1 KORIN 4:10 - Bawm Common Language Bible Version

¹⁰ Kannih lam chu Krist ruangah mi â kan si, nannih lam chu Krist ah mi fing nan si dauh. Kannih lam chu kan chak lo le, nannih lam chu nan chak, nannih lam chu mi chawnglawmh hen nan um le, kannih lam chu mi zauhnawmh hen kan um asi.

1 KORIN 4:10 ပူးပေါင်းရင်းမြစ်များ

2 Lal 9:11

Jehu chu a hâwi tla sinah a kîr le, annih nih chun a sinah, “Thil zeizawng a tluang ma? Kha mi â pa nih zei rangah an duh?” an ti. Jehu nih a sâng le, “A duh mi chu nan theih ko kha ta a,” a ti.

THUFING LASUIBU 11:12

Midang tla siarlo tak hen thusim chu âtkâi tak asi. Na fing mi asi chun na dâisip lai.

ISAI 53:3

Kan zauhnawmh le, amah chu kan nawng; nganfâk leh tuarnâk leikângah â dawnh kho. Zeikhawm asi lo mi hâwi hen âukhawm nih an zauh duh lo le, kan âwva lo.

HOSEA 9:7

Rêpnâk ding ni chu a hawng tlung rawh. Mi nih an tawng ding mi an sual man chu an tawng rawh chu chu a tlung tikah Israel nih a theih lai. Hi “Khuavâng hi a â mi asi, hi thu theihtu minung hi a â mi asi,” nan ti. Nannih tla nih chun nan sual a fâk tuktarâi ruangah thungâi nan hawng ka hua.

MATHAI 24:9

“Chu tikah chun hamh tuar ding hen a nan tleihtir na lai le, an thah na lai; ka min ruangah phun zawzawng huat nan si lai.

MATHAI 5:11

“Mi nih keimah ruangah an fâi na hen, an nehsawh na hen, âwkrâwl hen sual kip hen an phiar na tikah nan thaw a suak lai.

LUK 10:16

Jisu nih a ṭhiruai tla sinah, “Âuzawng nannih thu ngâitu chu keimah thu ngâi an si; âuzawng an duh lo natu chu keimah an ka duh lo mi asi; âuzawng kei hawng ka duh lo mi chu hawng ka fialtu duh lo asi,” a ti.

LUK 18:9

Chun, mirep ah â ruat hen, midang zawzawng zauhnawmh tâwntu âu tla mawh sinah chun hi tahṭhimh thu khawm hi Jisu nih a sim:

LUK 6:22

“Minung Fapa ruangah mi nih an hua na hen, an nawng na hen, an fâi na hen, nan min a ṭhalo ti hen an lawnh tlak na tikah nan thaw a suak teh lai!

THILTI 17:18

Chun, Epikuria mi leh Stoik mi lakah mi fing âumawh khawm nih anih chu an hawng êlpi. A zeimaw mi nih, “Hi mi katam nih hin zei me sim a tum?” an ti. A zeimaw mi nih Jisu thu leh thawknawlhnâk thu a sim ruangah, “Ramdang pathian tla thusimtu asi bei a!” an ti.

THILTI 17:32

Chun, mithi lakah thawknawlhnâk thu chu an theih kâ hen, a zeimaw mi an nihsanh, a zeimaw mi nih, “Hi thu hi na sinah kan hawng ngâi nawlh lai,” an ti.

THILTI 26:24

Chun, chu hâwi hen a mawhlonâk thu Pawl nih a sim liauah Festa nih chun hâu fak tak hen, “Pawl! Na â asi, na sîn tamnâk nih a nan âttir asi hi!” a ti.

THILTI 9:16

Chun, ka min ruangah hamhnâk zei hâwi tluk a fâk mi a tuar ding amah ka theihtir awt asi,” a ti.

1 KORIN 1:21

Pathian finghnâk ah chun laikulh nih a finghnâk mang hen Pathian an theih kho lo nûnah thusim âtkâi mang hen a lungtu tla ruangsuah chu Pathian nih, “Thungâi ṭha” a ti.

1 KORIN 1:23

Kannih lam nih chun Krist khenhbêknâk thu kan sim tâwn asi; chu chu Juda tla rangah chun tlûknâk, Phundang tla rangah chun âtnâk asi.

1 KORIN 1:25

Pathian âtnâk chu minung finghnâk ngâk hen a fing dauh, Pathian chaklonâk khawm chu minung chaknâk ngâk hen a chak dauh.

1 KORIN 10:12

Churuangah, dîr hen a râlring mi chu a thiamthih seh, chu lo chun a tlû lebang lai.

1 KORIN 2:14

Laikulh mi nih chun Thlarau lei thil tla chu a lawmh tâwn lo, anih ngaih chun âtkâi an si; Thlarau ah cho theih kho mi a si ruangah a theih kho lo rerêng asi.

1 KORIN 2:3

Chun, chak lo leh ṭih hen, thungâi thir bû hen nan lakah ka um.

1 KORIN 3:18

Âukhawm mah a â tir lah seh. Nan lakah âuzawng hi laikulh ah hin fing hen â ruat chun a fing khonâk ding hen mi â ah a chang seh.

1 KORIN 3:2

Buh silo hen nûk hen ka nan châwm na kha, buh nan ei kho lo ruangah khan: tu khawm ah nan ei kho lo nget rih asi,

1 KORIN 4:8

Tu thawk hen nan khawp rawh, tu thawk hen nan nei rawh, kanmah tel lo hen nanmah lâwng hen nanna lal rawh asi hi: lal tatak ule ka duh asi, kannih khawm nih nanmah tla hen kanna lal khonâk ding hen.

2 KORIN 10:10

A lasuikuat tla chu a rit hen a khauh le, a taksa lei lam chu a nêmno le, a hawlh khawm sik a kâi asi,” an ti dangâiah.

2 KORIN 11:19

Nannih lam chu mi fing nan si ruangah mi â tla lakah lungâwi tak hen nanna dawnh tâwn.

2 KORIN 11:29

Mi âumawh an chak lo chun kei khawm ka tuarpi bâk; mi âumawh sual ah an tlû chun lungfâk hen ka khat tâwn.

2 KORIN 13:9

Kannih kan chak lo liau khawm ah nannih nan chak chun kanna lâwm tâwn asi; hi hi kan deih tâwn; nanmah ṭhat rangtlingnâk hi.

2 KORIN 4:12

Chun, kanmah lakah hin thihnâk nih a ṭuan tâwn le, nannih lakah lam chun nungnâk nih a ṭuan dauh tâwn asi.

2 KORIN 6:8

rokualnâk leh chawnglawh lonâk hen, min simsiat leh min simṭhat hen, perpettu hâwi hen, mi dik tak si ṭung hen,

1 THESALONIKA 4:8

Churuangah, a siarlotu nih chun minung a siarlo asi lo le, Pathian, a Thlarau Thenhlimh a nan pêk tâwn natu siarlo mi asi dauh.

1 PETER 4:14

Krist lungtu nan si ruangah fâi nan si chun nan thaw a suak, rokualnâk Thlarau leh Pathian Thlarau chu nan lakah a um ruangah.