1 KORIN 4:5 - Bawm Common Language Bible Version

⁵ Chun, a hun lânah hin zeikhawm nik lah u, Lalpa a hawng kal lânlo chu. Anih nih chun mûi thil thup tla chu chêu ah a hawng suah lai le, thinlung ah tum mi khawm chu a hawng langh lai; chu tikah chun mikip nih Pathian lakah chun mah ting tâwk ah sawr an lawh chiau lai rawh.

1 KORIN 4:5 ပူးပေါင်းရင်းမြစ်များ

JOB LASUIBU 12:22

Chêunâk chu mûi thahtu ding hen a hawng fial.

THUFING LASUIBU 12:8

Theihthiamnâk nei mi na si chun, sawr na lawh lai le; mi mâwl na si chun, mi nih a nan zauhnawmh lai.

THUSIMTU 11:9

Seino tla, Seino nan si liauah a lâwm u. Seino na si liauah a lâwm rawh. Ti ding na duh mi chu ti le, na thinlung duh thu hâwi hen um rawh. Sikhawmsele, na thilti zawzawng chu Pathian nih lâi a rêl awt ti theihkumza rawh.

THUSIMTU 12:14

Pathian nih thil kan ti mi zawng ah lâi a rêl awt le, a sia mi khawm a ṭha mi khawm, a thup hen thil ti mi tla khawm.

JEREMIA 16:17

An thilti zeizawng ka muh ver. Kei lakah zeikhawm thuh mi a um lo; an sual tla ka muh lo mi zeikhawm a um lo.

JEREMIA 23:25

Khuavâng tla nih ka min hen âwkrâwl thu an sim le, an mang leiah thuchah ka pêk na mi ti hen an sim.

HOSEA 8:13

Ka sinah bâwlnâk an ap le, bâwlnâk sa chu anmah nih an ei. Sikhawmsele kei LALPA nih ka lawmh na lo, tu chun an sualnâk chu theih hen anmah ka rêp na lai le, Aigupta ram leiah ka kîrtir ving na awt!”

MALAKI 3:18

Veikhat chu ka mi tla nih mirep leh misual tlûnah thil a hawng um ding mi tla, ka rianṭuantu leh ṭuanlotu tlûnah â dang zia an muh teh lai,” a ti.

MATHAI 10:26

“Chuvachun, annih tla chu ṭih lah u; langlo ding hen thuh zeikawm a um lo, theihlo ding hen pheh zeikhawm a um lo.

MATHAI 24:30

Chu tik ah chun Minung Fapa singsiahnâk chu vândum ah a lang lai. Chu tik ah chun tual ah chi kip nih an ir an chumh lai le, chun Minung Fapa hi thiltikhonâk leh rokualnâk fâk tak hen vân sûm tlûnah a hawng kal mi an muh lai.

MATHAI 24:46

A pu a hawng kal tik ah to-aw chubang hâwitê ti hen a hawng muh mi chu a thaw a suak lai.

MATHAI 25:21

Anih nih chun a sinah, ‘To-aw ṭha leh zumhkâi, na ti zia a ṭha, tâwmtê tlûnah zumh na kâi le, tam tak tlûnah ka nan umtir lai; na pu lâwmnâk ah lût rawh,’ a ti.

MATHAI 25:23

A pu nih chun a sinah, ‘To-aw ṭha leh zumhkâi na ti zia a ṭha; tâwmtê tlûnah zumh na kâi le, tam tak tlûnah ka nan umtir lai; na pu lâwmnâk ah lût rawh,’ a ti.

LUK 6:37

“Simsâwi lah u, simsâwi hen nan um lai loh; mawhtir lah u, chun mawh hen nan um lai loh; ngaihdam u, chun ngaihdam hen nan um lai.

JOHAN 21:22

Jisu nih a sinah, “Ka hawng kal nawlh tiang um kumza ding hen duh châng sele, na rang zei me si? Nangmah nih hawng ka zûl ko,” a ti.

