1 KORIN 6:9 - Bawm Common Language Bible Version

⁹ Asi chun, mirep lo tla nih chun Pathian Ram an luah lai loh ti nan theih lo masi? Perpet hen um lah u; pung-le-lêng mang tla mawh, ruk sawnh tla mawh, ṭângdang pawmtâktu tla mawh, mi hur tla mawh, tawkua hur tla mawh,

1 KORIN 6:9 ပူးပေါင်းရင်းမြစ်များ

GENESIS 19:5

Lot chu an auh le, “Tuzân ah na in ah riak ding hen an hawng mi minung tla kha zeiah an um? Kan sinah hawng suah na!” an ti. Sodom khua mi tla nih pung na ding an tum.

EXODUS 23:1

“Thu vâivuan diklo chu zanh lah, thu diklo sim hen misual ṭangpi lah.

THUFING LASUIBU 11:1

Khîng diklo mangtu tla chu LALPA nih a hua. Khing dik tak chu LALPA nih a lawmh.

THUFING LASUIBU 22:8

Diklonâk chî na tuh chun, siatnâk a hawng um lai le, midang rangah na nâunehnâk a dawng lai.

THUFING LASUIBU 7:27

A in ah na kal chun laikulh thihnâk lampi ah kal mi na si. Tu ko ah thihnâk nâi chem asi.

ISAI 55:7

Misual tla nih an umdân sual tla bângtâk na sele, an thinlung dawn lêt na seh. LALPA kan Pathian leiah hawng a hawi na seh; anih chu mi khuaruat leh ngaihdam sawmtu asi.

EZEKIEL 18:11

Mi thenhlimh thlân ah bâwlnâk ap khap mi tla ei hen midang nupi tla a lêm.

LEVITICUS 18:20

Midang nupi ihpi lah; chu nih chun dân hâwi hen a nan nâwmtir lai.

LEVITICUS 18:22

Mipa leh mipa âukhawm anna pung ding asi lo, chu chu Pathian nih a hua asi.

LEVITICUS 19:15

“Dân lakah thu na thlûk mi lakah zumhkâi rawh. Mi pâm rang khawm ah sunhsak khun lah le, minei khawm ṭih khun lêm lah.

LEVITICUS 20:13

Mipa leh mipa anna pung chun thil nâwmtâm an ti mi asi, an panih hen thah na ding asi. An thihnâk chu anmah mawh asi.

ZEKARIA 5:3

Churawhchun, anih nih, “Chu lakah chun, ram pumpi tlûnah siat kal ding mi â rîn. Lasuibuzual sîr khatlei nih chun, ‘Ram lakah mifîr zawzawng tlâutir hep an si lai’ ti a sim, khatlei sîr nih chun ‘Âwkrâwl hen siat tleihtu vial chu lâk phin asi lai’ ti a sim ber.

MATHAI 19:29

Chun, mikip, in tla mawh, unau tla mawh, farnu tla mawh, pa mawh, nu mawh, fa tla mawh, ram tla mawh, ka min ruangah kaltâktu zawng nih chun a leh zâ a tawng lai le, zungzâl nungnâk anna ting lai.

MATHAI 25:34

Chu tikah chun Lalchem nih chun a vawrhlei ah mi tla sinah, ‘Ka Pa malsâwm mi tla, hawng ule, laikulh siam tîr thawk hen nan rangah Ram timhtuah mi chu a ting u.

LUK 21:8

Chun, anih nih chun, “An perpet na lonâk ding hen a thiamthih u. Mi tam tak nih, ‘Amah chu kasi, a tik a tlung rawh,’ ti hen, keimah min sâl hen an hawng lai; chu minung tla chu zûl lah na u.

THILTI 20:32

“Tuhin Pathian leh a zângfahnâk thu ah ka nan kiltir na hi, chu nih chun a nan ṭhangtir kho na lai, mi thinlung thenhlimh tla lakah malsawmnâk a nan neitir kho na lai.

THILTI 24:25

Chun, Pawl nih chun repnâk thu tla, sûmnâk thu tla, lâirêlnâk hawng um ding mi thu tla chiamcheriam hen a sim liauah Felik chu thungâi a lâu le, “Kal ko rih, a dêngkhâwng tik zawng ah ka nan kawh lai,” a ti.

ROM 1:18

Thutak rep lo tak a khamtu tla Pathian sunhsaklonâk leh replonâk zawzawng tlûnah vân thawk hen Pathian thinthawknâk a hawng lang asi.

1 KORIN 15:33

Perpet hen um lah u; hâwi sual tla nih chun nunchan ṭha an râwk tâwn.

1 KORIN 15:50

Unau le tla, taksa leh thisen nih hin Pathian Ram chu a luah kho lai loh; thû kho nih hin thû kho lo chu a luah kho lai loh ti ka sim asi.

