1 KORIN 3:8 - Bawm Common Language Bible Version

⁸ Chun, a phuntu leh tî hen châwmtu chu pumkhat an si, sikhawmsele anmah rianṭuan hamh zia hâwi vima hen lâwmman an tawng vevê lai.

1 KORIN 3:8 ပူးပေါင်းရင်းမြစ်များ

SAM 62:12

LALPA, nangmah ngelchel nih, mikip an thilti hâwi vima hen lâwmman pêk na.

THUFING LASUIBU 27:18

Theipi kûng chu bul le, a rah ei ding na tawng lai. To-aw, a pu bulsântu chu sawr a lawh lai.

DANIAL 12:3

Ruitu fing chu vân a mi chêunâk zawzawng hen an chêu lai le, mi tam tak thil ti ding hen sîntirtu chu ârfi hâwi hen an chêu kumza lai,” a ti.

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

LUK 19:19

Chun anih nih chun, anih sinah khawm chun, ‘Nang khua panga lakah hotu ah um rawh,’ a ti.

ROM 2:6

Pathian nih chun mikip an thilti hâwi vima hen lâwmman a pêk lai.

1 KORIN 15:58

Churuangah, ka unau duhtak le tla, bir tak hen, changh kho lo rê hen, Lalpa rian ṭhanemngâi tak a ṭuan kumza hen um u, nan ṭuan hamhnâk chu Lalpa ah chun a thawt dahlo ti nan theih asi.

1 KORIN 3:14

Âu rianṭuan zawng a tlûnah a sak mi chu a um kumza chun, chu nih chun lâwmman a tawng lai.

1 KORIN 3:7

Chun, a ṭhangtirtu Pathian cho lo chu a phuntu chu zeikhawm asi lo, tî hen châwmtu khawm chu zeikhawm asi bâk lo.

1 KORIN 3:9

Kannih lam chu Pathian rianṭuantu kan si; nannih Pathian lo munma chu nan si. Pathian in sak chu nan si ber.

1 KORIN 4:15

Krist lakah chun sîntirtu sîngkhat nei khawm ule, pa lam chu tam tak nan nei lo asi; kei nih Krist Jisu ah chun Thâwngthâng Ṭha hen ka nan ring na kha.

1 KORIN 9:7

Kawrsen âu me mah leh mah a châwm hen râltuk dah tâwn? Âunih me a rah ei ṭung lo hen grep dûm tuah dah tâwn? Asi lo chun, âunih me ranrual nûk ei ṭung lo hen ranrual zauhkhenh dah tâwn?

GALATIA 6:4

Mikip mah thilti a nik chiau seh, chu nûn chun midang tlûn silo hen mah lak cho ah putso ding a nei lai.

GALATIA 6:5

Mi kip mah phurh chiau an phurh awt ruangah.

HEBRAI 6:10

Tu ah nan ti liau hâwi hen, Kristian unau tla sinah Pathian min hen dâwtnâk ruangah nan ti mi leh nan ṭangpi na nâk tla chu philh ding hen Pathian chu mi replo asi loh.

1 PETER 5:4

Chun, Dawrâpu Lian a hawng a langh tikah a rokualnâk lallukhuh nawh kho lo mi chu nan tawng lai.

2 JOHAN 1:8

Kan ṭuan san kha nan thlâu lonâk ding hen, a man kim tak hen nan tawng khonâk ding hen a vêng u.

THUPHUANG 2:23

Chun, kei khawm nih a zûltu tla chu ka thah na lai le, kawhmi murui tla nih chun kei hi mi duhnâk tla leh an thinlung tla dawnruatnâk theihtu chu kasi ti an hawng ka theih lai, chun, nan thilti hâwi vima hen kan rulh na lai.

THUPHUANG 22:12

Chun, Jisu nih, “Ngâinik!’’ ‘’Ka hawng kal tuan awt hi! Mi kip an thilti hâwi vima hen pêk na ding hen ka lâwmman ka hawng put awt asi.