JOHAN 21:23

Chuvachun, chu ṭhiruai chu thi lo ding hen a thu chu unau tla lakah a thang rawh; sikhawmsele, Jisu nih a thi lai loh ti a sinah a sim lo. “Ka hawng kal nawlh tiang hen um kumza ding hen duh châng sele, na rangah zei me si?” a ti mi cho asi.

JOHAN 5:44

Nannih chawnglawmh tawng lawmhtu tla, zeitin me nan lung kho lai? Pathian cho thawk hen a suak mi chawnglawmhnâk chu nan hâwl lo mi.

ROM 14:4

Midang to-aw simsâwitu chu âu me na si? A dîr leh a tlûk chu amah hotu rang asi. Sikhawmsele, anih khawm dîrtir hen a um lai, Lalpa nih chun a dîrtir kho asi.

ROM 2:1

Churuangah, ka hâwi tla, midang tla tlûnah lâi nan rêl mu? Mi âutal si khawm ule, ngaihdamnâk rerêng nan nei lo. Midang lâi nan rêl liauah chu hâwi thil an ti mi tla hâwi nan ti bâk tâwn ruangah nanmah leh nanmah nanna mawhtir asi.

ROM 2:16

Pathian nih Thâwngthâng Ṭha ka sim hâwitê hen minung thinlung tla lakah mi thuthup tla chu Jisu Krist mang hen lâi a rêl ding Ni ah chun rêl hen an um lai

ROM 2:29

Khawmsele, a lêngpuan si lo hen Juda mi si chu Juda mi tak asi. Chun, fêmtan tak chu thinlung leikângah tan asi, lasui thu ah ko si lo hen thlarau ah asi; chu lakah chun minung sawr a lawh lo le, Pathian sawr an lawh dauh asi.

ROM 2:7

Thil ṭha ti rarâm hen, rokualnâk leh chawnglawmhnâk leh thi kho lo mi nungnâk hâwltu tla sinah chun zungzâl nungnâk a pêk lai.

1 KORIN 1:7

Chuvachun, kan Lalpa Jisu Krist langhnâk ngâk hen, thilpêk rerêng ah nan samphâng lo.

1 KORIN 11:16

Zeikhawm si sele, âuzawng êl ding hen um sele, chu hâwi dân rerêng kan nei lo, Pathian kawhmi tla khawm nih an nei lêm lo.

1 KORIN 11:26

Chu sang chu nan ei hen, hâi chu nan din kip hen a hawng kal nawlh lânlo chu Lalpa thihnâk chu nan zauhtir asi.

1 KORIN 15:23

Sikhawmsele, mah tik chiau vima ah, Krist chu thawhnâk mâitâwntu asi le, chu nûnah a hawng kal nawlhnâk ah Krist tâ tla chu.

1 KORIN 3:13

Krist a hawng langh Ni ah chun a langtir awt ruangah; chu Ni ah chun mei ngelchel nih mikip rianṭuan chu zei hâwi me asi a nik lai rawh.

1 KORIN 3:14

Âu rianṭuan zawng a tlûnah a sak mi chu a um kumza chun, chu nih chun lâwmman a tawng lai.

1 KORIN 3:8

Chun, a phuntu leh tî hen châwmtu chu pumkhat an si, sikhawmsele anmah rianṭuan hamh zia hâwi vima hen lâwmman an tawng vevê lai.

2 KORIN 10:18

Mah simṭhat nih chun sawr a lawh lo le, Lalpa nih a simṭhat mi chu sawr a lawh dauh asi.

2 KORIN 10:9

ka lasuikuat tla nih chun an lauh na ding hen ka duh lo asi.

2 KORIN 4:2

thil ningzakkâi â thup mi tla chu kan nawng dauh, ngamlêmnâk thu kan mang lo le, Pathian thu mi perpetnâk ding hen khawm kan mang lo; thutak theihtir hen Pathian mitmuh hen mikip sia leh ṭha theihnâk hen mi thinlung tawng hen um kan tum tâwn.

