1 KORIN 7:30 - Bawm Common Language Bible Version

³⁰ ṭap le tla chu ṭap lo hâwi hen an um khonâk ding leh â lâwm mi tla chu lâwm lo hâwi a an um khonâk ding leh châwktu tla chu nei lo hâwi a an um khonâk ding leh

1 KORIN 7:30 ပူးပေါင်းရင်းမြစ်များ

SAM 30:5

A thinrunhnâk chu sâwtlotê kar asi le, a ṭhatnâk chu damkar zawng rang asi. Zân ah chun mitthli luang khawmsele, zînglei ah chun lâwmnâk a hawng tlung.

THUSIMTU 3:4

Ngaihsiat tik leh lâwm tik a ruat. Lungfâk tik leh lâm tik khawm a ruat.

ISAI 25:8

LALPA zahkâi nih thihnâk chu a veih pawt awt rawh! Mikip mitthli chu a nâwt piak ver na lai le, laikulh pumpi ah a mi le ningzakkâi tak hen tuarnâk chu a lâk piak ving na lai. LALPA amah ngelchel nih a sim mi asi.

ISAI 30:19

Nannih Jerusalem ah um mi tla, nan ṭap lai lo rawh. LALPA chu mi siherhnâk nei mi asi le, amah ṭangpi deih hen nan auh chun a nan sâng na lai.

EZEKIEL 7:12

A tik a tlung rawh. Mikip tlûnah bang khap hen Pathian rêpnâk a tlung awt ruangah châwk leh zuarnâk duan dân a um awtlo ding mi ni a nâi rawh.

LUK 16:25

“Sikhawmsele, Abraham nih, ‘Ka fapa, nangnih na dam liau khan thil ṭha na ting le, chu hâwi ber hen Lazar nih thil ṭhalo â ting mi kha theih rawh; sikhawmsele, tuah anih chu hinah lungngam tak hen a um le, nang lam chu na hamh makha.

LUK 6:21

“Nannih tu ah sungvâng tla, nan thaw a suak, nan khim awt ruangah! “Nannih ṭap le tla, nan thaw a suak, nan ni awt ruangah!

LUK 6:25

“Nannih tuah khim mi tla, nan tlûn a pit! Nan sung a vâng awt ruangah. “Nannih tuah nih-le-khêk mi le tla, nan tlûn a pit! Ngaihsia hen nan ṭap awt ruangah.

JOHAN 16:22

Chun, tu ah nan lawksawng le, sikhawmsele ka nan muh nawlh na lai, nan thinlung â lâwm lai le, nanna lâwmnâk chu âukhawm nih an lâk piak na lai loh.

1 KORIN 7:29

Sikhawmsele, unau le tla, hi hi ka ti asi: tu thawk chun nupi nei tla chu nei lo hâwi hen an umnâk ding hen leh

1 KORIN 7:31

laikulh mangtu tla chu mang tuk lo hen an um khonâk ding hen tik hi tâwitir hen a um asi; hi laikulh umdân hi a dawngh lei rawh asi.

THUPHUANG 18:7

A rokualtir hen nuam a chenh zia hâwitê hen, tuarnâk leh lawksawngnâk pêkrûl bâk u. A thinlung hen chun, Lalnu kasi, numei kasi lo, lawksawngnâk rerêng ka tawng lai lo, a ti asi.

THUPHUANG 7:17

Laltophah lâiah a um mi Dawrâ Fa chu an vêngtu asi lai le, nungnâk tiva ah a kalpi na lai; chun, Pathian nih an mit ah mi mitthli zawzawng a nâwt piak na lai,” a ti.