1 KORIN 3:16

Pathian in nan si ti leh Pathian Thlarau nanmah lakah a um kumza ti nan theih lo mazei?

1 KORIN 5:1

Nan lakah pung le lêngnâk a um ti thu a thang chiam asi. Chu hâwi pung le lêngnâk chu Phundang tla lak khawm ah a um lo mi, nan lakah mi pakhat nih a nu-ei a umpi kha.

1 KORIN 5:10

Kha laikulh ah pung-le-lêng mang tla mawh duhlei leh lêp mang mawh, ruk sawnhtu tla mawh lam chu kawmh lo thlo ding ka ti mi asi lo; chu hâwi si sele chu laikulh thawk hen suak ding nan si awt asi.

1 KORIN 5:11

Tu lam chun âuzawng unau min put ṭung hen pung-le-lêng mang mi mawh, mi duhlei mawh, ruk sawnh mi mawh, mi fâi mang mawh, zûrît mang mawh, lêp mang mawh hawng sele kawmh lo ding hen nan sinah ka rîn asi; chu hâwi mi sinah chun ei khawm ei lo ding hen.

1 KORIN 6:10

fîr mang tla mawh, mi duhlei tla mawh, zûrît mang tla mawh, fâi mang tla mawh, lêp mang tla mawh khawm nih Pathian ram an luah lai loh.

1 KORIN 6:18

Pung le lêngnâk hi tektâk u. Minung thil tisual zeizawng hi taksa lênglei ah asi; pung-le-lêng mang chu amah taksa tlûnah thilsual a ti asi.

1 KORIN 6:19

Asi chun, nan taksa chu nan sungah um Pathian sinah mi nan tawng mi Thlarau Thenhlimh in asi ti nan theih lo masi? Mah tâ khawm nan si lo le, man hen châwk nan si rawh asi.

1 KORIN 9:24

Tekzuam tla chu an ektê hen an tek le, sikhawmsele pakhat cho nih lâwmman a tawng ti nan theih lo mazei? Nan tawng khonâk ding hen chu hâwitê hen tek u.

2 KORIN 12:21

ka hawng kal tikah ka Pathian nih nan lakah a hawng ka mualphoh nawlh hen, a lân thilsual titu tla lakah thil nâwmtâm ti tla, a duh mi tla, hur tla ching hen rim lo mi, mi tam tak tla chu ka ṭappi na lai ti ka ṭih asi.

GALATIA 6:7

Perpet hen um lah u; Pathian chu zauhnawmh kho mi asi lo; mi nih a tuh mi vial chu lîlâ chu a ât awt ruangah.

DEUTERONOMY 22:22

“Mi midang nupi a pung liauah an tleih chun, an panih hen thah na ding asi. Chu hâwi hen sualnâk chu veih ding asi.

DEUTERONOMY 22:5

“Nunau nih mipa nipuan â ruk ding asi lo, mipa khawm nih nunau nipuan â ruk ding asi lo; LALPA nan Pathian nih chu hâwi titu chu a hua asi.

DEUTERONOMY 23:17

“Israel lakah mipa mawh nunau mawh anna zuar ding asi lo.

KOLOSA 3:5

Chun, nan taksa ṭeng tual a um tla hi thah u, duhnâk, nâwmtâmnâk, hurnâk, duhnâk sual, duhlei hamkah tla hi, hamkahnâk hi ruksawnhnâk asi;

HEBRAI 12:14

Mi zawzawng hen remnâk leh thenhlimhnâk nei ding hen a ṭang u, chubang thenhlimhnâk lo hen âukhawm nih Lalpa an muh lai loh.

HEBRAI 12:16

Âukhawm hur hen Esau hâwi hen taksa mi si hen, fapa upa dauh sinâk buh busuan khat ah zuartu nan si lonâk ding hen a thiamthih u.

HEBRAI 13:4

Mi zawzawng lakah umhnâk hi chawnglawmh hen um seh, nupi pasal khawm zumhkâi tawnh hen um seh. Hur leh ṭângdang pawmtu tla chu Pathian nih lâi a rêl lai.

JEM 1:16

Ka unau duhtak tla, perpet hen um lah u.

1 JOHAN 3:7

Fa le tla, âu perpet hen khawm um lah u, Jisu Krist â rep hâwi hen thil dik titu chu â rep asi.

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.

THUPHUANG 22:15

Lênglei ah chun, ui tla, dâwithiam tla, pungmang tla, milem sawnhtu tla, âwkrâwl sunhsaktu tla leh âwkrâwl sim mang tla chu an um lai.

LÂIRÊL 19:22

Chu hâwi hen lâwm tak hen an um liauah chun khua sungah mi mi hur pungmang tla nih in sung an hawng kulh le, inkhâr chu an hawng dêng rawh. Tarpa rangah chun, “Na in ah khua leiah tlung ding mi mipa kha hawng suah. Amah pung ding kan duh!” an ti.