1 KORIN 4:8 - Bawm Common Language Bible Version

⁸ Tu thawk hen nan khawp rawh, tu thawk hen nan nei rawh, kanmah tel lo hen nanmah lâwng hen nanna lal rawh asi hi: lal tatak ule ka duh asi, kannih khawm nih nanmah tla hen kanna lal khonâk ding hen.

1 KORIN 4:8 ပူးပေါင်းရင်းမြစ်များ

THUFING LASUIBU 13:7

Zeimaw mi chu minei hâwi hen anna tuah le, sikhawmsele zeikhawm an nei lo. Midang nih mipâm hâwi anna tuah le, sikhawmsele vânṭhatnâk anna ting.

THUFING LASUIBU 25:14

Mi pêk ding hen thu tiamh hen pêklotu chu, vândâwm leh thli-ruah sûr lo mi hâwi asi.

ISAI 5:21

Râwk leh siat hen na um rawh! Fing leh theih hen na ruat.

JEREMIA 28:6

“A chê a! Hi hi LALPA nih a ti ding ka lungum! Babulon thawk hen Biakin ah mi thil-le-rî zawzawng leh mi zapi tla tleih hen an kalpi na lai na ti mi chu asi ngelchel lai ti ka lungum.

NUMBER 11:29

Mosi nih a sâng le, “Ka duh mi hi na duhzia ma? LALPA nih hi mi zapi tla hi khuavâng hâwi hen âu ding hen a thlarau pêk chiau na sele ka duh asi,” a ti.

MATHAI 5:1

Chun, Jisu nih mi zapi tla chu a muh na rawh chun tlângah a kâi le, a to le, a ṭhiruai tla a sinah an hawng kal le;

LUK 6:25

“Nannih tuah khim mi tla, nan tlûn a pit! Nan sung a vâng awt ruangah. “Nannih tuah nih-le-khêk mi le tla, nan tlûn a pit! Ngaihsia hen nan ṭap awt ruangah.

THILTI 26:29

Chun, Pawl nih chun, “Sâwt seh sâwt lah seh, nangmah cho ka ti lo, tusûn ka thu theihtu zawzawng khawm hi keimah hâwi a um ding hen Pathian sinah ka deih asi, rêng lam chu khimh lo hen,” a ti.

ROM 12:3

Pathian nih a ka pêk mi zângfahnâk ruangah hin nan lakah âukhawm mah umdân tâwk nûnlêm ah sung-û tir lo hen, Pathian nih mikip sinah lungnâk tâwk a pêk hâwi vima hen rep tak a ruat dauh ding hen ka nan ti chiam na.

1 KORIN 1:5

Zeizawng ah thusim kip ah leh theihnâk kip ah amah lakah chun neihtir hen nan um mi thu ah khan;

1 KORIN 4:18

Chun, kei nan sinah hawng kal lo rawh ding hâwi hen nan ruat ruangah zeimaw mi nanna zûm asi.

1 KORIN 5:6

Nanna zûmnâk hi a ṭhalo. Thilnu tâwmtê nih sang tlang chu a pum hen a zunh hep tâwn ti nan theih lo masi?

2 KORIN 11:1

Ka ât dauhnâk ah hin nannih nih nanna dawnhkho ding hen ka duh chiam e! Asi, dawnh khawm nanna dawnhkho ngâk e!

2 KORIN 13:9

Kannih kan chak lo liau khawm ah nannih nan chak chun kanna lâwm tâwn asi; hi hi kan deih tâwn; nanmah ṭhat rangtlingnâk hi.

GALATIA 6:3

Mi zei silo pet hen mi lian dauh ah â ruat chun mah â perpet mi asi.

PHILIPI 1:27

Zeikhawm si sele, nan umdân chu Krist Thâwngthâng Ṭha hen a êp ta seh, chun, nanmah tla an veh na khawmsele, nan sinah um lo khawmsele thlarau munkhat ah dîr thlir hen thinlung munkhat ah Thâwngthâng Ṭha lungnâk thu chu ṭanh leh ṭuan dut hen,

PHILIPI 2:12

Chun, ka duhtak tla, thu nan zâwt kumza hâwi khan, ka um liau cho ah ṭuan lo hen, tu ka um lo kar hin ṭuan dauh lehlam hen, lâu leh thir bû hen nanmah ruangsuahnâk ṭuan u;

THUPHUANG 3:17

‘Ka nei le, sum leh pâi ka chawng le, zeikhawm ka samphâng lo,’ na ti le, sikhawmsele, mi ngâkṭah tak leh zângfah kâi tak na si zia tla, na pâm zia leh takkaro leh mitchâw na si zia na theih lo asi.

THUPHUANG 5:10

Kan Pathian rianṭuan ding hen Lalram bâwlpu ah na siam na rawh, chun, tual ah chun lâi an rêl lai,” ti hen la thar an sak rawh.