1 KORIN 4:7 - Bawm Common Language Bible Version

⁷ Nang âunih me a nan ti bîk? Na ting lo mi chu zei me na nei? Na ting asi chun zei rangah ting lo hâwi hen na sawr phah?

1 KORIN 4:7 ပူးပေါင်းရင်းမြစ်များ

THUFING LASUIBU 2:6

Finghnâk pêktu chu LALPA asi le, theihnâk leh theihthiamnâk chu amah thawk hen mi asi.

EZEKIEL 29:3

Hi hi LALPA Zahkâi nih Aigupta lalchem sinah thu a sim mi chu asi: Kei chu na mêlma kasi le, nang chu tiva ah bawk mi tisârtâm lian tak na si. Nile va chu nang mah siam mi leh na tâ hen na sim.

DANIAL 5:18

“Pathian rokual nih na pa Nebukadnezar chu lal rokual takah a siam le, zahkâinâk leh lalnâk a pêk.

DANIAL 5:23

Vân ah mi Lalpa duh lo kâng hen thil na ti le, a Biakin ah mi hâi leh khêng tla na lâk, nang, na milian tla, na nupi tla, na nupisûn tla hen uain dinnâk ah nan mang le, pathian tla, ngûn, tangka, dâr, thîr, thing leh lung hen siam mi muh kho lo mi, zeikhawm theihlo mi pathian tla nan sawr. Sikhawmsele, na thih leh na dam thu ah thuneitu leh thil na ti mi zeizawng lakah thuneitu Pathian chu na zah lo.

LUK 19:13

A kal awt ah a to-aw parâ a kawh na le, an sinah ngûn tangka pakhat seng a pêk na le, an sinah, ‘Ka hawng tlung nawlh lânlo chu hi hen sawleh u,’ a ti.

JOHAN 1:16

A rangtlingnâk kanna ting chiau, zângfah nûnah zângfah singsuannâk hen,

JOHAN 3:27

Johan nih a sâng le, “Minung nih zeikhawm a nei kho lo, vân ah mi pêk asi lo chun.

ROM 1:5

A min ruangah lungnâk chu phun kip lakah mi lungtir hen, amah ruangah chun, zângfahnâk leh mifial sinâk ka ting rawh.

ROM 12:3

Pathian nih a ka pêk mi zângfahnâk ruangah hin nan lakah âukhawm mah umdân tâwk nûnlêm ah sung-û tir lo hen, Pathian nih mikip sinah lungnâk tâwk a pêk hâwi vima hen rep tak a ruat dauh ding hen ka nan ti chiam na.

ROM 12:6

Zângfahnâk hawng kan pêk hâwi vima hen thilthawt pêk dang dang kan nei chiau le, thusim ding asi chun, kan lung tâwk hâwi vima hen kan sim lai;

1 KORIN 15:10

Sikhawmsele, Pathian zângfahnâk ruangah ka siding mi chu kasi rawh; chun a zângfahnâk hawng ka pêk mi thu a thawt hen a um lo; chu hâwi ngâk hen anmah tla zawzawng ngâk hen a ṭuan ka hamh dauh kha. Sikhawmsele, keimah nih ka ṭuan lo le, Pathian zângfahnâk ka sinah um mi nih khan a ṭuan dauh asi.

1 KORIN 3:5

Apolo chu zei me asi? Pawl khawm chu zei me asi? Rianṭuantu nanmah tla a nan lungtir natu cho an si, chu khawm chu Lalpa nih a pêk na vevê mi hâwi vima asi.

1 KORIN 5:6

Nanna zûmnâk hi a ṭhalo. Thilnu tâwmtê nih sang tlang chu a pum hen a zunh hep tâwn ti nan theih lo masi?

1 KORIN 7:7

Sikhawmsele, mi zawzawng keimah hâwi hen um sele, ka duh asi. Khawmsele, mikip nih Pathian sin thawk hen thilpêk mah tawng zia an nei chiau asi, pakhat nih kâng dang hen, pakhat khawm nih kâng dang nawlh hen.

JEM 1:17

Thilpêk ṭha leh thilpêk rangtling chu vân lei chêu tla siamtu Pathian thawk hen suak mi ver an si, â dang lo le, mûi ah khawm â chang lo.

1 PETER 4:10

Mi kip nih thilpêk nan tawng mi chu Pathian zângfahnâk zauhkhenhtu tla hâwi hen, midang tla ṭhatnâk ding hen ti u.