1 KORIN 3:6 - Bawm Common Language Bible Version

⁶ Kei nih ka phun le, Apolo nih tî hen a châwm, sikhawmsele, Pathian nih a ṭhangtir asi.

1 KORIN 3:6 ပူးပေါင်းရင်းမြစ်များ

SAM 127:1

LALPA nih in a sak lo chun, a saktu tla rianṭuan chu a thawt asi. LALPA nih khuapi a vêng lo chun, vêngtu tla chu a thawt cho asi.

SAM 62:11

Thiltikhonâk leh a dâwtnâk dawnglo chu amah lak thawk hen mi asi ti Pathian nih a sim mi veikhat ngâk a tam ka theih.

SAM 62:9

Minung hi thawsuah mi hâwi cho asi, a lian a mê zeikhawm an si lo. Khîng lakah thlâi khawmsele ritnâk an nei lo, thlivir ngâk hen an zâng dauh asi.

THUFING LASUIBU 11:25

Hawk le, na sul-le-lam a tluang lai. Midang ṭangpi na le, nang khawm a nan ṭangpi bâk lai.

ISAI 61:11

A chî a keuh hen a hawng ṭhang tatak rawh chun, LALPA Zahkâi nih a mi tla ruang a suah na lai le, Phun zawzawng nih amah an sawr lai rawh.

THILTI 11:18

Chun, chubang thu chu an theih hen an dâisip rawh, “Chu hâwi asi chun Pathian nih Phundang tla nung ding hen rim a siang rawh ma chu!” ti hen, Pathian an sawr rawh.

THILTI 14:27

Chun, an tlung nûnah kawhmi tla chu an pumh na le, Pathian nih anmah tla mang hen thil a ti mi zawng tla leh phundang tla rangah lungnâk inkhâr a awng piak na zia tla chu an sim.

THILTI 16:14

Chun, a min Lidia puan senduk zuartu Thiatira khua mi, Pathian sawnhtu nunau pakhat nih kan thu a theih le, chun Pawl thusim zûl ding hen Lalpa nih chun a thinlung a fiangtir rawh.

THILTI 18:24

Chun, Juda pakhat a min Apolo, Alekzandria khua ah a suak mi, thusim thiam tak, Ephesi khua ah chun a va kal le; anih nih chun Pathian lasui thu tla thungâi a theih.

THILTI 19:1

Chun, Pawl nih chun saklei bial a ṭawl dih ver le, Apolo Korin khua ah a um kar khan Ephesi khua chu a tleng le, ṭhiruai tla âumawh a muh na.

THILTI 21:19

Chun, Pawl nih annih tla chu chibai a bûk thluh na nûnah chun a rianṭuannâk mang hen Pathian nih Phundang tla sinah thil a titir mi vial chu a kipkâwi hen a sim.

ROM 15:18

Krist nih Phundang tla lungtir ding hen, thusim leh thilti hen, singsiahnâk tla leh thilchê tla, Thlarau Thenhlimh thiltikhonâk ah chun, keimah mang hen a thilti tla cho lo chu zeikhawm sim ka ngamh loh. Jerusalem khua leh a kiangkam ram thawk hen, Ilurikon ram tiang hen, Krist Thâwngthâng Ṭha chu ram kip ah kim hen ka sim rawh; keimah mang hen a thilti chu chu tluk asi.

1 KORIN 1:12

Hi hi asi ka ti mi chu: mikip nih, “Kei Pawl murui kasi,” “Kei lam chu Apolo murui kasi," “Kei lam chu Peter murui kasi” Kei lam chu Krist murui kasi,” nan ti chiau hi.

1 KORIN 1:30

Nannih lam chu amah ruangah Krist Jisu lakah chun nan um asi; anih chu Pathian sinah mi kan rangah finghnâk ah siam asi, repnâk ah, thenhlimhnâk ah, tlanhnâk tla hen.

1 KORIN 3:22

Pawl mawh, Apolo mawh, Kipha mawh, laikulh mawh, nungnâk mawh, thihnâk mawh, thil um chia mawh, thil hawng um ding mi mawh, a ektê hen nan tâ ver asi; nannih khawm Krist tâ nan si;

1 KORIN 3:7

Chun, a ṭhangtirtu Pathian cho lo chu a phuntu chu zeikhawm asi lo, tî hen châwmtu khawm chu zeikhawm asi bâk lo.

1 KORIN 9:1

Mi thawsuak kasi lo mazei? Mifial kasi lo mazei? Kan Lalpa Jisu ka muh rawh lo mazei? Nannih tla chu Lalpa ah ka rianṭuan nan si lo mazei?

1 THESALONIKA 1:5

kha hâwi hen kan Thâwngthâng Ṭha chu thu cho hen nan sinah a tlung lo le, thiltikhonâk leh Thlarau Thenhlimh leh thungâi tak a theihfiangnâk hen a hawng tlung dauh kha; nanmah kawngkâ ruat hen zei hâwi mi me kan si ti nan theih asi.