taksa chu kan Lalpa Jisu Krist a hawng kal tik chun simsâwi kawplo hen a pum hen hum hen um seh.

1 TIMOTHE 3:5

Mi nih amah dâwngsungkhur lâirêl men rep hen a rêl thiamlo chun Pathian kawhmi zeitin a zauhkhenh kho lai?

1 TIMOTHE 5:5

Numei tatak amah lâwng hen a um mi nih chun Pathian tlûnah lungumnâk a nei thlir le, sûn leh zân hen deih leh thlacham hen a um kumza tâwn.

TITA 3:8

“Pathian lung rawh mi nih chun thil ṭha ti vima ding hen tum seh,” ti thu hi zumh a kâi asi, chu thu chu râlṭha tak hen na sim thlir ding hen ka nan duh asi. Chubang thu chu minung tla rangah a ṭha hen mang a tlâk asi.