1 KORIN 6:2 - Bawm Common Language Bible Version

² Asi chun, mi thenhlimh tla nih chun laikulh lâi an rêl awt ti nan theih lo masi? Chun, laikulh men hi a lâi nan rêl awt asi chun thil mê chem tla khawm chu lâirêl tlâklo ma nan si ne?

1 KORIN 6:2 ပူးပေါင်းရင်းမြစ်များ

SAM 49:14

thihnâk chu anmah ruitu asi. An in thawk hen lât takah thihnâk nih a râwk sawm mi hâwi hen mirep tla nih an neh na lai!

DANIAL 7:18

Chungnungchem Pathian mi tla nih lal thiltikhonâk anna ting kumza lai rawh,” a ti.

DANIAL 7:22

A nung kumza mi chu a hawng le, Pathian mi tla sunhsaknâk ruangah lâirêlnâk thu a hawng sim. Pathian mi tla nih lal thiltikhonâk anna ting ding mi tik a hawng tlung rawh.

ZEKARIA 14:5

Chu tlâng panih tivakuam a ṭhen phawknâk hen nan suak lai. Juda lal Uziah san ah lî ninh liauah an thlâk natu an tek mi hâwi hen nan tek lai. LALPA ka Pathian chu a vânmifial tla zawzawng put hen an hawng lai.

MATHAI 19:28

Chun, Jisu nih an sinah, “Thungâi tak hen ka nan simh na, Siamtharnâk ah chun Minung Fapa a rokualnâk tophah ah a to tikah, nannih hawng ka zûltu tla hi, Israel phun leinih tla chu lâirêl hen, laltophah leinih lakah nan to bâk teh lai.

ROM 6:16

Si lo e; âu sin zawng ah an thu zâwt ding hen to-aw ah nan lût chun, thihnâk rê hen sual to-aw mawh, repnâk rê hen thu zâwt to-aw mawh, a thu zâwt hen to-aw nan si ti nan theih lo mazei?

1 KORIN 1:20

Mi fing chu kha zeiah me? Mi thiam chu kha zeiah me? Hi laikulh ah êltu chu kha zeiah me? Pathian nih laikulh finghnâk hi âtkâi asi ti a theihtir lo masi?

1 KORIN 1:21

Pathian finghnâk ah chun laikulh nih a finghnâk mang hen Pathian an theih kho lo nûnah thusim âtkâi mang hen a lungtu tla ruangsuah chu Pathian nih, “Thungâi ṭha” a ti.

1 KORIN 6:4

Chun, thu rêl ding nan nei chun kawhmi tla lakah mawhphurhtu silo mi tla chu nan rêltir na tâwn mazei?

2 KORIN 4:18

Thil muh kho tla hi zauh lo hen, thil muh kho lo tla chu kan zauh dauh ruangah; thil muh kho tla hi sâwtlotê rang ding asi le, thil muh kho lo tla lam chu zungzâl rang ding asi.

1 THESALONIKA 3:13

Chun, kan Lalpa Jisu a mi thenhlimh zawzawng tla hen a hawng kal tikah, kan Pathian leh kan Pa mâika ah nan thinlung tla thenhlimhnâk leikângah simsâwi kawplo hen a nan birhtir kho na lai.

THUPHUANG 20:4

Chun, laltophah tla ka muh le, a tlûnah mi an to le, an sinah lâirêlnâk an pêk na le, chun, Jisu theihtirnâk thu ruangah leh Pathian thu ruangah lû tan hen an thi mi thlarau tla leh sarâng leh a lem mâimûk lo hen, an chal ah mawh, an kut ah mawh singsiahnâk neilotu tla thlarau khawm ka muh le, chubang tla chu an nung le, Jisu Krist hen kum sâng khat lâi an rêl.

THUPHUANG 3:21

A nehtu vial chu ka laltophah ah ka sinah ka totir lai le, kei khawm nih ka neh le, ka Pa sinah a laltophah ah ka to hâwi hen.