1 KORIN 7:32 - Bawm Common Language Bible Version

³² Sikhawmsele, lungkham nei lo hen nan um ka nan duh piak na asi. Nupi nei lo mi nih chun Lalpa lawmhtir kho zia ding dawnnâk hen Lalpa lei thil chu a lungkham tâwn.

1 KORIN 7:32 ပူးပေါင်းရင်းမြစ်များ

SAM 55:22

LALPA sinah na lawksawngnâk chu pêk le, amah nih a nan vêng lai; mi zumhkâi chu neh hen a umtir dahlo.

MATHAI 13:22

Chun, bua lingnei nâwngah vawrh mi chu, thu theihtu asi le, sikhawmsele laikulh lungkhamnâk leh neihnâk nih chun thu chu a dawrh le, rah lo hen a hawng um tâwn.

MARK 4:19

sikhawmsele laikulh lungkhamnâk tla, neihnâk tla, perpetnâk tla, thil dang duhnâk tla chu a hawng lût le, thu chu a dawrh le, rah lo hen a hawng um tâwn.

JOHAN 10:13

lawh a kal mi asi le, dawrâ tla a thlû-nâ lo ruangah a tektâk tâwn asi.

1 KORIN 7:33

Nupi nei mi lam nih chun a nupi a lawmhtir kho zia ding dawn hen laikulh lei thil a lungkham bâk tâwn, a thinlung ah dawnnâk dang dang a nei tâwn.

PHILIPI 4:6

Zei lak khawm ah lawksawng lah u; zeizawng ah thlacham leh deih hen, lâwmthusim tel vima hen, nan duhnâk tla chu Pathian sinah theihtir hen um dauh seh.

1 TIMOTHE 5:5

Numei tatak amah lâwng hen a um mi nih chun Pathian tlûnah lungumnâk a nei thlir le, sûn leh zân hen deih leh thlacham hen a um kumza tâwn.