1 KORIN 4:12 - Bawm Common Language Bible Version

¹² Mi nih hawng kan fâi chun, mal kan sâwm na tâwn; mi nih hawng kan nehsawh chun kan tuar rarâm tâwn, mi nih hawng kan phûm chun kan lêm na tâwn.

1 KORIN 4:12 ပူးပေါင်းရင်းမြစ်များ

MATHAI 5:11

“Mi nih keimah ruangah an fâi na hen, an nehsawh na hen, âwkrâwl hen sual kip hen an phiar na tikah nan thaw a suak lai.

MATHAI 5:44

Kei lam nih chun ka nan simh na, nan mêlma tla dâwt na ule, an nehsawh natu chu thlacham piak u,

LUK 23:34

Chun, Jisu nih, “Pa, annih hi ngaihdam na rawh; an thilti hi an theih lo asi,” a ti. Chun, chamchawh hen a nipuan tla chu anna ṭhen rawh.

LUK 6:28

hawlhsiat an barh natu chu malsâwm ule, an sûlneng natu tla chu thlacham piak na u.

JOHAN 15:20

‘To-aw a pu ngâk hen a rokual lo,’ ti thu kan simh na rawh kha, theihkumza u. Anmah nih kei an ka nehsawh chun, nannih khawm an nehsawwh na lai; ka thu an zâwt chun, nannih thu khawm an zâwt lai.

THILTI 18:3

Chun, Pawl chu chu tla sinah chun a tlung bâk rawh le, chun an rianṭuan hâwi ṭuan mi asi ruangah an sinah a um le, an sinah a ṭuan tâwn, an rianṭuan chu puanin siamtu an si.

THILTI 20:34

Hi kut tla nih hin kei leh ka hâwi tla pawiherh a suah tâwn kha nanmah tak nih nan theih.

THILTI 7:60

Chun, a siksidîr le, hâu fâk tak hen a âu le, “Lalpa, an thilsual ti hi an tlûnah mawh phurhtir lah na,” a ti. Chun, chu thu chu a sim thluh kâ hen a thi rawh.

ROM 12:14

An nehsawh natu chu malsâwm na ule; hawlhsiat chu barh lah u.

ROM 12:20

Churuangah, na mêlma a sung a vâng chun, ei ding pêk rawh, a tî a hâl chun, din ding pêk rawh; chu hâwi na ti chun a thilti diklonâk tla lakah na mualphoh kho lai.

ROM 8:35

Krist dâwtnâk lakah thawk hen âunih me hawng kan ṭhen kho lai? Hamhnâk nih mawh, ngaihsiatnâk nih mawh, nehsawhnâk nih mawh, pâmnâk nih mawh, takkaronâk nih mawh, ṭihnungkâinâk nih mawh, nâmsâu nih mawh hawng kan ṭhen kho lai ma?

1 KORIN 9:6

Asi lo chun rianṭuan lo ding hen kei leh Barnaba nih thu kan nei lo bîk mazei?

2 KORIN 11:8

Nanmah rian ka ṭuan khonâk ding hen kawhmi dang thawk hen lawh ka lâk le, ka suh na.

EPHESI 4:28

Fîr mang nih chun fîr lah rawh sele, a samphâng mi sinah chun pêk ding a nei khonâk ding hen a kut ah thil ṭha hen a hamh dauh seh.

1 THESALONIKA 2:9

Unau tla, kan rianṭuan hamhzia leh kan rianṭuan dît zia kha nan theih ko kha; nan lakah âukhawm kan rittir na lonâk ding hen a sûn a zân ṭuan hen Pathian Thâwngthâng Ṭha kan simh na tâwn kha.

2 THESALONIKA 3:8

âu kut lak mi khawm a thawt hen nan sang kan ei dahlo kha, nan lakah kan rittir na lo ding hen a sûn a zân hen dî leh hamh tak a ṭuan bû hen kan ei dauh asi;

1 TIMOTHE 4:10

Chun, kan lungumnâk chu Pathian nung ah chun kan ngauh ruangah hamh tak a ṭuan hen kan ti rarâm asi, anih chu mi zawzawng Ruangsuahtu asi, lungtu tla rangah asi dauh chem.

1 PETER 2:23

Mi nih hawlhsiat an barh liau khawm ah a barh na bâk lo, a tuar liau khawm ah a ṭhih na lo, lâirêltu rep, Pathian lakah a lungumnâk a ngauh dauh asi.

1 PETER 3:14

Thil dik ti ruangah tuartu ding nan si chun nan thaw a suak. Minung tla khawm ṭih lah ule, lungdawng lah u.

1 PETER 3:9

Sual chu sual hen rulh lah u, siatbarhtu chu siatbarh bâk lah na u, chu ngâk chun mal lam sâwm lehlam na u. Churuang chun malsâwmnâk ting ding hen Pathian nih a nan kawh na asi.

1 PETER 4:19

Churuangah Pathian duhzia hâwi hen tuartu tla nih chun thil ṭha ti hen amah Siamtu zumhkâi tak sinah a kiltir na seh.

JUD 1:9

Mikael vânmifial chungnungchem men kha, Mosi ruak thu ah anna êl liau khan, Diabol tlûnah thu rêl piak hen mawh a phurhtir ngam lo le, “Lalpa nih a nan fâi dauh seh” a ti.