1 KORIN 5:7 - Bawm Common Language Bible Version

⁷ Thilnu telh lo mi nan si hâwi ber hen sang tlang thar nan si khonâk ding hen thilnu li chu thianh u. Kan Kalkanh Kût khawm an thah rawh asi, Krist ngelchel chu.

1 KORIN 5:7 ပူးပေါင်းရင်းမြစ်များ

EXODUS 12:15

LALPA nih, “Ni sarih kar chu thilnu telh mi sang rerêng nan ei ding asi lo, thilnu tel lo mi karo nan ei ding asi. A ni khat ni ah nan in ah mi thilnu zawzawng nan thenh ver ding asi. Âuzawng nih ni sarih karah thilnu telh mi sang a ei chun, ka minung ah rêlsih asi lai lo.

MATHAI 13:33

Tahṭhimh thu dang an sinah a sim nawlh le: “Vân Ram chu thilnu nunau nih a lâk le, sangvut seah thum lakah a ektê hen zunh ver tiang hen a phûm mi hâwi chu asi,” a ti.

MARK 14:12

Chun, Sang Thilnu telhlo Kût, ni masa chem, Kalkanh Kûtnâk dawrâ fa an thah tâwnnâk ni ah chun, a ṭhiruai tla nih a sinah, “Kalkanh Kût buh na ei khonâk ding hen kha zeiah va timhtuah sele na duh?” an ti.

JOHAN 1:29

Chun, a thâituan ah chun Johan nih Jisu a sinah a hawng kal mi a muh. Chun a sim le, “Zauhnik u, Pathian Dawrâ Fa laikulh sual kalpitu ding khi!

JOHAN 1:36

chun, Jisu kal liau a zauh le, “Zauhnik u, Pathian Dawrâ Fa khi,” a ti.

JOHAN 19:14

Chun, chu ni chu Kalkanh Kût Timhtuah ni asi le, nî sunh liau ding asi. Chun, anih nih chun Juda tla sinah, “Zauhnik u, nan Lalchem hi!” a ti.

ROM 3:25

Pathian dawnhkhonâk ah tuan liauah sual tla ngaihdam hen a um ruang khan, Pathian nih amah rep zia zauhtirnâk ding hen Krist Jisu chu a thisen ah, lung ruangah sual thutluang vawrnâk ah a ruat.

1 KORIN 10:17

Kannih mi tam tak hi sang tlang khat taksa pumkhat kan si hi; kan ektê hen sang tlang khat ah mi kanna ting chiau asi.

EPHESI 4:22

“A lânah nan umdân leikângah minung li bumnâk duhnâk hâwi a râwk dadauh kha lît ule,

THUPHUANG 5:12

“Dawrâ Fa thah rawh mi hi, thiltikhonâk tla, neih leh siahnâk tla, finghnâk tla, chaknâk tla, chawnglawmhnâk tla, rokualnâk tla, malsâwmnâk tla tawng tlâk asi,” ti hen la an sak.