1 KORIN 5:8 - Bawm Common Language Bible Version

⁸ Churuangah, kanna kût lai, thilnu li a kût lo hen, nunsiat leh sualnâk ah kût lo hen, thilnu tel lo hen taknâk leh diknâk sang hen kanna kût lai.

1 KORIN 5:8 ပူးပေါင်းရင်းမြစ်များ

SAM 32:2

Perpet mang lo leh LALPA nih mi diklo hen a ruat lo mi chu a lâwptlo.

SAM 42:4

A lânah mi zapi tla hen Pathian in leiah kan kal liau tla, zapi lâwptlo tla la sak leh Pathian sawr hen an âu mi tla ka theih zâwn chun ka thinlung a fâk tâwn.

EXODUS 12:15

LALPA nih, “Ni sarih kar chu thilnu telh mi sang rerêng nan ei ding asi lo, thilnu tel lo mi karo nan ei ding asi. A ni khat ni ah nan in ah mi thilnu zawzawng nan thenh ver ding asi. Âuzawng nih ni sarih karah thilnu telh mi sang a ei chun, ka minung ah rêlsih asi lai lo.

EXODUS 12:19

Ni sarih kar chu nan in sung khur ah thilnu rerêng nan siah ding asi lo. A ram mi nih mawh ramdang mi nih mawh thilnu telh mi sang a ei chun ka minung lakah rêlsih kho asi lai loh,” a ti.

EXODUS 12:8

Chu zân ah chun sâ chu an em lai le, an nah khâ mi thilnu telh lo sang hen an ei ding asi.

EXODUS 13:6

Ni sarih kar chu sang thilnu telhlo nan ei lai le, a ni sarihnâk ah LALPA zahnâk kût asi lai.

EXODUS 13:7

Ni sarih kar vial chu sang thilnu telh mi rerêng nan ei ding asi lo, nan ram sungah thilnu mawh thilnu telh mi rerêng nan siah ding asi lo.

ISAI 25:6

LALPA Zeizawng tikho nih hi Zion Tlâng tlûnah hin laikulh phun zawzawng rangah puai, buh ei ding mi ṭha chem leh uain ṭha chem mi hen puai a tuah awt.

ISAI 30:29

Sikhawmsele, nannih Pathian mi tla, zân puai thenhlimh ah nanna lâwm hen la nan sak mi hâwi hen nan lâwptlo lai. Israel Vêngtu LALPA Biakin leiah tumphung theikhang tla hen lâwm tak a kal mi hâwi hen nan um lai.

LEVITICUS 23:6

A ni leinga ni ah chun Sang Thilnu Telh loh Kût dawmh u, ni sarih kar vial chu sang thilnu telh mi nan ei ding asi lo.

MATHAI 16:12

Churawhchun, sang thilnu lakah a thiamthih ding hen a simh na lo le, Farisai leh Sadukai tla sîntirnâk lakah thiamthih ding hen anmah a ti dauh na ti an theih rawh.

MATHAI 16:6

Chun, Jisu nih an sinah, “Farisai tla leh Sadukai tla thilnu lakah chun a vêng ule, a thiamthih u,” a ti.

MARK 8:15

Chun, anih nih chun an sinah, “Farisai tla leh Herod thilnu lakah chun a vêng ule, a thiamthih u,” a ti thlir.

LUK 12:1

Chu liauah, mi zapi tam tak lamh chukmâk rê hen an hawng a pûm rawh chun, Jisu nih a masa chem hen a ṭhiruai tla sinah, “Farisai tla thilnu perpetnâk lakah chun a thiamthih u.

JOHAN 1:47

Jisu nih Nathanael a sinah a hawng mi a muh le, a thâwngthâng a sim le, “Zauhnik u, Israel mi tak ngamlêmnâk rerêng nei lo hi,” a ti.

1 KORIN 3:3

taksa mi nan si kumza rih ruangah. Nan lakah nahsuahnâk leh êlnâk a um tâwn ruangah hin taksa mi si hen minung hâwi hen nan um asi lo mazei?

1 KORIN 5:1

Nan lakah pung le lêngnâk a um ti thu a thang chiam asi. Chu hâwi pung le lêngnâk chu Phundang tla lak khawm ah a um lo mi, nan lakah mi pakhat nih a nu-ei a umpi kha.

1 KORIN 5:6

Nanna zûmnâk hi a ṭhalo. Thilnu tâwmtê nih sang tlang chu a pum hen a zunh hep tâwn ti nan theih lo masi?

2 KORIN 1:12

Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

2 KORIN 2:17

Mi tam tak nih Pathian thu hi mi tla perpet hen sawlehnâk ah an mang hâwi hen kannih nih chun kan mang lêm lo; thungâi tak hen, Pathian fial hen, Pathian mitmuh hen Krist ah chun thu kan sim tâwn.

2 KORIN 8:8

Thupêk kâng hen ka sim lo le, midang ṭhanemsemsê ngâinâk hen nanna zângfahnâk dik zia khawm chu nik ding hen ka sim mi asi.

EPHESI 6:24

Kan Lalpa Jisu Krist chuai lo hen a zângfahtu zawzawng tla sinah dâwtnâk um seh.

DEUTERONOMY 16:16

“Nan phun ah minung zawzawng sawnhnâk mun pakhat ah LALPA sawnh ding hen kum khat ah veithum nan kal ding asi: Kalkanh kût, Fângzûn kût leh Basâ Kût liau tla ah.

DEUTERONOMY 16:3

Chu buh chu nan ei tikah sang thilnu telh mi hen nan ei ding asi lo. Aigupta ram nan mâk awt liauah mawhsareh nan ei hâwi khan ni sarih chu sang thilnu telhlo mi nan ei ding asi. Chu sang nan ei ding mi chu- tuarnâk sang ti asi lai. Aigupta ram thawk hen nan hawng suak hen, chu ram chu tuarnâk ram asi ti nan damsung zawzawngah nan theih khonâk ding hen.

JOSUA 24:14

Josua nih thu a sim vima le, “Churawhchun, tuah, LALPA chu zah ule, zumhkâi tak leh rinh tlâk hen a rianṭuan u. A nan thlâk natu leh pathian tla Mesopotamia leh Aigupta ram ah an sawnh mi tla lakah mi chu a lêt ule, LALPA amah rian chu ṭuan u.

1 PETER 4:2

Churawhchun, tu thawk hen chun minung duh dân silo hen, taksa ah nan um kar zawng chu Pathian duhzia hen nan um ding asi.