2 KORIN 5:10

Mi kip nih taksa thil tla chu a siat a ṭhat hen kan ti hâwi vima hen kan tawng chiau khonâk ding hen Krist lâirêlnâk tophah mâika ah chun langhtir hen kan um ver ding asi.

1 THESALONIKA 5:2

Lalpa Ni chu zân ah mifîr hâwi hen a hawng tlung awt ti nanmah ngelchel nih fiang tak hen nan theih ruangah.

HEBRAI 4:13

Thilsiam Pathian mitmuh ah a lang lo mi rerêng a um loh. A thilsiam zawzawng chu a mitmuh ah langh leh pho hen a um. Kanmah ngelchel nih kan thilti zia kan phuang ngelchel ding mi chu amah sinah asi.

JEM 4:11

Ka unau tla, pakhat leh pakhat a sâwi tawnh lah u. Âuzawng a unau sâwitu mawh, simsiattu chu Dân a simsiat hen a sâwi asi. Dân na simsiat chun Dân zâwttu na si lo le, a sâwitu na si dauh asi.

JEM 5:7

Chun, ka unau tla, Lalpa hawng kal lânlo felfê tak hen um u, lo dâwngpu nih chun ruah masa leh madung chem chu a tawng lânlo felfê tak hen thlâi rah sung tak chu a ngâk tâwn.

JEM 5:9

Unau tla, Pathian nih lâi an rêl piak na lo ding hen pakhat leh pakhat a sâwi tawnh lah u. Lâirêltu chu a nâi le, hawng kal ding hen tîm chia hen a um.

1 PETER 1:7

An thiltum chu nan lungnâk a bir asi ti niknâk asi. Ngûn â râwk kho mi men mei hen an nik, chu hâwi hen ngûn ngâk hen a sung dauh mi nan lungnâk khawm chu um vima ding hen nik bâk ding asi. Jisu Krist a hawng lang tikah nan rangah chawnglawmhnâk leh rokualnâk leh zahkâinâk a hawng si kho hi.

1 PETER 5:4

Chun, Dawrâpu Lian a hawng a langh tikah a rokualnâk lallukhuh nawh kho lo mi chu nan tawng lai.

2 PETER 3:12

Pathian Ni a tlung ding na ngâk liauah, thenhlimh tak hen Pathian sunhsak hen um rawh, chu Ni ah chun vân meialh hen a zawrtir lai le, vân thil tla chu linhnâk hen a zawrtir lai.

2 PETER 3:4

“Ka hawng kal lai, a ti mi chu a hawng lo ne? A zei ah a um? Hawng kan thlâktu tla khawm an thi ver rawh, laikulh tuah tîr thawk hen thil zeizawng a mahmun kumza ko ne?” ti hen an nihsanh na lai.

JUD 1:14

Adam thawk hen san sarihnâk Enok nih chun chubang tla thu chu hun sâwt tak thawk hen a simkan rawh asi, “Ngâinik u, Pathian lunglotu tla nih an thilti leh an thusim ṭihnungkâi tak leh Pathian an simsiat ruangah, lâirêl ding hen Lalpa chu a vânmifial thenhlimh sâng tam tak hen a hawng awt,” ti hen.

THUPHUANG 1:7

Ngâinik u, anih chu sûm tla hen a hawng awt, mikip nih an muh lai le, a sunhtu tla khawm nih, laikulh ah phun zawzawng nih amah ruangah an thinlung a fâk lai. Chu hâwi asi! Amen.

THUPHUANG 20:12

Chun, mithi tla, a lian a mê hen, laltophah mâika ah an dîr mi ka muh le, chun lasuibu tla chu a kêu le, chun, lasuibu dang, nungnâk lasuibu khawm a kêu le, chun, mithi tla chu an thilti lasuibu tla ah â rîn hâwitê hen lâirêl piak hen an um rawh.